Dt 21:22 - Chuj San Sebastian Bible

²² Toto 'ay junc winc tz'ajx 'och 'a yol sc'ab' chamel, tzt'un̈xq'ue 'a spenc te', yujto tz'och junc sniwquil mul,

Chuj San Mateo Bible

²² Tato ay junoc vinac smac'jicham yuj schucal, sq'ue locan d'a junoc te te',

Dt 21:22 Referans Kwoze

A Tas Sc'ulejnac Eb' Schecab' Jesús Hechos 26:31

'Ix yi'n 'el sb'a eb' sch'ocoj, yic tzmol aln eb' tas tz'aj jun cha, 'ix yaln eb' 'ixtic: —May junc smul win tic smoj tzcham yu'uj, man̈ smojc 'aych win 'a preso, xchi eb'.

A Tas Sc'ulejnac Eb' Schecab' Jesús Hechos 23:29

Ax xwab'ni, to yujn̈ej sley eb' x'och smul Pablo 'a eb'. Palta man̈ smojc tzma'x chamoc, man̈ smojc tz'och pax 'a preso.

Lc 23:33

'Ix c'och eb' 'a jun lugar tzcuch Calavera. Ata 'ix st'un̈ q'ue eb' Jesús. 'Ix t'un̈x pax q'ue ewin 'ay smul cha, jun 'a swach' c'ab', jun 'a surito, junjn sculsal junjn eb'.

Mt 26:66

¿Tas xe chi yuj winac? xchi winac. —Caw x'och smul winac, smoj tzcham winac, xchi eb' 'anma cha.

Dt 22:26

Ax 'ix cob's cha, may tz'aj 'ix, yujto man̈oc 'ix tzsay smuloc, yuj cha, man̈ smojc tzcham 'ix. A tas tzb'o jun win cha, lajn 'icha junc winc tzmiln junc yit 'anma'il.

A Tas Sc'ulejnac Eb' Schecab' Jesús Hechos 25:11

Toto 'ay junc in mul smoj tzin cham yu'uj, chamquin cab'i'. Palta toto man̈ yelc tas tzya'ch eb' wit israelal tic 'a wib'an̈, toto 'ixta', may mach tztac' in ya'n 'och 'a yol sc'ab' eb'. Tic tzin c'anb't in b'a 'a win yajl 'a Roma, at win 'oj in b'eyc'ojlani, xchi Pablo 'a winac.

Mr 14:64

'In tox xcab'ec to caw tzb'uchwj 'a Dios. ¿Tas xe chi yuj ax tic? xchi winac. Ax smasnil ewin cha, 'ix ya'ch ewin chaml 'a yib'n̈ Jesús.

A Ch'an̈ Schab'l Libro Samuel 21:9

'Ix 'ajx 'och eb' 'a yol sc'ab' eb' 'aj Gabaón, ax eb' xmiln eb', 'ix st'un̈n q'ue eb' sniwnal eb' 'a lum jolm witz 'a yojltac Jehová. 'Ixta 'ix 'aj scham eb' yucwn̈il, 'a b'ab'l c'u yel yich spolx 'ixm cebada.

A Ch'an̈ Schab'l Libro Samuel 21:6

A eb' ucwn̈ cha, 'oj qui mil eb' on̈, ax qui t'un̈n q'ue eb' 'a yojltac Jehová 'a Gabaa, 'a schon̈b' Saúl, atn jun sic'b'il 'el yuj Jehová, xchi eb'. 'Ix sta'wj win rey ya'n eb' winc cha.

A Ch'an̈ Schab'l Libro Samuel 4:12

Xlajw cha, 'ix yaln David 'a eb' soldado chajtlto tzmilx cham ewinac, yuj cha, stzu'x 'el sc'ab' ewinac, yet' yoc ewinac, st'un̈n can q'ue ewin sniwnal eb' chi 'a sti 'aj tzyam sb'a a a 'a Hebrón. Xlajw cha, xyi'n 'at eb' sjolm win Is-boset cha, axta smuc eb' 'aj mucn win Abner 'a yol yic Hebrón cha.

A Ch'an̈ B'ab'el Libro Samuel 26:16

Caw maysch'olnil tas chi tza b'o cha. 'A yojltac Jehová tzwalni to smoj wal tzex cham e masnil, yujto matz e tan̈wj win cajlil, win sic'b'il 'el yuj Jehová. Say el q'uen slanza win rey, yet' jun tzu a a 'ayc' 'a sjolmtac winac, 'ixta to b'i'an ax elni, toto 'oj 'ilchjoc to o'oj, xchi David.

Josué 10:26

Xlajw cha, xya'n Josué milxoc eb' rey cha, 'ix ya'n t'un̈xoc q'ue eb' 'a sc'ab' te', junjn te te chi 'aj xq'ue t'un̈n junjn eb'. 'Ix cann̈j eb' ta', masnto 'ix 'em c'u.

Josué 8:29

Ax Josué, 'ix ya'n milxoc win sreyl Hai, xya'n t'un̈xoc q'ue sniwnal win 'a sc'ab' jun niwquil te'. T'un̈n q'ue sniwnal masnto x'em c'u. Ax yic wan sq'uic'b'i 'ix ya'n Josué jiyxoc 'emt winac. Ax 'a yol sti spuertail schon̈b' win cha, ata x'at can sniwnal win yuj eb' israel cha. 'Ix si'n can q'ue b'uln eb' q'uen q'uen 'a yib'n̈ winac, caw niwquil x'ajcn chan̈ b'uln q'ue'en.

Dt 19:6

Toto a junc chon̈b' cha, najt s'at sb'eal, 'ay pax junc mach yican to sb'a yet' junc tzcham cha, tznib'j tzyac' spac jun yican cha, tz'at 'a spatquil jun tz'och smul cha, 'ay smay tzyamchj yu'uj, tzmiln chamoc, palta man̈ smojc jun chi schami, yujto 'a yic yalan̈, may yowl eb'.

A Tas Sc'ulejnac Eb' Schecab' Jesús Hechos 25:25

Palta tzin na 'an tic, may junc smul smoj scham yu'uj. Tox 'ix sc'anb't sb'a 'a win yajl 'a Roma, atn win Augusto, sec a win 'oj b'eyc'ojlanoc. Yuj cha, tzin na'a, to 'oj wa'ti.

Nm 25:4

'Ix yaln Jehová 'a Moisés 'ixtic: —Yamb'tzej smasnil eb' yichm wincal chon̈b' Israel tic, 'a in sat yet' wal 'a sat eb' 'anma tic, tza t'un̈n q'ue eb' x'och smul tic, xchi Jehová.

Josué 10:27

Ax yic wan sq'uic'b'cha'an̈, 'ix ya'n Josué jiyxoc 'emt eb' 'a sc'ab' te cha, 'ix 'at ya'n 'ajxoc can pax 'och eb' 'a yol q'uen n̈aq'uen 'aj sc'ub'j 'el sb'a eb' cha. Xlajw cha, 'ix smacn can eb' sti jun n̈aq'uen chi yet' q'uen niwc q'ue'en. 'Ixta x'aj smacchj can jun n̈aq'uen cha.

Gn 40:19

Chab'ej 'oj el 'a preso tic yuj win rey cha, 'oj yac' win 'ijxoc 'el a jolom, ax ya'n winc locxoc q'ue a niwnal 'a junc te te', ax e no 'usej, a e no 'oj wul chinoc a chib'jal, xchi 'a winac.

A Ch'an̈ Schab'l Libro Samuel 21:10

Ax 'ix Rizpa cha, 'ix yisl win Aja, 'ix ya'ch 'ix te pichl yic cusc'ojlal yic tzch'oxn 'eli to 'aych 'a scusc'ojlal. 'Ix sb'o 'ix spat 'a yib'n̈ jun q'uen q'uen 'aj 'ayc' sniwnal eb' chamnc cha. Ata xcan 'ix yic 'ix 'el yich spolx 'ixm cebada cha, masnto 'ix 'och n̈ab'lq'uinal. Matz chaj 'ix jawc no 'usej yet' no calte'al noc' 'a yib'n̈ sniwnal eb' chamnc cha, 'a c'ual, yet' pax 'a 'ac'wal.