Dt 21:5 - Chuj San Sebastian Bible

⁵ Tzlajw cha, ax eb' ya'mal 'och sti eb' 'anma 'a Dios, atn eb' yin̈tl can Leví, tzc'och eb' 'a stz'ey no'. Yujto a eb' sic'b'il 'el yuj Jehová qui Diosalec yic tz'ajx servil yuj eb', ax eb' tzc'ann swach'c'ojlal Jehová chi 'a eyib'an̈. Yuj tas tzyalcn eb' cha, tz'ajx can lajwc junc owal, mto junc chacjb'al 'a yol e chon̈ab'.

Chuj San Mateo Bible

⁵ Axo eb' sacerdote yin̈tilal Leví tz'och testigoal d'ay, yujto an̈ej eb' sb'oan yaj oval yed' tastac chucal tzuji d'a scal e chon̈ab', aton eb' sic'b'ilel yuj Jehová co Diosal, ayoch eb' yac'an servil yed' yalan vach' lolonel d'a Jehová chi'.

Dt 21:5 Referans Kwoze

1 Cr 23:13

Eb' yunnal Amram: atn Aarón yet' Moisés. Ax Aarón a si'x 'el yet' eb' yin̈tl yuj Jehová, yic tzyiln eb' jun tzo'n̈ tas to yic yaji, yic tzn̈usn eb' incienso 'a yojltac, yic tz'a'w servil eb' 'a 'a, yic tzyaln eb' wach' paxti 'a sb'i 'a smasnil tiempo.

Malaquías 2:7

A wal yopiso eb' ya'mal 'och sti eb' 'anma 'ayin, to tzcuyx eb' 'anma yuj eb', sec tzin yojquej 'el eb'. Smoj ton wal sc'och smasnil eb' 'anma 'a eb', sec tzchaj eb' cuynb'il 'a eb', yujto a eb' cha, in checb' yaj eb' an Jehová in, tztac' wuj smasnil.

Dt 10:8

Atn 'a jun tiempoal cha, ata si'jnac can 'el Jehová eb' yin̈tl Leví, sec a eb' tzb'achn b'ey te scaxail trato. A eb' x'och yac' servil Jehová, ax 'a sb'i, ata tzyal eb' wach' paxti 'a quib'n̈ qui masnil, 'icha ton yaj ticnec.

Dt 19:17

toto 'ixta', a chawn̈ 'anma cha, yowlal tzc'och eb' schawn̈il 'a yojltac Jehová, yet' 'a yojltac eb' ya'mal 'och sti eb' 'anma', yet' pax 'a yojltac eb' juez, eb' to 'aych yopiso sb'onyaj eb' 'anma chi 'a jun tiempoal cha.

Dt 18:5

Yujto a Jehová qui Diosalec, a si'n can 'el eb' yin̈tl Leví 'a scal smasnil jun tzo'n̈ xo eb' quit chon̈b'ec, sec an̈j eb' tz'a'n servil Jehová 'a smasnil tiempo.

Lv 9:22

Xlajw cha, xyi'n chan̈ Aarón sc'ab', 'ix yaln wach' paxti 'a yib'n̈ eb' yit chon̈ab'. Ax yic tox xlajw ya'n tz'a no xajmb'al yuj mul, yet' no xajmb'al tz'a smasnil yet' pax no xajmb'al yic junc'ojlal, 'ix 'emt 'a stz'ey jun yet'l xajmb'al cha.

Dt 21:4

tzyij 'ejm eb' no 'a junc span̈nil sti ch'oln 'aj tzb'ey a a', 'a lum lum 'ajtil mant 'a xon 'aj tz'awxi, axta tzma'x wecchjoc sjaj no'.

Ez 42:13

'Ix yaln jun winc chi 'ayn 'ixtic: A jun tzo'n̈ cuarto 'ay 'a sti 'amc' 'a stojlal sur, yet' jun tzo'n̈ xo 'ay 'a stojlal norte, yicn̈ej eb' ya'mal 'och sti eb' 'anma 'a Dios yaji. Atn eb' tz'a'n servil Jehová, ata tzc'ux eb' jun tzo'n̈ xajmb'al tz'ajx 'a Dios. A pax ta tzmol eb' jun tzo'n̈ xajmb'al mto jun tzo'n̈ ofrenda tz'ajx yuj yajx lajwc mul, mto yuj stojloc mul cha. A jun tzo'n̈ cuarto cha, to yic Dios yaji.

Ez 44:24

An̈jtona', toto 'ay mach 'ay yowal, a eb' 'oj b'onc yaj jun owl cha, 'icha wal yaln sleyl 'aycn wu'uj. 'Oj syiclc eb' smasnil in checnb'il yic jun tzo'n̈ q'uin̈ wic yaji, yet' pax sleyl sc'ul 'iljelal.

2 Cr 19:10

Tzann̈j owlal 'oj jawc 'ayx yuj eb' eyit chon̈b' tic, mto yuj eb' cajn 'a jun tzo'n̈ xo chon̈ab', tze b'oyaj eb', atn yuj junc paxti', mto yuj milj cham 'anma', mto yuj junc xo tzann̈j tas tz'el sb'on eb', to man̈ 'ixta'oc yaln ley mto checnb'il. Caw wach' tzeyutj eyaln 'a eb'. 'Ixta wal tzeyutej, sec wach' matz 'och smul eb' 'a Jehová, sec wach' matz cot yowl sc'ojl 'a eyib'an̈, yet' 'a yib'n̈ eb'. Caw wach' tzeyutj e b'a, sec wach' ma'oj 'och e mul.