Dt 28:49 - Chuj San Sebastian Bible

⁴⁹ A junc nacion̈al eb' 'anma caw najt 'ay 'a slajb' yolyib'n̈q'uinl tic, a 'oj yi' cot Jehová 'ayex. 'Icha wal sjelnal sb'ey junc no salt'iw yic tzjen̈wj no', 'ixta 'oj 'aj sjaw eb'. Chuc sti eb', ma'oj eyab' tas tzyal eb'.

Chuj San Mateo Bible

⁴⁹ A eb' anima d'a junoc nación te najat b'aj slajvic'och yolyib'an̈q'uinal tic, a eb' ol yic'cot Jehová d'ayex, yelc'olal ol aj scot eb' icha sjen̈vi noc' ch'acb'a. Ch'oc ti'al syal eb', man̈ ol eyab'laj tas ol yal eb'.

Dt 28:49 Referans Kwoze

Lm 4:19

A eb' tzon̈ pechn b'eyc'oc on̈, yel xo jeln sb'ey eb' 'a no c'u'm tz'ec' 'a satcha'an̈. Tzon̈ spech eb' 'a lum jolmctac witz on̈, tzon̈ smac eb' 'a lum cusltac lum on̈.

Jeremías 49:22

A eb' 'ajc'ojl cha, caw yajn̈ej ax sc'och eb' yac' owl 'a chon̈b' Bosra, 'icha sc'och jen̈n̈oc junc no c'uc'um. A wal 'a jun c'u cha, a eb' soldado 'aj Edom, caw 'oj 'ib'xoc eb' yuj xiwlal 'icha junc 'ix 'ix wan yalj yune', xchi Dios.

Jeremías 48:40

Tzyaln Jehová pax 'ixtic: A jun 'ajc'ojl yajch 'a Moab, 'ix c'och lemnjoc 'a 'a, 'icha sc'och jen̈n̈oc junc no c'uc'um.

Os 8:1

Ach Oseas, ¡'Utz'j a trompeta! yujto wan sjaw tza'n̈joc eb' 'ajc'ojl 'a eb' in chon̈b' 'icha junc no c'uc'um, yujto ma'ix syiclj eb' in trato in b'ojnac yet'oc, tenmtac xyutj sb'a eb' 'a in cuynb'il.

Ez 17:3

Tzaln 'a eb' to an tzwal jun ab'x tic 'ixtic: 'Ay wal jun no niwquil salt'iw xc'och 'a Líbano, caw niwc sc'axl no', tz'ib'quintac yilx xil no cha. Sn̈a'n cot no schon jun te c'ute'.

Ez 17:12

C'anb'j 'a eb' et chon̈b' tenmtac cha, tzam nachj 'el yuj eb' tas tzyal 'el'ch jun 'ab'x tzal cha. Al 'ixtc 'a eb': A no b'ab'l salt'iw cha, tzyal 'el'chi atn win sreyl Babilonia. 'Ix c'och win 'a Jerusalén, 'ix yi'n cot win eb' syajlil Judá yet' sreyl 'icha presoal. 'Ix yij cot win eb' yet' 'a Babilonia tic.

1 Co 14:21

A 'a sley Dios, ata tz'ib'b'il can 'ixtic: An tic, 'oj in paxtin 'a jun chon̈b' tic 'a jun tzo'n̈ chucchc ti'al, yet' 'a sti eb' chucchc chon̈b'al. Palta an̈j 'ijnoc ma'oj ya'ch eb' snab'en 'ayin, xchi Cajlilec.

Mt 24:28

'Icha pax 'aj tzcheclj sniwnal junc no chamnc noc', yujto ata tzyam sb'a no 'usej, 'ixta 'oj 'ajoc.

Dn 9:26

A yic 'oj lajwc 'ec' 62 seman cha, ax smilx cham jun Yajl sic'b'il 'el cha, 'icha to may tas 'ix wul sb'o'. 'Oj lajwc cha, ax sma'x 'ejm lan̈chjoc chon̈b' Jerusalén yet' jun yatut Dios yuj eb' 'anma 'aych yet' jun yajl tot 'oj jawoc. 'Icha wal yel a 'elmal a', 'ixta 'oj 'aj satl Jerusalén. Caw 'oj 'ochn̈j owal, til wal tas 'oj satxoc 'eli, a tzyal wal tas nab'il yuj Dios, masnto 'oj jawc slajb' c'ual.

Jeremías 4:13

'Ix yaln pax Jehová 'ixtic: 'Iltec wal scot eb' 'ajc'ojol, lajn wal scot eb' 'icha junc 'asun. A wal scaruaje eb', lajn sb'ey 'icha junc chacxuxm 'ic'. 'Ec'b'al sb'ey schej eb' 'a no salt'iw. Alc 'ixtic: ¡'Oltacn̈ec wal an̈ec tic, caw wal 'oj qui satc 'eli! xe chi.

Nm 24:24

'Ay eb' 'anma 'oj cot 'a yojl te barco 'oj cot 'a sti a mar yic Chipre, ax satn 'el eb' chon̈b' Asiria yet' chon̈b' Heber, palta 'oj satl pax eb', xchi Balaam.

Ez 3:6

Man̈oc 'a jun tzo'n̈ nacion̈ caw niwn sb'isl 'aj tzach in checb'ti. A jun tzo'n̈ nacion̈ chucchc til tzyala, 'ajltac snachj 'el tas tzyal eb', ma'oj ab' tas tzyal eb' cha. Q'uinloc pax a 'a jun tzo'n̈ chon̈b' chi tzach in checb't pax jun, tecn yajn̈ej ax schan eb' chi yab' 'ayach.

Gn 11:7

Ax ticnec, 'em coyc 'a scal eb', ca'c somchjoc 'el sti eb', yic wach' man̈xtoc 'oj yab'lac eb' sti', xchi.

Salmos 81:5

atn jun checnb'il tic alb'il 'a eb' qui mam quichmec, yic sc'och Dios yac' owl 'a Egipto. Ata 'ix yab' eb' jun ti', to ma'ix nachj 'el yuj eb'.

Pr 30:19

Atn tas tz'aj sb'ey no salt'iw 'a satcha'an̈, tas tz'aj yec' no chan 'a sat q'ue'en, tas tz'aj sb'ey te barco 'a yib'n̈ a mar yet' tas tzyutj win quelm smontn sb'a yet' 'ix cob'es.

Is 7:18

A 'a jun tiempoal cha, 'oj ya' cot Jehová eb' soldado cajn 'a stitc a niwn a 'a Egipto, ax sjaw somnjoc eb' 'icha tzyac' no 'us. 'Oj yawtn cot eb' soldado 'aj Asiria, ax sjaw somnjoc eb' 'icha no sno'l chab'.

Is 33:19

Man̈x b'a'n̈ 'oj eyil jun tzo'n̈ eb' b'an̈quintac chi 'a e cal, atn eb' chuc til tzyala, may mach tz'ab'n tas tzyal eb'.

Is 39:3

Xlajw spaxcn eb' winc cha, 'ix 'at Isaías win schecb' Dios 'a win rey Ezequías, 'ix sc'anb'n 'a 'ixtic: —¿'Ajtil 'ix cot jun tzo'n̈ winc cha? ¿tas xchi eb' 'ayach? xchi. —'Ix cot eb' 'a jun nacion̈ caw najat, atn 'a Babilonia, xchi Ezequías.

Ez 11:9

'Oj ex wic' 'elt 'a yol chon̈b' tic, ax wa'n 'och yailal 'a eyib'an̈, ax 'a yol sc'ab' eb' chuc chon̈b'al, ata 'oj ex wactcani.

Dn 7:4

A jun no xb'ab'l q'ueta, lajn yilx 'icha no león, palta 'ay sc'axl 'icha no salt'iw. Ya' sb'a wanto wiln cha, ax xwilni 'ix to'x 'el jun tzo'n̈ sc'axl cha, xlajw cha, x'ijx chan̈ lin̈n 'a sat lu'um. 'Icha 'anma x'aj chan̈ lin̈an. 'Ix jelmj snab'en, 'icha xo snab'en 'anma x'ajcni.