Dt 23:20 - Chuj San Sebastian Bible

²⁰ Palta 'a junc chuc chon̈b'al 'ayc' 'a e cal, tztac' e c'ann smajnub'l junc tas tzeyac' smajnoc. Ax pax 'a eb' quit chon̈b' cha, man̈ e c'an smajnub'al sec a Jehová qui Diosalec, 'oj yac' syaxilal 'a yib'n̈ smasnil tas 'oj e b'o 'a sat lum lum 'oj 'och eyico'oc cha.

Chuj San Mateo Bible

²⁰ A d'a junoc ch'oc chon̈ab'il ayec' d'a e cal syal e c'anan smajananub'al junoc tas tzeyac' smajnej. Axo d'a junoc quetchon̈ab', man̈ e c'ana', yic vach' ol yac' svach'c'olal Jehová d'a eyib'an̈ d'a sat lum luum ol eyiquej chi'.

Dt 23:20 Referans Kwoze

Dt 15:10

Yowlal tzex colwj 'a junc meb'a', man̈ teb'iloc tzeyac' tas tznib'ej. Toto 'ixta tzeyutej, ax Jehová qui Diosalec, 'oj yac' yaxilal 'a yib'n̈ smasnil tas tze b'o'o.

Dt 15:3

Ax 'a junc eb' chuc chon̈b'al, tztac' e c'ann meltzjoc tas majnab'il yu'uj, palta a pax junc quit chon̈b' 'ay smajn 'ayex, yowlal tzeyac' niwnc'ojlal yuj tas chab'il yuj 'ayx cha.

Dt 14:21

Man̈ e chi no noc' mun tzchami, yujto an̈ec tic, sic'b'iln̈ec 'el schon̈b'oc Jehová Dios. A no noc' cha, tztac' eya'n schi eb' chuc chon̈b'al cajn 'a e cal; atn eb' chi tztac' schin no', mto tze chon̈ no 'a eb' chuc chon̈b'al ton̈j tzb'eyc' 'a e cal. Man̈ e tz'an̈ no cotc chiwo 'a scal yal yim no snun.

1 Co 15:58

Yuj cha, ex wu'tac, ex wanb' chamc'ojlb'il wu'uj, caw te'n tzeyutj e b'a. Man̈ e choyb'tzoc e b'a. Yet' smasnil e c'ojol, tzex munlj 'a yic Cajlil 'a smasnil tiempo, yujto eyojc xoni, a jun munljel tzqui b'o 'a yol sc'ab' Cajlilec, caw man̈ nab'an̈ejoc.

Lc 14:14

Toto 'ixta', caw wach' eco', yujto a eb' cha, may xon spac 'oj stac' ya'n eb' 'ayach. Palta at wal yic 'oj pitzwc pax eb' tojl snab'en, ax a chan pax spac ec cha, xchi Jesús 'a winac.

Is 1:19

Toto tze chaj eyab'i', 'oj e c'ux wal tas wach' tz'el-l 'a sat lum lum tic;

Pr 19:17

A mach 'ela 'a eb' meb'a', 'icha to a 'a Jehová wan ya'n junc chi majnil, ax Jehová, a 'oj 'a'noc spac jun swach' nab'enal cha.

Dt 28:12

'Oj sjac wal satchan̈ 'aj 'ay sricoal, ax yem 'a eyib'n̈ 'icha yem n̈ab' 'a yib'n̈ lum lum 'a stiempoal, yic caw wach' tz'aj smasnil e munljel. 'Oj stac' eya'n majnil 'a jun tzo'n̈ xo nacion̈, palta ax xo tic, may tas 'oj e c'an e majnc 'a junc xo mach.

Ex 22:25

Toto tzeyac' e tumn majnil 'a junc meb'a 'anma', mto 'a junc eyit chon̈b' 'ayc' eyet'oc, man̈ e c'an yune 'e tumn cha.

Lv 25:36

Man̈ eyi'c jac tas, man̈ e c'an smajnub'l junc tas 'a 'a. A eyico' to tze ch'oxli, to niwn wel'ch 'a e sat, sec tzcan junc eyit chon̈b' chi eyet' 'a yol e chon̈ab'.

Nehemías 5:7

Xlajw cha, xin nan wal si'mb'il 'a yib'an̈. Xin tench wan eb' niwc winac, yet' eb' yajal, yuj sc'ann 'el eb' yune stumin. Yuj cha, xwawtn smasnil eb' 'anma 'a jun c'umjb'a yuj jun paxti cha.

Salmos 15:5

Eb' tzya' stumn majnil, palta matz c'an eb' yune stumn cha. Eb' matz ya'ch sb'a schan q'uen c'ultac tumn 'a junc mach yic tzyixtn junc may smul. A eb' tzb'eylb'an jun tzo'n̈ tic, caw may b'a'n̈ 'oj 'em eb'.

Is 24:2

A eb' ya'mal 'och sti eb' 'anma', lajn xoj 'oj 'ajcn eb' 'icha eb' comn 'anma'. Ax ewin patron̈, lajn 'oj 'ajcn eb' 'icha ewin moso, 'ixta pax eb' 'ix patron̈, lajn 'oj 'ajcn eb' 'ix 'icha eb' 'ix ya'mal servil. Ax eb' tzmanwji, lajn 'oj 'ajcn eb' 'icha eb' tzchon̈wji; lajnxoj 'oj 'ajcn eb' tz'a'n b'ocl junc tas 'icha eb' tz'och b'oquil.

Ez 18:8

May 'aj tzyac' tumn majnil yic tzc'ann yune'; may mach tzyixtej, tojl tzyutj sb'on yaj eb' 'anma 'ay yowal.

Ex 22:24

Caw 'oj cot wowl 'ayex, ax ex in miln cham yet' q'uen espada. 'Oj can eyistl 'a man̈x 'a yichmil, ax scan pax eyunnal 'a man̈x 'a smam.