Dt 27:20 - Chuj San Sebastian Bible

²⁰ Catb'tzaxc cab' eb' tzmuln yet' yistl smam, yujto 'a yet' jun 'ix chi tzyij 'el sq'uixwel smam, xchi eb' levita. 'Ixta cab' tz'aji, 'oj xchic eb' chon̈ab'.

Chuj San Mateo Bible

²⁰ Catab'il mach smulan yed' ix yetb'eyum smam, yujto a mach sc'ulan icha chi', syac' q'uixvelal smam chi', xcham eb'. Axo masanil eb' chon̈ab' chi' tz'alani: Ujocab'i, xcham eb'.

Dt 27:20 Referans Kwoze

Dt 22:30

May cab' junc mach tznupn yet' yistzil can smam chamnac. Toto 'ay mach tzb'on jun cha, wan yi'n 'el sq'uixwel smam.

Lv 18:8

May cab' mach tzyij 'el sq'uixwel smam yic tzb'on 'ajmulal yet' yistzil smam cha.

1 Co 5:1

'Ix wab'i, to 'ay jun winc 'a e cal caw 'ajmul. Tolab' 'ix smontj 'el win schab'l nun yic'. A jun cha, caw maysch'olnil. 'Intax 'a scal eb' mant 'ojtnacoc Dios, may 'aj tzb'o eb' jun chi 'ixta'.

Lv 20:11

Tzann̈j mach tzb'on 'ajmulal yet' yistzil smam, tzyi'n 'el sq'uixwel smam cha. A jun cha, yowlal tzchami, tzcham pax 'ix 'ix cha, mun a eb' tzyij cot chaml 'a yib'an̈.

Am 2:7

Caw tz'ixtx eb' meb'a yuj eb', man̈ wach'c tzyutj eb' sb'on yaj eb' tz'ixtx cha. Q'uixweltac in b'inax yuj eb', yujto a win mamb'il, yet' win 'unnab'il, junn̈j 'ix 'ix tzmuln ewin yet'oc.

Ez 22:10

'Ay eb' tzlaj mulnc yet' yistzil smam, 'ay eb' tz'och 'a eb' 'ix 'ix 'aj yujl yel a a'.

1 Cr 5:1

A Rubén, atn win sb'ab'l 'unnal Israel, ax eb' yunnal: atn Hanoc, Falú, Hezrón yet' Carmi. Palta a Rubén ma'ix yij smacl yic sb'ab'l 'unnab'ilal, yujn̈ej to syam cot win yistzil smam. A jun smacl yic sb'ab'l 'unnab'ilal cha, ata x'ajx can 'a eb' yunnal José, atn junx win yunnal pax Israel cha. A yic xb'ey tiempo, a Judá caw niwn yel'ch 'ix 'aj 'a yib'n̈ eb' yu'tac, yujto a 'a x'elt jun yajal, palta ax jun macl yic b'ab'l 'unnab'ilal cha, a 'a José, ata 'aycni.

A Ch'an̈ Schab'l Libro Samuel 16:22

Yuj cha, 'ix sb'on eb' jun mantiado 'a yib'n̈ span̈nil sdespacho win cha, axta xway win Absalón chi yet' eb' 'ix schab'l 'istzil smam cha, q'ueln 'och eb' 'anma chi smasnil, yic 'ix way win yet' eb' 'ix.

Gn 49:4

Ax ticnec, man̈x 'a yel'ch 'oj aj 'el'chi, yujto lajn ach 'icha a 'elmal a', q'uixweltac xotj in waynub', yujto ach way yet' 'ix in chab'l 'istzil.

Gn 35:22

A yic cajn 'ec' eb' 'a jun lugar cha, ax win Rubén win yunnal Israel cha, xway win yet' 'ix Bilha, 'ix schab'l 'istzil smam cha, palta xyab' sb'a win mamb'il chi yuj tas sb'o winac. Lajchwan̈ ewin yunnal win Jacob.

Lv 18:7

May cab' junc mach 'a e cal, tzyij e'l sq'uixwel smam yic tzb'on 'ajmulal yet' snun; yujto caw snun, man̈ smojc sb'on jun cha.

Dt 23:1

Toto 'ay junc winc pojnc sq'ue'en mto a swincal 'elnac, may yaln yic yoch 'a scal eb' chon̈ab' yic tz'och eb' 'emmquilal 'a Jehová.