Dt 29:5 - Chuj San Sebastian Bible

⁵ Chawinc ab'il ex wij b'ey 'a lum cusltac lu'um, palta ma'ix lajw 'el e pichul yet' pax e xan̈ab'.

Chuj San Mateo Bible

⁵ 40 ab'il ix ex in cuchb'ej d'a taquin̈ luum. A d'a jun tiempoal chi', maj lajvoquel-laj e pichul, maj lajvoquel-laj e xan̈ab'.

Dt 29:5 Referans Kwoze

Dt 8:4

A qui pichl 'aych cujec 'a jun chawinc ab'il cha, ma'ix lajw xoni, ma'ix tzajlj pax coc qui b'eyi.

Nehemías 9:21

'Ix ac' tas tzc'ux eb' 'a lum cusltac lum 'a chawinc ab'il. May junc tas xyac' palta 'a eb', may 'aj x'ichmax spichl eb', may 'aj xmal yoc eb' sb'eyi.

Dt 8:2

Nac cot wal si'mb'il, chajtlto chawinc ab'il on̈ b'eyc cot 'a lum cusltac lum yuj Jehová qui Diosalec. 'Ix yac' quilc yailal, on̈ ya'lni prowal yet' qui nab'en, toto yel tzqui yicljec schecnb'il tic, mto ma'ay.

Mt 10:10

man̈ eyic' e pa tzex 'ati. Junn̈j e camx tzeya'chi, tzex 'ati. Man̈ eyic' jun mojn̈ocx e xan̈ab'. Man̈ eyic' e c'ococh. Tzwal jun tzo'n̈ tic 'ayex, yujto a eb' tzmunlji, smoj tzchaj eb' tas tzc'uxu.

Dt 1:3

A yic 'ayx 'och 'a schawinc ab'il yelt eb' israel 'a Egipto, 'a b'ab'l c'u yoch yuxlchil 'uj, ata syamch Moisés yaln 'a eb' chon̈ab' tas tzyutj Jehová yaln 'a yib'n̈ eb'.

Josué 9:13

A jun tzo'n̈ tz'um tic, caw 'a't eb' yic xqui b'ut'n eb' on̈, palta ax ticnec, xjat eb' yic on̈ b'ey coti. Xlajw pax 'el qui pichul yet' qui xan̈b' tic on̈, yujto caw najt on̈ coti, xchi eb'.

Josué 9:5

'Ix ya'n 'och eb' 'ichm pichul, 'ichm xan̈ab', nipquintac yilx smasnil jun tzo'n̈ cha. Tacn̈ wal xyij eb' swa 'a yol b'e, caw wal c'uxmtac yilxi.

Ex 7:7

A Moisés 'ay 80 ab'il sq'uinal, ax win Aarón 'ay 83 ab'il sq'uinal yic xpaxtin eb' yet' win sreyl Egipto cha.

Nm 14:33

Ax eb' eyunnal tic, 'icha to 'ilj calnelun̈ej 'oj sb'o eb' chawinc ab'il 'a lum cusltac lum tic. A eb' 'oj tupn lajwc e tenmtacl x'och 'ayin, masnto 'oj lajwc e chamcn ax tic 'a lum cusltac lum tic.

Ex 6:7

'Oj ex wi'ch in chon̈b'oc, ax woch e Diosaloc. 'Ixta 'oj eyutc eyojcan 'eli to an ton Jehová in, e Diosal in. An tzex in col-l 'a yol sc'ab' eb' 'aj Egipto tic.

Dt 8:3

Til wal yailal xquilec, xca'nec pax wejel, ax Jehová 'ix 'a'n qui c'uxc maná. A jun cha, man̈ eyojcoc sc'uxxi. May pax 'aj c'uxb'il yuj eb' qui mam quichmec 'a pecti'. 'Ixta xyutj ya'n cojcoc 'eli to man̈ cojnoc yuj tas tzc'uxxi pitzn on̈ec, palta pitzn on̈c yuj smasnil tas tzyal Dios.

Salmos 78:24

'Ix ya'n 'emt maná 'a yib'n̈ schon̈b' 'icha wal yem n̈ab', 'ixta xyutj ya'n 'emt satchan̈il trigo swaj eb' 'anma cha.