Dt 22:24 - Chuj San Sebastian Bible

²⁴ to 'ixta', tz'ijx 'at eb' schawn̈il 'a yojltac despacho 'a jun chon̈b' cha, ata tzjulx cham eb' yet' q'uen q'ue'en. Tzcham 'ix cob's cha, yujto yol chon̈b' 'ayc' 'ix, ma'ix 'el yaw 'ix. An̈jtona win winc cha, tzcham winac yujto xyixtj win 'ix 'ix wan yoch yistloc win yit wincal win cha. 'Ixta tzeyutj e satn 'el maysch'olnil 'ayc 'a e cal.

Chuj San Mateo Bible

²⁴ tz'ic'jib'at eb' schavan̈il d'a yichan̈ despacho d'a chon̈ab' chi'. Ata' sjulq'uenajcham eb' schavan̈il. Scham ix yujto maj el yav ix yic ay mach scolani. Schampax vin̈ vinac chi' yujto ix yixtej jun ix ayxo strato yoch yetb'eyumoc jun vin̈ yetvinaquil vin̈. Icha chi' tz'aj satel jun chucal chi' d'a e cal.

Dt 22:24 Referans Kwoze

Dt 21:14

Toto ax 'a spatquil xo, man̈xtzac snib'j pax win 'ix, tztac' ya'n 'el win 'ix 'a libre, palta matz tac' schon̈n win 'ix, matz tac' pax tz'och 'ix ya'malc servil winac, yujto tox xjuw 'el 'ix yuj winac.

1 Co 5:2

Eyojtac, 'ixta tzyutj sb'a winac, palta an̈ja e b'an̈n e b'a. Smoj wal caw tzex cus si'mb'il. A win tzb'on jun maysch'olnil cha, yowlal tzeyij 'el 'a e cal.

Mt 1:24

Ax yic x'el swayn̈ José cha, sb'on 'icha xyutj yaln jun yángel Cajlil chi 'a 'a. 'Ixta to b'i'an, 'ix chan pax sc'ojl win yi'n 'ix.

Mt 1:20

Ax yic wan snan win José jun cha, 'ay jun yángel Cajlil 'ix ch'ox sb'a 'a win 'a swayich, 'ix yaln 'a 'ixtic: —José, ach yin̈tl can David, man̈ ach xiw e'n a b'a yet' 'ix María tic, yujto a Yespíritu Dios 'ix 'a'n pitzwc jun 'unn chi 'a 'ix.

Dt 13:5

Ax jun tzyalch sb'a schecb'oc Dios, mto waychnum cha, yowlal tzmilx chamoc, yujto a tz'a'n e c'ojloc yic tzeyi'n 'el e nab'en 'a Jehová qui Diosalec, atn jun on̈ 'i'nec 'elt 'a Egipto 'a 'aj 'ayn̈ec 'och mosoal. A jun 'anma cha, tzmilx chamoc, sec tzsatl jun maysch'olnil chi 'a e cal, yujto tznib'j tzex yij 'el 'a sb'eyb'al Jehová 'ix yalcn 'ayex.

Gn 29:21

Ax yic stz'acw uque ab'il cha, xyaln Jacob 'a win Labán 'ixtic: —A ticnec, tox xlajw stiempoal qui trato ach wa'n servil, 'ac' 'unx wistl chi b'i'an, sec tzin nupn yet' 'unix, xchi winac.

Dt 22:23

Toto 'ay junc 'ix cob's 'ayx strato tznupn yet' junc winac, palta ax tz'aji, chucx junc win tzmuln yet' 'ix 'a yol schon̈b' cha,

Dt 22:25

Palta toto 'ay junc winc tzb'eyc' 'a 'ajtil may 'anma', ax tz'aji, tz'ilchj junc 'ix 'ix yu'uj, palta 'ayx strato 'ix snupn yet' junc xo winac, tzya'n pural win 'ix smuln yet'oc, toto 'ixta', cojn win winc chi tzchami.

Job 31:11

Q'uinloc xin b'o 'ajmulal cha, smoj wal wab'n syal yuj in mul cha.

Lv 20:10

Toto 'ay mach tzb'o 'ajmulal yet' yistzil junc yit wincal, yowlal tzcham jun winc chi yet' 'ix 'ix cha.

Dt 17:7

A eb' testigo cha, a eb' tzb'ab'l jul q'uenan jun 'ay smul cha. 'Ixta b'i'an, tzjul q'uenan eb' chon̈b' chi smasnil, sec 'ixta 'oj 'aj yel jun maysch'olnil chi 'a e cal.

Ez 16:38

Ax in b'eyc'ojlan yuj yajmulal yet' yuj smilm 'anma'il, 'oj wac' 'a yol sc'ab' chaml yuj yowl in c'ojl 'a yib'an̈.