Dt 17:17 - Chuj San Sebastian Bible

¹⁷ An̈jtona', man̈ niwnoc cab' yistl win tzyi'aj, sec ma'oj juwc snab'en win yuj eb' 'ix. Man̈ niwnoc cab' q'uen oro, mto q'uen plata tzyamb'tzej.

Chuj San Mateo Bible

¹⁷ Mocab' tzijtumoc tz'aj eb' ix yetb'eyum, yic max juviel d'a yichan̈ Jehová yuj eb' ix. Mocab' ste molb'ej q'uen oro yed' q'uen plata.

Dt 17:17 Referans Kwoze

Nehemías 13:26

'Ixtn tic x'aj yoch smul Salomón sreyl Israel. Wach'xam may junc xo rey lajn yet' 'a jun tzo'n̈ xo nacion̈, to 'ay schamc'ojlal Dios 'a 'a, 'ix 'ajx 'och qui reyloc an̈ israel on̈c tic, palta 'ix 'ijx 'at 'a maysch'olnil yuj eb' 'ix chuc chon̈b'al.

Mt 19:5

Yaljnac can 'ixtic: Yuj cha, a eb' winac yowlal tzyactj can eb' smam snun, sec junxn̈ej tz'ajcn eb' yet' yistzil. 'Icha wal to junxn̈ej niwnal tz'ajcn eb' schawn̈il, xchi.

Salmos 62:10

A mach tzyac' ganar tumn 'a spatc maysch'olnil mto yuj 'elc'al, caw matz tac' ya'n 'och jun chi yipc sc'ojol. Toto tzq'ue'ch yet' tas 'ay 'a 'a, matz tac' ya'n 'och sricoal chi yipc sc'ojol.

Gn 2:24

Yuj cha, a eb' winac, yowlal tzyactj can eb' smam snun, sec junxn̈ej tz'ajcn eb' yet' yistzil, 'icha wal to junxn̈ej niwnal tz'ajcn eb' schawn̈il.

Malaquías 2:15

¿Tom man̈oc Dios 'ix 'a'n e mojc e b'a sec junn̈j niwnal tzex 'ajcni, yet' junn̈j pax espíritu 'aych 'ayex? ¿Tas snab'en Dios yuj cha, 'ixta xyutj tze na'a? 'Ixta xyutej, sec a eb' eyunnal, yic pax tz'aj eb'. Yuj cha, tan̈wjec e b'a, man̈ eyac' sat e c'ojl 'a e ti eya'jnac 'a eyistzil eyijnac e b'a yet' 'a yic quelmal.

1 Ti 6:17

Ax eb' creyente rico yuj tastc 'ay 'a yolyib'n̈q'uinl tic, tzal jun tzo'n̈ checnb'il tic 'a eb'. Tzcham wal aln 'a eb', to matz tac' sb'an̈n sb'a eb'. Matz tac' ya'n 'och eb' sricoal yipc sc'ojol, yujto may jac syal tz'aj slajw pax 'eq'ui. Tzaln pax 'a eb', to cojxn Dios pitzan, a tzya'ch eb' yipc sc'ojol. Yujto a tz'a'n smasnil tas 'ayon̈, sec tzon̈ tzalj yet' jun tzo'n̈ cha.

1 Ti 6:9

Palta 'ay eb' creyente cojn ricoal tznib'ej. Yuj cha, c'un yajx juwc 'el eb' yuj maysch'olnil. 'Icha to tzcan eb' 'a junc ch'an̈ ya'al, yujto til wal jun tzo'n̈ tas may yopiso tznib'j 'och eb'. Caw 'ay smay tzjuw 'el eb' yu'uj. Yuj jun tzo'n̈ tznib'j 'och eb' cha, tzwach' caw juw 'el snab'en eb' 'a jun 'ejmn̈ej. Yuj cha, 'ichn̈jta 'oj satx can 'ejm eb'.

Lc 12:15

Xlajw cha, xyaln 'ixtc 'a eb' 'anma cha: —Caw tzeyil wal e b'a, sec may junc tas tze comn nib'j 'ochi. Man̈ yujoc to til wal tas 'ay 'ayn̈ec, tzaljc'ojlal que'c 'a yolyib'n̈q'uinl tic, xchi Jesús.

Mt 13:22

Ax jun tzo'n̈ xo 'in̈t x'emcn 'a scal c'ultac, tzyal 'el'chi, 'ay jun tzo'n̈ xo eb' tz'ab'n spaxti Dios. Palta an̈j jun tzo'n̈ yic yolyib'n̈q'uinl tic tzna eb', tzjuw snab'en eb' yuj snib'n 'och sb'a ricoal. Yuj jun tzo'n̈ cha, man̈x 'a yel'ch spaxti Dios 'a eb'. Lajn tz'aj eb' 'icha 'ixm trigo may xon jac sjolm tzyac'a.

A Ch'an̈ B'ab'el Libro Yic Yab'ixal Eb' Rey 10:21

An̈jtona svaso win rey, nab'a oro smasnil. 'Ixta pax schenal yet' xalual tas tzc'anx 'a jun n̈a tzcuch Calte yic Líbano, nab'a oro smasnil. May junc tas to plata, yujto a 'a stiempoal Salomón, a q'uen plata cha, may wal yel'ch q'ue'en.

A Ch'an̈ Schab'l Libro Samuel 5:13

A yic yel David 'a chon̈b' Hebrón, yic xc'och 'a Jerusalén, 'ayt jun tzo'n̈ xo eb' 'ix 'ix x'och yistzilc ta', yuj cha, til to wal yunnal, yet' eb' yisl x'alj to yet' eb' 'ix 'ix cha.

A Ch'an̈ Schab'l Libro Samuel 12:11

An Jehová in, an tzwalcni: A 'a scal eb' onnal, ata 'oj wac' pitzwoc chan̈ maysch'olnil. Q'ueln ach wal 'och 'a eb' 'ix estzil cha, ax wa'n eb' 'ix 'a junc xo win winac, ax sway win yet' eb' 'ix.

A Ch'an̈ B'ab'el Libro Yic Yab'ixal Eb' Rey 10:27

Man̈x jantcoc sb'isl q'uen plata smolb'tzej win rey 'a Jerusalén, 'icha xoj q'uen comn q'ue'en. Man̈x jantcoc pax te c'ute smolb'tzej winac, 'icha xoj te calte'al higo comn xoj 'ay 'a span̈nil yich lum witz.

2 Cr 1:15

Man̈ jantcoc q'uen plata, q'uen oro xyac' win syam sb'a 'a Jerusalén, 'icha xoj q'uen comn q'ue'en. A te c'ute', toxn̈ej jun'ec' te 'icha yaj te calte'al higo 'a span̈nil yich lum witz.

2 Cr 11:21

A Roboam cha, wajxclajn̈wan̈ yistzil, 60 schab'l 'istzil, 28 yunnal, 60 pax yisil, palta yel xo tzchamc'ojlej win 'ix Maaca chi 'a yib'n̈ jun tzo'n̈ xo eb' 'ix cha.

Pr 31:3

Man̈ ac' juwc 'el a b'a yuj eb' 'ix 'ix; yujn̈ej eb' 'ix, til wal ewin rey tzjuw 'el sb'eyb'al.

1 Cr 14:3

'Ix yi'n David chi jun tzo'n̈ xo eb' 'ix 'ix yistloc 'a Jerusalén, yuj cha, caw 'ayt yunnal yet' yisl x'alj yet' eb' 'ix.