Dt 22:14 - Chuj San Sebastian Bible

¹⁴ tzyaln winac to 'ay smul 'ix. Tzpitzn chan̈ win yala', to tu yel yab'xil 'ix, tzyaln win 'ixtic: In nupn cob' yet' jun 'ix tic, palta ax yic in way yet' 'ix, 'ix wojcan 'eli, chajtlto man̈x cob'soc 'ix, xchi winac.

Chuj San Mateo Bible

¹⁴ syalan vin̈ to ay smul ix, snaanq'ue lolonel vin̈ d'a spatic ix, syalan vin̈: Ix vic' jun ix ix tic, axo ix in vay yed' ix, ix vilani to man̈xo cob'esoclaj ix, xchi vin̈.

Dt 22:14 Referans Kwoze

1 Ti 5:14

Yuj cha, tzin nib'ej a eb' cob'stac 'ix chamnc yichmil, wach' tzya'ch eb' yichmil jun 'ejm xo. 'Unewoc cab' eb', munlj cab' eb' 'a yol yatut. Toto 'ixta tzyutj sb'a eb', ax eb' 'ajc'ojl yajch 'ayon̈, matz tac' sb'uchwj eb' 'ayn̈ yuj eb' 'ix.

Pr 18:21

A qui paxti'ec, tztac' yi'n cot chamel mto q'uinl 'a quib'n̈ec, yuj cha, wach' tzcham wal qui nanec tas tzcala, sec wach' tzon̈ 'elc c'ochi.

Pr 18:8

A spaxti eb' alm peclal, lajn wal 'icha junc tas caw wach' sc'uxxi, tzc'och schil 'a spixn eb'.

Dt 22:19

Tzya'n eb' yac' win multa, jun ciente q'uen tumn plata tzyac' winac, ax q'uen tumn cha, a eb' smam 'ix chi tzchani, yujto tzyal winac, to 'ayx smul 'ix cob's 'ix cha. Man̈ yujoc cha, tztac' spojn sb'a win yet' 'ix, palta tzcann̈j pax 'ix yistloc winac, masnto chamel.

Ex 23:1

Man̈ eya'ch e b'a eyaln speclal eyit 'anma'il, man̈ eya'ch e b'a yet' junc mach tu snab'en, yic tzeya'n 'och e b'a testigoal 'a tas man̈ yeloc.

Ex 20:16

Man̈ eya'ch 'es 'a yib'n̈ eyit 'anma'il.

Dt 22:13

Toto 'ay junc winc tzyij sb'a yet' junc 'ix 'ix, yic tz'och yistloc, palta ax yic tzlajw yi'n win 'ix, tzchacn sb'a win yet' 'ix, man̈x 'a schamc'ojlal win 'a 'ix,

Dt 22:15

Toto 'ixta', ax eb' smam snun 'ix cob's cha, tz'at sch'ox eb' senyail yic scob'sal 'ix chi 'a yojltac eb' yichmtac wincal jun chon̈b' cha.