Dt 17:15 - Chuj San Sebastian Bible

¹⁵ A junc quit chon̈b' tzeya'ch e reyloc 'a yol e nacion̈ cha. Yowlal a Jehová qui Diosalec tzsi'n 'eli. Man̈ eya'ch junc chuc chon̈b'al e reyloc, yujto man̈ quit chon̈b'oquec qui b'a yet'oc.

Chuj San Mateo Bible

¹⁵ a junoc quetchon̈ab' ol siq'uel Jehová co Diosal, a' ol eyac'och e reyaloc. Man̈oc junoc ch'oc chon̈ab'il ol eyac'och e reyaloc, yujto man̈ quetchon̈ab'oc.

Dt 17:15 Referans Kwoze

Jeremías 30:21

An Jehová in, an tzwala: A 'a e cal cha, ata 'oj 'eltoc mach 'oj 'och eyajliloc. A jun eyajlil cha, 'oj wac' jawc 'a in tz'ey, yujto wal yel, caw may junc mach tzte'wtzej sb'a sjaw 'a in tz'ey.

1 Cr 22:10

A 'oj b'onc chan̈ jun watut cha. 'Oj 'och 'unnab'ilal 'ayin, an xo 'oj woch mamb'ilal 'a 'a, ax wa'n yic' yip yopiso 'a yib'n̈ chon̈b' Israel 'a smasnil tiempo, xchi Dios 'ayin.

1 Cr 12:23

Atn slistail jun tzo'n̈ eb' syajlil eb' soldado tic caw jeln 'a owal. 'Ix jaw eb' wul ya'ch sb'a yet' David 'a Hebrón, yic tz'ajx 'och reyl sjelc Saúl, a tzyal 'ixta yaln can Jehová:

A Ch'an̈ B'ab'el Libro Samuel 10:24

'Ix yaln Samuel 'a smasnil eb' chon̈b' chi 'ixtic: —¡'Iltec wal jun si'ch Jehová tic qui reyloc! ¡May wal junc 'a qui cal tztac' slajb'tzan sb'a yet' winac! xchi. Yuj cha, 'ix yaln eb' chon̈b' yet' stzaljc'ojlal 'ixtic: ¡Viva win rey! xchi eb'.

Jeremías 2:25

¡Ex 'aj Israel, 'ochn̈ec wan eyoyb'x 'ec' e sayn 'ec' e diosal. Nab'an̈ej tze mac' lajwc eyoc, nab'an̈ej tztacj e ti eyeq'ui! Palta ax tic, xeyal 'ixtic: Ma'ay, an̈ tic on̈, tox 'ix ca'ch qui c'ojl 'a jun tzo'n̈ comn dios on̈, yuj cha, 'oj cochn̈j tza'n yuj eb' on̈, xe chi.

Salmos 2:6

Tox 'ix wa'cn 'och yopiso jun rey 'a tzaln Sión, atn jun tzaln to wicn̈ej yaji, xchi.

Salmos 2:2

A eb' rey yet' eb' syajlil junjn chon̈ab', 'oj cot yowl eb', jun lajnxoj 'oj yutc eb' yaln 'a spatc Jehová, yet' pax 'a jun Rey sic'b'il 'el yu'uj.

A Ch'an̈ Schab'l Libro Samuel 5:2

Wach'xam a Saúl 'ochnc qui reyloc, palta ach wal a'jnac ep on̈ a jucb'tzan 'a yic on̈ 'e'c 'a owal; a pax Jehová aljnac 'ayach, chajtlto ach 'oj on̈ e'c b'eyoc, ax a'n pax yajlil 'a quib'n̈ an̈ israel on̈ tic, xchi eb'.

Mt 22:17

¿Tas tza na'a? A jun tzo'n̈ tumn tzc'anx 'el 'ayn̈ yuj win yajl 'a Roma, ¿'aym sleyl tzcac'a, mto ma'ay? xchi eb' 'a 'a.

1 Cr 28:5

Til wal eb' wunnal 'ix yac' Jehová 'ayin, ax 'a scal smasnil eb' wunnal cha, a Salomón a 'ix si'cn 'eli, sec to a 'oj 'em wocn 'a despacho yic tzch'oxn 'el yopiso Jehová 'a yib'n̈ qui nacion̈.

A Ch'an̈ B'ab'el Libro Samuel 8:5

'Ix yaln eb' 'a 'ixtic: Ach tic, ach 'och 'ichm wincal, ax eb' onnal, man̈oc a b'eyb'al tzb'eylb'ej eb'. Yuj cha, tzcaln 'ayach, to tza saycn junc qui reyl tzon̈ jucb'tzani, 'icha yaj jun tzo'n̈ xo nacion̈, xchi eb'.

A Ch'an̈ B'ab'el Libro Samuel 16:3

Tzlajw cha, tzawtn Isaí yet' eb' yunnal wul schi no xajmb'al chi et'oc. An xo 'oj wal 'ayach tas 'oj a b'o'. A junc mach 'oj in ch'ox 'ayach, a tzac' q'ue aceite 'a sjolom, yic tza si'n can 'och reyal, xchi Dios.

A Ch'an̈ Schab'l Libro Samuel 5:1

Xlajw cha, smasnil eb' yin̈tl Israel 'ix wulc' eb' paxtinc yet' David 'a Hebrón, xyaln eb' 'a 'ixtic: An̈ tic caw wal 'ayt cuj qui b'a et'oc.

Salmos 89:20

'Ix 'ilchj jun in checb' wu'uj, atn David. A perjuma tzc'anlb'axi yic 'ay junc tas tz'och wico'oc, a xwac' 'ajxoc q'ue 'a sjolom yic xin ch'oxn 'eli to xq'uecn c'och reyal.