Dt 28:65 - Chuj San Sebastian Bible

⁶⁵ Ya' sb'a 'ayx 'ec' 'a jun tzo'n̈ nacion̈ cha, may xon jac e tzaljc'ojlal ta', ma'oj eyilj xon jab'oc, yujto a Jehová 'oj 'a'n jawc e xiwc'ojlal, caw cusltac yilx e sat yuj somc'ojlal.

Chuj San Mateo Bible

⁶⁵ Ayic ayex ec' d'a juntzan̈ nación chi', man̈ ol eyic' jab'oc eyip, malaj jab'oc tas b'aj ay eyalan eyico'. Yujto d'a xivc'olal ol ex ajec' yuj Jehová ta', cuseltacxon̈ej ol aj yilji e sat yuj ilc'olal.

Dt 28:65 Referans Kwoze

Lv 26:36

Ax eb' eyin̈tl pitznto 'a scal eb' 'ajc'ojl yajch 'ayx cha, 'oj wac' jawc xiwc'ojlal eb' si'mb'il. 'Oj laj comn 'at eb' 'eloc, yic 'oj yab'nc eb' sc'an̈ yem c'otnjoc junc xil te'. 'Oj laj 'at eb' 'eloc, 'icha to 'ay mach pechjnac eb' yet' q'uen espada. 'Oj laj smac' telwc sb'a eb' s'at 'eloc, palta may mach tzpechn eb'.

Ro 11:10

'Och cab' 'a sat eb' yuj 'a jun 'emn̈ej. 'Icha cab' junc winc tzquilx 'ejm n̈ojn yuj tas tzcuchu, 'ixta cab' tz'ajcn eb' 'a smasnil tiempo, xchi David cha.

Am 9:4

Wach'xam 'oj 'ijxoc 'at eb' 'icha presoal yuj eb' 'ajc'ojol, palta 'oj 'at wac' tzu'xoc cham eb' yet' q'uen espada. 'Oj wa'n̈j 'och syailal eb', man̈oc wach'l 'oj wac' 'a eb', xchi Dios.

Lv 26:16

an̈jtona 'in, 'oj in na', tas 'oj ex wutoc. 'Oj wa' cot xiwc'ojlal 'a eyib'an̈. 'Oj cot owya yab'il 'a e cal. C'a'lyab'il, 'oj 'och 'a e sat. 'Oj e tz'onb' cha'an̈, ax yel yip e niwnal. 'Oj cob' e b'o e munljel, palta ax eb' 'ajc'ojl 'oj molnoc sat smasnil eyawb'en cha.

Gn 8:9

Palta ax no 'uch cha, 'ix meltzj pax no 'a te barco chi jun 'ejm xo, yujto ma'ix 'ilchj yet'l no 'aj wach' tzcani. Caw wal b'ut'nto sat lum lum chi yet' a a cha. 'Ix ya'n 'elt win Noé sc'ab' yic schan 'och win no 'a yol te barco cha.

Lc 21:26

Caw 'oj sacb'oc 'el eb' 'anma yuj xiwlal, yic 'oj snanc eb' yuj tastc 'oj jawc 'a yolyib'n̈q'uinl tic, yujto 'oj tzicb'tan̈xoc jun tzo'n̈ 'ay spoder 'a satcha'an̈.

Mt 24:8

A jun tzo'n̈ yailal cha, ton̈j tzb'ab'lj cani, 'ayt wal jun tzo'n̈ xo yel xo tu 'oj jawoc.

Habacuc 3:16

A yic xwab'n smasnil tas 'oj jawc 'a quib'n̈ chi 'on̈, caw in xiw cha'an̈. 'Ix 'ib'x chan̈ in ti'. Smasnil in niwnal, caw man̈x 'a yip, tzanxn̈ej 'aj in telwi. Wach'xam 'ixta 'oj 'ajoc, palta caw junc'ojlaln̈ej waj in tan̈wni jun c'ual yic 'oj jawc yailal oj 'a yib'n̈ eb' tz'a'n owl quet' on̈.

Lm 3:65

'A' pitb'oc 'el snab'en eb', 'a' cot catb' 'a yib'n̈ eb'.

Is 65:14

A eb' in checb' tic, 'oj b'itnoc eb' yuj tzaljc'ojlal, palta ax xo tic, to 'oj 'el eyaw eyoq'ui. Caw wal 'oj e cus yuj yailal 'oj jawc 'a eyib'an̈.

Is 57:21

Ax eb' maysch'olnil tas tzb'o'o, toxn may jac wach'l 'oj yil eb', xchi Dios.

Is 51:17

Pitzc 'el 'a e sat ex 'aj Jerusalén, 'ijec pax chan̈ e b'a. A ticnec, tox 'ix 'ec' yowl sc'ojl Jehová 'a eyib'an̈. A eyailal 'ix 'eq'ui, 'icha tz'aj sat sc'ojl eb' 'u'm 'an̈ yuj yan̈ cha, 'ixta ex 'aj yuj eyailal tic.

Dt 28:66

Xiwc'ojlal eyaj 'a smasnil tiempo yuj e q'uinal. 'Oj e xiw 'a c'ual, yet' pax 'a 'ac'wal. May xon b'a'n̈ 'ay e tzaljc'ojlal.

Job 11:20

Palta ax eb' maysch'olnil snab'en, 'oj cob' sayc' eb' mach 'oj colwjoc 'a 'a, palta caw nab'a xoj. Man̈x 'oj 'ilchjoc 'aj wach' scoln sb'a eb', axn̈ej schamlil eb' 'aj 'oj ya'ch snab'en, xchi win Zofar.

Lm 1:3

A eb' 'aj Judá, caw wal ya tzyab' eb' yujto ya munljel 'aj 'aych eb', 'ix 'ijx 'at eb' 'icha presoal. A ticnec, 'ayx 'ec' eb' 'a scal jun tzo'n̈ xo nacion̈, toxn matz 'ilj xon eb' jac smunlji. 'Ayx 'ec' eb' 'a scal yailal, 'ix yamchj eb' yuj eb' tzpechn b'eyc'oc.

Lm 5:17

Yuj cha, caw ya caj tzcab' on̈, caw wal tz'och pax 'a qui sat on̈.