Dt 21:23 - Chuj San Sebastian Bible

²³ a sniwnal jun 'anma cha, matz tac' scan junc 'ac'wl 'a 'aj 'ayc' cha. Yowlal tzmucx 'a jun c'u cha, sec matz eyixtj 'el lum lum 'oj yac' Jehová eyico'oc, yujto a junc 'anma tzq'ue t'un̈n 'a spenc te', tzcatb'tzax can yuj Dios.

Chuj San Mateo Bible

²³ a snivanil chi', max canlaj ta' tz'ec' ac'val, yovalil smucchaj d'a jun c'u chi', yic vach' max eyixtejb'at lum luum ol yac' Jehová co Diosal chi' d'ayex, yujto aycot scatab' Dios d'a yib'an̈ mach sq'ue locan d'a junoc te te' chi'.

Dt 21:23 Referans Kwoze

Gl 3:13

'Ay cot ton yowl sc'ojl Dios 'a quib'n̈ec yuj jun ley cha, palta a Cristo on̈ colnec 'el 'a yol sc'ab' yowl sc'ojl cha. Yujto schajnac 'och yowl sc'ojl Dios 'a yib'n̈ qui jeloc. Yujto tzyal 'ixtc 'a Ch'an̈ U'un̈: A junc 'anma tzq'uet'un̈n 'a spenc te', 'ay ton cot yowl sc'ojl Dios 'a yib'an̈, xchi.

Jn 19:31

A jun c'u cha, q'ui'noc xoj yoch q'uin̈ yic snanb'il cot yel israel 'a libre, sc'ul 'iljelal paxi. Ax ewin 'aj Judea cha, may sgana ewin tzcan sniwnal eb' 'a te culs cha. Yujto a jun c'u tzjaw cha, caw 'ay yel'ch 'a eb' israel. Yuj cha, xit' tewc ewin 'a win Pilato, to tzyac' win ma'xoc poj sb'acl sat spenc eb', sec yajn̈ej, tz'ijx 'emt sniwnal eb' cha.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

Lv 18:25

Yuj jun tzo'n̈ cha, xjuw 'el slum eb' chi 'a in sat. Wan xo wa'n yowlal 'a slum eb' cha, ax slum eb' chi wan laj satn 'eli.

Ro 9:3

Q'uinloc to tztac' in c'ann cot yowl sc'ojl Cristo 'a wib'n̈ ticnec, yic tzin 'el 'a yol sc'ab', sec tzcolchj 'el eb' wit chon̈b' cha. Q'uinloc 'ixta', tzyal in c'ojl wa'n in b'a yuj eb'.

Nm 25:4

'Ix yaln Jehová 'a Moisés 'ixtic: —Yamb'tzej smasnil eb' yichm wincal chon̈b' Israel tic, 'a in sat yet' wal 'a sat eb' 'anma tic, tza t'un̈n q'ue eb' x'och smul tic, xchi Jehová.

Josué 8:29

Ax Josué, 'ix ya'n milxoc win sreyl Hai, xya'n t'un̈xoc q'ue sniwnal win 'a sc'ab' jun niwquil te'. T'un̈n q'ue sniwnal masnto x'em c'u. Ax yic wan sq'uic'b'i 'ix ya'n Josué jiyxoc 'emt winac. Ax 'a yol sti spuertail schon̈b' win cha, ata x'at can sniwnal win yuj eb' israel cha. 'Ix si'n can q'ue b'uln eb' q'uen q'uen 'a yib'n̈ winac, caw niwquil x'ajcn chan̈ b'uln q'ue'en.

1 Co 16:22

Toto 'ay junc mach matz chamc'ojlan Cajlil Jesucristo, 'ay cab' yowl sc'ojl Dios 'a yib'an̈. Ach Cajlil on̈, comnoc tzach jaw muc'uc.

Josué 7:12

Yuj cha, matz tac' ste'wtzan sb'a eb' 'a yojltac eb' 'ajc'ojl cha. To smoj wal satl eb', 'oj 'atx eb' 'elc yuj eb' 'ajc'ojl cha. Toto ma'oj e satl jun tzo'n̈ chi 'a e cal, atn jun tzo'n̈ xwal to yowlal tzsatx 'eli, 'oj wi'l in b'a 'a e cal, man̈x 'oj in colwj eyet'oc.

A Ch'an̈ Schab'l Libro Samuel 21:6

A eb' ucwn̈ cha, 'oj qui mil eb' on̈, ax qui t'un̈n q'ue eb' 'a yojltac Jehová 'a Gabaa, 'a schon̈b' Saúl, atn jun sic'b'il 'el yuj Jehová, xchi eb'. 'Ix sta'wj win rey ya'n eb' winc cha.

Dt 7:26

Yuj cha, may wal junc tas yajb'il 'el 'oj stac' eyi'n 'at 'a eyatut, sec wach' ma'oj e satl pax jun xo. A jun tzo'n̈ cha, yowlal tzeyajcn 'el eb', tze satl smasnil, xchi Moisés.

A Ch'an̈ Schab'l Libro Samuel 21:10

Ax 'ix Rizpa cha, 'ix yisl win Aja, 'ix ya'ch 'ix te pichl yic cusc'ojlal yic tzch'oxn 'eli to 'aych 'a scusc'ojlal. 'Ix sb'o 'ix spat 'a yib'n̈ jun q'uen q'uen 'aj 'ayc' sniwnal eb' chamnc cha. Ata xcan 'ix yic 'ix 'el yich spolx 'ixm cebada cha, masnto 'ix 'och n̈ab'lq'uinal. Matz chaj 'ix jawc no 'usej yet' no calte'al noc' 'a yib'n̈ sniwnal eb' chamnc cha, 'a c'ual, yet' pax 'a 'ac'wal.

Ez 39:12

Ax eb' israel cha, uque 'uj 'oj yac' eb' smucn eb' chamnc cha, 'ixta to b'i'an, ax sb'ox can slum eb' cha.

Dt 4:21

'Ix cot yowl Jehová 'ayn eyu'uj, 'ix yalni to man̈x 'oj in c'axw 'ec' 'a a Jordán, man̈x 'oj in c'och 'a sat lum lum 'oj yac' eyico'oc cha.

Dt 25:19

Yuj cha, a yic 'oj e colx 'el yuj Jehová qui Diosalec, a eb' 'ajc'ojl oyn 'och 'a sti lum lum 'oj yac' Jehová Dios eyico'oc, yowlal tze satl yab'xil eb' yin̈tl Amalec 'a sat lum lum cha, man̈ eyac' sat e c'ojl 'a jun checnb'il tic.

A Ch'an̈ Schab'il Libro Yic Yab'ixal Eb' Rey 10:8

Ax yic 'ix c'och jun win checb' 'a Jehú, 'ix yaln jun winc chi 'ixtic: —Tic 'ix jaw sjolm eb' 70 yunnal win rey, xchi winac. —'A'c can 'ejm 'a sti spuerta'il chon̈b' tic, chac'aj tzeyutj 'eli, ata tzcancni masnto q'uic'an, xchi Jehú 'a win checb' cha.