Dt 17:9 - Chuj San Sebastian Bible

⁹ Tze mol aln yet' eb' ya'mal 'och e ti 'a Dios, atn eb' yin̈tl Leví, tzeyaln pax 'a eb' juez 'aych 'a yopiso, tze c'anb'n 'a eb', tas tz'aj jun owl cha. Ax eb' 'oj alnoc tas tz'aj sb'oyaji.

Chuj San Mateo Bible

⁹ tze mol alej yed' eb' sacerdote yin̈tilal Leví yed' eb' juez ayoch d'a yopisio. A eb' chi' tz'alani tas tz'aj sb'oi.

Dt 17:9 Referans Kwoze

Ez 44:24

An̈jtona', toto 'ay mach 'ay yowal, a eb' 'oj b'onc yaj jun owl cha, 'icha wal yaln sleyl 'aycn wu'uj. 'Oj syiclc eb' smasnil in checnb'il yic jun tzo'n̈ q'uin̈ wic yaji, yet' pax sleyl sc'ul 'iljelal.

Malaquías 2:7

A wal yopiso eb' ya'mal 'och sti eb' 'anma 'ayin, to tzcuyx eb' 'anma yuj eb', sec tzin yojquej 'el eb'. Smoj ton wal sc'och smasnil eb' 'anma 'a eb', sec tzchaj eb' cuynb'il 'a eb', yujto a eb' cha, in checb' yaj eb' an Jehová in, tztac' wuj smasnil.

Hageo 2:11

C'anb'j 'ixtc 'a eb' ya'mal 'och sti eb' 'anma 'ayin, tas yaln in ley.

Jeremías 18:18

'Ix yaln eb' chon̈b' chi 'ixtic: Qui na'ec tas 'oj cutquec jun Jeremías tic. 'Ay xon eb' ya'mal 'och qui ti 'a Dios 'oj qui cuynec, 'ay xon eb' 'a'm nab'en 'oj 'a'nc qui nab'enec, 'ay xon eb' schecb' Dios 'oj alnc spaxti Dios 'ayn̈ec. Yuj cha, qui pitzc chan̈ 'es paxti 'a spatic, sec tzmilx chamoc, man̈ qui yiclquec xon tas tzyal cha, xchi eb'.

Ex 22:8

Palta toto matz 'ilchj jun 'elc'm cha, tz'ijx 'at jun 'ajn̈a chi 'a sat eb' juez, yic tzsayx 'ilxoc toto man̈oc jun 'ajn̈a chi tzc'ub'n 'el jun tumn cha.

Dt 17:10

Ax xo tzeyac' 'ejm sb'omb'il chi 'a scal eb'. 'Icha tzyutj eb' 'ay yopiso chi yaln 'ayex, 'ixta tzeyutej.

Dt 21:5

Tzlajw cha, ax eb' ya'mal 'och sti eb' 'anma 'a Dios, atn eb' yin̈tl can Leví, tzc'och eb' 'a stz'ey no'. Yujto a eb' sic'b'il 'el yuj Jehová qui Diosalec yic tz'ajx servil yuj eb', ax eb' tzc'ann swach'c'ojlal Jehová chi 'a eyib'an̈. Yuj tas tzyalcn eb' cha, tz'ajx can lajwc junc owal, mto junc chacjb'al 'a yol e chon̈ab'.

Zacarías 3:7

A Jehová tztac' yuj smasnil, a 'ix aln 'ixtic: B'eylb'ejn̈ej in b'eyb'al, tza yiclni smasnil tas xwac' a b'o'. Toto 'oj a b'o smasnil jun tzo'n̈ cha, to 'ixta', 'oj ach wa'ch yilmalc watut, ax a tan̈wni yet' yamq'uil. An 'oj wac' opiso och a wojltac, 'icha eb' in checb' 'aych 'a wojltac tic.

Ex 18:16

Tzlaj jaw eb' 'ayn yuj owl tzq'ue wan 'a scal, an xo tzin b'oyaj eb'. Tzlajw cha, tzwaln schecnb'il Dios yab' eb', xchi Moisés.

Dt 16:18

Tzeya'ch eb' juez yet' eb' yajl 'a junjn chon̈b' 'oj yac' Jehová Dios 'a junjn 'in̈tal, sec a eb' tzb'onyaj eb' 'anma 'a stojlal.

Dt 25:1

Toto 'ay chawn̈oc 'anma tzyac' owal, yowlal tz'at eb' sb'oyaj sb'a 'a sat eb' juez; a jun may smul cha, a tzcolchj cani, ax jun 'ay smul cha, tzcann̈j 'a yib'an̈.

Dt 33:10

Tzyac' eb' cuyxoc a ley 'a scal eb' yit chon̈ab', atn eb' yin̈tl Jacob, ax yaln pax eb' 'a scal eb' yit israelal. A eb' tz'a'n tz'a incienso 'a ojltac, ax ya'n pax tz'a eb' no xajmb'al to tz'a smasnil 'a yib'n̈ yet'l xajmb'al.

1 Cr 26:29

A 'a eb' yin̈tl Izhar, ata cotnc Quenanías yet' eb' yunnal. A eb' 'aych gobernadoral, yet' juezal 'a chon̈b' Israel, palta man̈xtoc a 'a yatut Dios 'aych yopiso eb'.

Zacarías 7:3

Xwul sc'anb'noc eb' 'ixtc 'a eb' schecb' Dios, yet' 'a eb' ya'mal 'och sti eb' 'anma': ¿An̈j 'ijnoc am tzca'ch te pichl n̈achtac yic cusc'ojlal on̈, tzon̈ 'och pax am 'a c'ajb'c'ojlal 'a yotquil 'uj yic junjn ab'il, yic tzqui nan cot sma'nb'il 'ejm yatut Dios, 'icha xon tzqui b'o'ec, masnto ticnec? xchi eb'.