Dt 25:2 - Chuj San Sebastian Bible

² Toto yel xo niwn smul smoj wal sma'xi, a win juez chi tzaln 'a 'a, to tz'ec' teln 'a sat lu'um, q'ueln 'och wal win yajl cha, tzma'xi. A tzyal jantc smul cha, 'ixta tz'um chi tz'och 'a 'a.

Chuj San Mateo Bible

² Tato a vin̈ ay smul chi' smoj smac'ji, syalan vin̈ juez to tz'ec' jichan vin̈ d'a sat luum d'a yichan̈. Smac'ji vin̈ ay smul chi' icha jantac smul chi'.

Dt 25:2 Referans Kwoze

A Sb'ab'el Carta San Pedro 2:24

A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.

A Sb'ab'el Carta San Pedro 2:20

Q'uinloc tz'ajx 'och junc yailal 'a quib'n̈ yuj junc maysch'olnil tzqui b'o'o. ¿Tom yujn̈ej tzca'c techjoc jun yailal cha, smoj tzon̈ alx wach'il? Caw ma'ay. Palta q'uinloc ton̈j tzcomn 'ajx 'och qui yailal yuj junc tas wach' tzqui b'o'o. Toto tzca'c techjoc jun yailal cha, atn jun chi caw wach' 'a sat Dios.

A Tas Sc'ulejnac Eb' Schecab' Jesús Hechos 5:40

'Ix schaj sc'ojl ewin yajl chi tas 'ix yal win Gamaliel cha. Xlajw cha, x'awtx pax 'och eb' schecb' Jesús jun 'ejm xo. 'Ix ma'x eb'. 'Ix alx 'a eb', to man̈xtzac yal-l eb' yab'xil Jesús. Xlajwn̈ej cha, 'ix 'ajx can pax 'elt eb' 'a libre.

Mt 27:26

Yic xyab'n win jun cha, 'ix ya'n 'elt win win Barrabás 'a libre. Xlajw cha, ax Jesús 'ix ya'n win ma'xoc, 'ix ya'n 'och win 'a yol sc'ab' eb' tz'a'n 'och 'a spenc culus.

Mt 10:17

Caw tzeyil wal e b'a, yujto 'ay eb' 'oj eyi'n 'at 'a eb' yajal, 'oj ex smac' eb' 'a yol jun tzo'n̈ scapiya.

A Tas Sc'ulejnac Eb' Schecab' Jesús Hechos 23:3

Ax yic xlajw sma'xi, xyaln Pablo 'a win Ananías chi 'ixtic: —¡A Dios 'oj a ma'n jun xo, yujto chab'sat ach! Wocn ach 'ejm in a b'eyc'ojloc, 'icha tzyal ley yic Moisés. 'In tzin ac' ma'xoc, palta may sleyl tza b'o 'ixta', xchi 'a winac.

Nehemías 13:25

A yuj jun cha, xin tej in b'a yet' eb', xin catb'tzej can eb'. 'Ay eb' xin mac'a, xin to'n 'el xil sjolm eb', xwa'n pax pural eb' ya'n sti 'a Dios, to man̈xtzac yij sb'a yunnal eb', yisl eb' yet' eb' chuc chon̈b'al. An̈jtona', matz tac' pax yoch eb' 'ix chuc chon̈b'al chi yistloc eb'. 'Ix waln pax 'ixtic:

Pr 19:29

Lista xo yaj yailal 'oj jawc 'a yib'n̈ junc amancotn tzyutj sb'a, a jixc'ab'te 'oj jipxoc 'och 'a jun may snab'en cha.