Dt 26:1 - Chuj San Sebastian Bible

¹ A yic tox ex c'och cajn 'a sat lum lum 'oj yac' Jehová qui Diosalec eyico'oc, a yic tzex munlj 'och 'a sat lu'um,

Chuj San Mateo Bible

¹ Ayic cajan exxo ec' d'a sat lum luum ol yac' Jehová co Diosal d'ayex,

Dt 26:1 Referans Kwoze

Dt 17:14

A yic tox ex c'och 'a sat lum lum 'oj yac' Jehová Dios eyico'oc cha, 'a yic tox 'ix 'e'cn lum eyu'uj, yic 'ayx tiempo e cajn lu'um, toq'ue 'oj eyal 'ixtic: A ticnec b'i'an, tzqui nib'ej to 'ay junc qui reyl tzon̈ jucb'tzani, 'icha yaj jun tzo'n̈ xo chon̈b' 'a qui la'nil tic, 'oj e chioc.

Dt 18:9

A yic 'oj e c'och 'a lum lum 'oj yac' Jehová qui Diosalec eyico'oc, man̈ e b'eylb'oc sb'eyb'al eb' 'anma 'ayc' 'a jun tzo'n̈ chon̈b' cha.

Dt 13:9

A tzeyutej, to tze mil chamoc. Ax tze b'ab'l si'j chan̈ q'uen q'ue'en, tze juln chamoc, tzlajw cha, tzya'n eb' chon̈b' yic smasnil.

Dt 13:1

'Ix yaln pax Moisés 'ixtic: Tzeyil e b'a toq'ue 'ay junc mach tzq'ue wan 'a e cal, tzyalni to schecb' Dios, mto waychnum. Toto tzyala to 'ay junc senya mto milagro 'oj checljoc,

Dt 7:1

'Ix yaln pax Moisés 'ixtic: A Jehová qui Diosalec, a 'oj eyi'n 'och 'a sat lum lum 'oj yac' 'ayx cha. A pax 'oj 'i'noc 'el uque niwc chon̈b'al eb' 'anma caw 'ay yip 'a eyojltac: Atn eb' hitita, eb' gergeseo, eb' amorreo, eb' cananeo, eb' ferezeo, eb' aveo yet' eb' jebuseo.

Dt 5:31

Palta ach xo tic, tzach can wet' 'a tic, yujto 'oj wal smasnil in checnb'il 'ayach, in ley yet' cuynb'il 'oj ac' scuy eb', sec a chi 'oj sb'eylb'oc eb' 'a sat lum lum 'oj wac' yico'oc eb' cha, xchi Dios 'ayin.

Nm 15:18

Tzal jun tzo'n̈ xo tic 'a eb' et israelal cha, to an tzwal 'a eb' 'ixtic: A yic 'ayx xo 'ec' 'a sat lum lum 'aj tzex wij 'at cha,

Nm 15:2

Al jun tzo'n̈ tic 'a eb' et israelal, to an tzwal 'ixtc 'a eb': A yic tzex c'och 'a sat lum lum tzwac' eyico'oc, lum 'aj 'oj eyaj cajn cha,

Dt 25:19

Yuj cha, a yic 'oj e colx 'el yuj Jehová qui Diosalec, a eb' 'ajc'ojl oyn 'och 'a sti lum lum 'oj yac' Jehová Dios eyico'oc, yowlal tze satl yab'xil eb' yin̈tl Amalec 'a sat lum lum cha, man̈ eyac' sat e c'ojl 'a jun checnb'il tic.

Dt 26:2

ax sb'ab'l sat eyawb'en, tzeyac' 'ejm 'a yol junc xu'uc, tzeyi'n 'at 'a jun lugar sic'b'il 'el yuj Jehová qui Diosalec, 'a 'aj tzex 'och 'emmquilal 'a 'a.

Dt 4:21

'Ix cot yowl Jehová 'ayn eyu'uj, 'ix yalni to man̈x 'oj in c'axw 'ec' 'a a Jordán, man̈x 'oj in c'och 'a sat lum lum 'oj yac' eyico'oc cha.

Dt 19:3

Tze b'on pax b'e tzc'och 'a jun tzo'n̈ chon̈b' cha. 'Oxe tzeyutj 'el lu'um, atn lum 'oj yac' Jehová qui Diosalec eyico'oc, sec tzann̈j junc mach tzmiln junc yit 'anma'il, ata tzc'och scol sb'a 'a junc eb' chon̈b' cha.

Dt 19:10

Toto 'ixta', man̈ comnoc 'oj 'el schic'l eb' 'anma may smul 'a sat lum lum 'oj yac' Jehová Dios 'ayex, may pax junc ex 'oj comn 'och chaml chi 'a eyib'an̈.