Dt 17:14 - Chuj San Sebastian Bible

¹⁴ A yic tox ex c'och 'a sat lum lum 'oj yac' Jehová Dios eyico'oc cha, 'a yic tox 'ix 'e'cn lum eyu'uj, yic 'ayx tiempo e cajn lu'um, toq'ue 'oj eyal 'ixtic: A ticnec b'i'an, tzqui nib'ej to 'ay junc qui reyl tzon̈ jucb'tzani, 'icha yaj jun tzo'n̈ xo chon̈b' 'a qui la'nil tic, 'oj e chioc.

Chuj San Mateo Bible

¹⁴ Ayic ayexxo och d'a sat lum luum ol yac' Jehová co Diosal d'ayex, ayic toxo ix eyac' ganar eyic'an luum, cajan exxo ta', talaj tze comon alej icha tic: Caq'uecoch junoc co reyal ol ac'an yajalil d'ayon̈, icha juntzan̈ chon̈ab' ay d'a co lac'anil tic. Tato ol eyal icha chi',

Dt 17:14 Referans Kwoze

A Ch'an̈ B'ab'el Libro Samuel 12:19

Yuj cha, xyaln smasnil eb' chon̈b' chi 'ixtic: —C'an 'a Jehová qui Diosalec cu'uj sec matz on̈ chamec, yujto caw 'ix niwtj qui mulec yic xqui c'annec jun qui reylec tic, xchi eb'.

Josué 1:13

—Nac cot tas yaljnac can Moisés 'ayex, atn win schecb' Dios yic yaln can 'ixtic: A Jehová qui Diosalec, a x'a'n jun lum tic 'ayex, sec wach' ata 'oj e can cajan, xchi.

Dt 26:9

Xlajw cha, on̈ yi'nec cot 'a sat jun lum lum tic, 'ix ya'n lum 'ayn̈ec, atn lum caw 'ay syaxil sat.

Dt 26:1

A yic tox ex c'och cajn 'a sat lum lum 'oj yac' Jehová qui Diosalec eyico'oc, a yic tzex munlj 'och 'a sat lu'um,

Dt 18:9

A yic 'oj e c'och 'a lum lum 'oj yac' Jehová qui Diosalec eyico'oc, man̈ e b'eylb'oc sb'eyb'al eb' 'anma 'ayc' 'a jun tzo'n̈ chon̈b' cha.

Dt 11:31

Ax tic, jab'xoj wal sc'och stiempoal eye'cn 'a yojl a Jordán cha, ax e c'och 'a sat lum lum tzyac' Jehová e caja'.

Dt 7:1

'Ix yaln pax Moisés 'ixtic: A Jehová qui Diosalec, a 'oj eyi'n 'och 'a sat lum lum 'oj yac' 'ayx cha. A pax 'oj 'i'noc 'el uque niwc chon̈b'al eb' 'anma caw 'ay yip 'a eyojltac: Atn eb' hitita, eb' gergeseo, eb' amorreo, eb' cananeo, eb' ferezeo, eb' aveo yet' eb' jebuseo.

Lv 14:34

A yic 'ayx xo 'ec' e masnil 'a lum Canaán, atn lum 'oj wac' eyico'oc, toq'ue 'oj wa't tas c'uxmtac syab'ilc yol n̈a 'a e chon̈b' cha,

Nm 33:53

A yic tzeya'n ganar eyi'n 'ec' lum lum cha, yajn̈j cha, tze b'on 'och e b'a 'a sat lu'um, tzex can cajn 'a 'a, yujto an tzwac' e caj lu'um.

Josué 21:43

'Ixtn tic wal xyutj Jehová ya'n can smasnil lum lum tic 'a eb' israel, atn lum 'aj ya'jnac can sti ya'n 'a eb' smam yichm eb'. 'Ix sb'on 'och sb'a eb' 'a sat lu'um, xlajw cha, xcan cajn eb' 'a 'a.

A Ch'an̈ B'ab'el Libro Samuel 8:11

'Ix yaln 'ixtic: —'Ixtc wal 'oj ex yutc jun rey 'oj yac' yajlil 'a eyib'n̈ cha: 'Oj yec syam sb'a eb' eyunnal. 'Ay eb' 'oj ya'ch 'a yojl jun tzo'n̈ caruaje yic owal, 'ay eb' 'oj q'ue 'a yib'n̈ chej ax s'at eb' 'a owal, 'ay pax eb' 'oj ya'ch win stan̈maloc.

A Ch'an̈ B'ab'el Libro Samuel 10:19

Palta ax ticnec, 'ix e patquilj can 'el qui Diosalec, atn jun on̈ 'i'n 'elt 'a scal yailal, yet' 'a scal cusc'ojlal, yic xe c'ann jun qui reyl tzyac' yajlil 'a quib'n̈ec. Yuj cha, a ticnec 'ochn̈ec 'a yojltac Jehová, junjn 'in̈tal yet' junjn macn̈il tzex 'aj 'eyochi, xchi.

A Ch'an̈ B'ab'el Libro Samuel 10:25

Xlajw cha, 'ix syamn 'och Samuel yaln sleyl yic reyal, syamn 'och stz'ib'n can jun tzo'n̈ ley chi 'a ch'an̈ u'un̈, 'ix ya'n can 'och 'a yol scajnub' Jehová. Xlajw cha, xyaln can sb'a Samuel 'a eb' chon̈ab'. 'Ix yalni chajtlto tzpaxx can junjn eb' 'a yatut.

A Ch'an̈ B'ab'el Libro Samuel 16:3

Tzlajw cha, tzawtn Isaí yet' eb' yunnal wul schi no xajmb'al chi et'oc. An xo 'oj wal 'ayach tas 'oj a b'o'. A junc mach 'oj in ch'ox 'ayach, a tzac' q'ue aceite 'a sjolom, yic tza si'n can 'och reyal, xchi Dios.