Dt 28:22 - Chuj San Sebastian Bible

²² An̈jtona', 'oj ya' cot jun tzo'n̈ yab'il 'a e cal. 'Ay yab'il to tzex b'ac'b'chan̈ yu'uj, 'ay c'a'l yab'il, 'ay pax yab'il tzmalchan̈ e niwnal yu'uj. A tas 'oj eyawoc, 'oj tacjoc yuj c'ac', man̈x 'oj yac' n̈ab'. 'Oj jawc syab'il e trigo masnto 'oj e lajw 'eli.

Chuj San Mateo Bible

²² Ol yac'paxcot yab'il yab'il Jehová chi' to ol ex cham yuuj, c'ac'al ilya te chuc yed' e malq'uei. Axo eyavb'en ol tacjoqueloc. Man̈xo ol yac'laj n̈ab', taquin̈ ol aj smasanil. Ol och tz'aub' d'a e munlajel masanto ol yal e sateli.

Dt 28:22 Referans Kwoze

Am 4:9

An Jehová in, an tzwala, ex wac' cuenta yet' jun niwquil 'ic', yet' pax jun tzo'n̈ xo yailal, xwa'n 'ixtxoc 'el eyawb'en, yet' eyuva. Ax no c'ulb' xwac' c'uxnc 'ejm e higo, yet' e olivo. Palta man̈ yujoc cha, ex meltzj paxt 'ayin.

Lv 26:16

an̈jtona 'in, 'oj in na', tas 'oj ex wutoc. 'Oj wa' cot xiwc'ojlal 'a eyib'an̈. 'Oj cot owya yab'il 'a e cal. C'a'lyab'il, 'oj 'och 'a e sat. 'Oj e tz'onb' cha'an̈, ax yel yip e niwnal. 'Oj cob' e b'o e munljel, palta ax eb' 'ajc'ojl 'oj molnoc sat smasnil eyawb'en cha.

Hageo 2:17

An 'ixta xwutj wa'n sat 'ejm tas molb'il eyu'uj, an xwa'ch syab'il tas 'awb'il eyu'uj, xwa'n cot sacb'at 'a yib'an̈, palta man̈ yujoc cha, ex meltzj pax 'ayin.

A Ch'an̈ B'ab'el Libro Yic Yab'ixal Eb' Rey 8:37

Toq'ue 'ay 'aj 'oj tacjoc 'el cawb'en yuj cuaresma, mto yuj tz'a'ab', mto yuj no c'ulub', mto yuj jun tzo'n̈ocx no noc', yuj cha tzjaw wejl 'a yib'n̈ qui chon̈b' tic on̈. Toq'ue 'oj jawc oynjoc eb' 'ajc'ojl 'a qui chon̈ab', ax sjaw tzann̈j yailal tzon̈ satn 'eli, to 'ixta', tzab' wal slesl eb' wit chon̈b' oj smoj q'ue sc'ab' yaln sb'a 'aych 'a stojlal jun atut tic, toto 'oj sna sb'a eb' yet' smasnil sc'ojol.

Jeremías 14:12

Wach'xam tz'och eb' 'a c'ajb'c'ojlal, palta ma'oj in ta'w 'a eb'. Wach'xam caw niwn xajmb'al tzyac' tz'a eb', wach'xam pax caw niwn sat 'awb'en tzyij cot eb' ofrendail 'ayin, palta ma'oj in tzalj yet' eb'. 'Oj wac' satl eb' yuj owal, yuj wejel, yuj yab'il, xchi 'ayin.

2 Cr 6:28

Toq'ue 'ay 'aj 'oj tacjoc 'el cawb'en yuj cuaresma mto yuj tz'a'ab', mto yuj no c'ulub', mto yuj jun tzo'n̈ocx no noc', yuj cha tzjaw wejl 'a yib'n̈ jun chon̈b' tic. Toq'ue 'oj jawc oynjoc eb' 'ajc'ojl 'a qui chon̈b' tic on̈, ax sjaw tzann̈j yailal tzon̈ satn 'el on̈,

Dt 4:26

Tic wal tzwa'cn 'och satcha'an̈ yet' sat lum tic testigoal. Toto 'ixta 'oj eyutoc, yajn̈ej ax e satl 'a sat lum lum chi 'oj e caj 'a sc'axpil 'ec' a Jordán cha. Man̈ niwnoc tiempo 'oj e caj lu'um, yajn̈ej ax e satx 'eli.

Dt 28:23

Man̈x 'oj cot n̈ab', ax lum lum tic, man̈x 'oj yac' lum sb'a'al.

Dt 32:24

'Oj cham eb' yuj wejel, ax sjaw c'a'l yab'il 'a yib'n̈ eb'. A junc yab'il caw ow 'oj satnc 'el eb'. Ax wa'n cot nan̈loc no chiwjum noc' 'a scal eb', atn no calte'al noc', yet' no chan caw 'ay svenenoal sti'.

Hageo 1:11

An xwij 'och wan ya'n n̈ab' 'a yib'n̈ tas 'awb'il eyu'uj, yet' 'a eb' lum jolmctac witz yet' 'a yib'n̈ smasnil sb'al lum lu'um. Yuj cha, tztacj 'ixm trigo, te uva, te olivo. Man̈x 'a pax n̈ab' tz'em 'a eyib'an̈, yet' 'a yib'n̈ e cajb'en noc', yet' 'a yib'n̈ smasnil e munljel, xchi Dios, xin chi 'a eb' wit israelal.

Zacarías 14:12

Palta ax jun tzo'n̈ nacion̈ 'oj yac' owl yet' Jerusalén, a Jehová a 'oj 'a'nc 'och syailal eb' si'mb'il. A eb' 'anma cha, 'ayc' eb' wal 'a spitznal ax sc'a schib'jal eb', 'oj c'a yol sat eb' 'a yol sb'aquil yet' yac' eb' 'a yol sti'.

A Ch'an̈ B'ab'el Libro Yic Yab'ixal Eb' Rey 17:7

Palta ax x'aji, 'ix tup chan̈ a a cha, yujto man̈x 'a n̈ab' tzyac' 'a jun nacion̈ cha.

Jeremías 16:4

'Oj cham eb' yuj tzann̈j yab'ilal, may mach 'oj 'oc' yuj eb', man̈x 'a mach 'oj mucnc eb'. T'ocquixtac 'oj 'ajcn sniwnal eb' 'a sat lum 'icha tzyac' stza no noc'. A owal yet' wejel, a 'oj milnc eb'. 'Oj chixc sniwnal eb' yuj no 'usej, yet' yuj no calte'al noc', xchi 'ayin.

Hageo 2:19

Ax ticnec, 'oj eyil wal tas 'oj eyaj 'el'ch yet' e munljel 'a eyojltac. Wach'xam man̈x 'a 'ixm trigo molb'il 'a yet'ul, yet' te uva, te granado, yet' te olivo, mantzac yac' te sat, palta wal 'a jun c'u tic, yet' 'a yic 'oj b'ey tiempo, caw 'oj wa' cot yaxilal 'a eyib'an̈, xchi Dios.