Dt 28:57 - Chuj San Sebastian Bible

⁵⁷ 'Ixta 'oj yut sb'a 'ix, sec man̈ locnoc eb' 'oj chinc eb' yune 'ix tzat 'alji. An̈jtona pax smoj yune 'ix cha, ma'oj yac' 'ix schi eb', mun 'oj sc'ultac chic 'ix eb' yune cha, yujto man̈x 'a tas wach' sc'uxni, yic 'ayc' eb' 'ajc'ojl yac' owl eyet' 'a e chon̈ab'.

Dt 28:57 Referans Kwoze

Is 49:15

Palta ¿tom tzsat sc'ojl junc nunb'il 'a junc yune chamc'ojlb'il yu'uj? Wach'xam pax tzsat sc'ojl 'ix jun, palta an tic ma'oj e 'at satc'ojlal wu'uj.

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

Dt 28:53

A yic oyn 'och eb' 'ajc'ojl yac' owl eyet' 'a e chon̈b' cha, ax xo, caw 'ay e wejel. Yuj wejl cha, ax e chin 'ejm eyunnal yet' eyisil, eb' xyac' Jehová qui Diosalec 'ayex.

A Ch'an̈ Schab'il Libro Yic Yab'ixal Eb' Rey 6:28

¿Tas pax tzach 'i'n jun? xchi win rey cha. 'Ix ta'w 'ix, xyaln 'ix 'ixtic: —'Ix yal jun 'ix tic 'ayin: Tzac' one tic qui chi ticnec, ax wic tic tzqui chi pax q'uic'an, xchi 'ix 'ayin.

A Ch'an̈ Schab'il Libro Yic Yab'ixal Eb' Rey 6:29

Yuj cha, 'ix in tz'an̈n in chi jun wune chi yet' 'ix, ax 'a junx c'u 'ix waln 'a 'ix to tzyac' 'ix yune chi in chi yet'oc, palta tox sc'ub'j 'el 'ix yune cha, xchi 'ix 'a winac.

Lm 4:10

Yuj cha, a eb' 'ix 'ix caw wach' xon cob' snab'en, tzlaj stz'an̈ eb' schi yune yuj jun yailal 'ix jaw 'a yib'n̈ eb' wit chon̈ab'.