Dt 28:45 - Chuj San Sebastian Bible

⁴⁵ Smasnil jun tzo'n̈ yailal tic, 'oj jawc eb' 'a eyib'an̈, 'oj 'ochn̈j eb' 'ayex, masnto 'oj e satl yu'uj, yujto matz eyiclj smasnil schecnb'il yet' sley Jehová qui Diosalec xyac' 'ayex.

Chuj San Mateo Bible

⁴⁵ Masanil juntzan̈ yaelal tic ol ja d'a eyib'an̈. Ol eyab'xon̈ej syail masanto ol yal e sateli, yujto maj e c'anab'ajej masanil schecnab'il yed' sc'ayb'ub'al Jehová co Diosal ix yac' d'ayex.

Dt 28:45 Referans Kwoze

Dt 28:15

Palta toto ma'oj eyiclc smasnil schecnb'il yet' sley Jehová qui Diosalec, atn jun tzo'n̈ wan waln 'ayx tic, to 'ixta', 'oj jawc wal jun tzo'n̈ scatb' 'a eyib'an̈:

Is 1:20

palta toto an̈ja tenmtac tzeyutj e b'a, 'oj e cham 'a scal 'owl 'oj wa' cot 'a eyib'an̈, xchi.

Ez 14:21

Yuj cha, an Jehová Yajl in, an tzwal 'ixtic: A yic 'oj wa'noc cot chan̈e niwc yailal 'a yib'n̈ chon̈b' Jerusalén, caw wal 'ay smay tas 'oj ujc cha. 'Oj jawc owal, wejel, no chiwjum noc' yet' yab'il. 'Oj cham eb' 'anma', yet' no noc'.

Ez 7:15

A 'a sti 'el chon̈ab', owl 'ay ta', ax 'a yol chon̈ab', ata 'ay yab'il yet' wejel. A eb' 'anma 'aycn 'el 'a sti 'el chon̈ab', 'oj cham eb' yuj owal, ax eb' 'aycn 'a yol chon̈ab', a wejel yet' yab'il 'oj milnc eb'.

Pr 13:21

Toto maysch'olnil qui b'eyb'alec, caw tza'n xo 'och yailal cujec; palta toto wach' qui nab'enec, wach' spac quiquec 'oj 'ajxoc.

Salmos 119:21

Ach xa tench wan eb' 'e'nc 'a yib'an̈, yet' eb' maysch'olnil snab'en, atn eb' xyij 'el snab'en 'a a checnb'il.

A Ch'an̈ Schab'il Libro Yic Yab'ixal Eb' Rey 17:20

Yuj cha, smasnil eb' yin̈tl Israel 'ix patquilx can 'el eb' yuj Jehová, 'ix 'och eb' 'a cusc'ojlal yu'uj, x'ajx 'och eb' 'a yol sc'ab' eb' chuc chon̈b'al yic tz'ixtx eb' yuj eb', masnto 'ix 'el eb' 'a yojltac.

Dt 28:5

'Oj yac' Dios syaxilal 'a yib'n̈ e trigo, e cebada yet' 'a yib'n̈ smasnil tas tze c'uxu.

Lv 26:28

an̈jtona 'in, 'oj cot pax wowl 'ayex, ax wa'n niwtjoc sjaw yailal 'a eyib'n̈ yuj e mul cha.

Gn 19:13

Yujto 'oj qui satl jun chon̈b' tic on̈, caw wal niwquil xo smaysch'olnilal eb' 'anma 'a sat Jehová, yuj cha, on̈ ya'n cot Jehová wul qui satl jun tzo'n̈ 'anma tic on̈, xchi eb'.

Dt 4:25

A yic 'ayx eyunnal, mto eyiechicn 'a sat lum lum 'aj 'oj e c'och cajn cha, 'ayt laj ex xeya'ch e b'a man̈ nab'enal, tze b'on junc yechl junc tas e diosaloc. Toto 'ixta tzeyutej, caw tz'och e mul 'a Jehová Dios, tzeyi'n cot yowl sc'ojl 'a eyib'an̈.

Dt 4:26

Tic wal tzwa'cn 'och satcha'an̈ yet' sat lum tic testigoal. Toto 'ixta 'oj eyutoc, yajn̈ej ax e satl 'a sat lum lum chi 'oj e caj 'a sc'axpil 'ec' a Jordán cha. Man̈ niwnoc tiempo 'oj e caj lu'um, yajn̈ej ax e satx 'eli.