Dt 16:21 - Chuj San Sebastian Bible

²¹ Man̈ e comn 'awc junc te te', yic tz'och sch'oxnb'ilc jun comn dios tzcuch Asherá. Man̈ e comn 'awc te 'a stz'ey yet'l xajmb'al yic Jehová qui Diosalec.

Chuj San Mateo Bible

²¹ Ayic tze b'oan altar d'a Jehová co Diosal, man̈ eyaq'uem junoc te te' yechel ix dios scuchan Asera d'a stz'ey chi'.

Dt 16:21 Referans Kwoze

2 Cr 33:3

'Ix sb'o chan̈ jun tzo'n̈ macsej 'a jolmctac witz jun 'ejm xo, atn jun tzo'n̈ satb'il 'el yuj Ezequías, atn smam; sb'on pax chan̈ yet'l xajmb'al yic comn dios tzcuch Baal, yet' jun tzo'n̈ yechl comn dios tzcuch Aserá; xyaln pax sb'a 'a jun tzo'n̈ c'anal, 'a 'uj yet' 'a c'u.

A Ch'an̈ Schab'il Libro Yic Yab'ixal Eb' Rey 17:16

'Ix yactn can eb' smasnil schecnb'il Jehová sDiosal, sb'on eb' chawn̈ yechl wacx tenb'il b'o'oc, sb'on pax eb' jun sch'oxnb'il sdiosal tzcuch Asera, 'ix 'och eb' 'emmquilal pax 'a jun tzo'n̈ c'anal yet' 'a Baal.

A Ch'an̈ Schab'il Libro Yic Yab'ixal Eb' Rey 21:3

Yujto sb'o chan̈ jun tzo'n̈ macsej 'a jolmctac witz jun 'ejm xo, atn jun tzo'n̈ satb'il 'el yuj Ezequías, atn smam, jun tzo'n̈ yic Baal, yet' jun sch'oxnb'il comn dios tzcuch Asera, 'icha sb'ojnac Acab sreyl chon̈b' Israel. 'Ix ya'n̈j pax 'ejm sb'a Manasés chi 'a jun tzo'n̈ c'anal 'a satcha'an̈.

Ex 34:13

A jun tze b'o'o, to 'oj e ma'cn poj yet'l xajmb'al eb', yet' jun tzo'n̈ q'uen 'aj tzlaj leslwi eb', yet' pax jun te sch'oxnb'il comn dios tzcuch Asherá.

A Ch'an̈ B'ab'el Libro Yic Yab'ixal Eb' Rey 16:33

An̈jtona 'ix ya'n win Acab chi b'o jun yechl comn dios Asera sb'i. Yuj cha, 'ix yi'n cot win yowl sc'ojl Jehová 'a yib'an̈, yujto yel xo wal 'ec'b'al say win smulc 'a yib'n̈ jun tzo'n̈ eb' rey b'ab'l 'e'nc yu'uj.

A Ch'an̈ B'ab'el Libro Yic Yab'ixal Eb' Rey 14:15

'Oj stzicb'tan̈c Jehová chon̈b Israel tic 'icha tz'aj stzicb'tan̈x eb' te 'aj yuj a a'. 'Oj quijxec 'el an̈ israel on̈c tic 'a sat lum lum caw wach' 'ix 'ajx 'a eb' qui mam quichmec. 'Oj quijxec 'at 'a sc'axpil 'at a Eufrates, yujto 'ix qui b'oc jun sch'oxnb'il jun comn dios tzcuch Asera. Caw 'ix qui tzuntzjec cot yowl sc'ojl Jehová 'a quib'n̈ec.

Jueces 3:7

Caw tu tas sb'o eb' israel 'a sat Jehová sDiosal, xya'n eb' sat sc'ojl 'a 'a. Cojxn 'a jun tzo'n̈ yechl comn dios tzcuch Baal yet' 'a jun tzo'n̈ yechl Asera ata xyac' 'ejm sb'a eb'.

Dt 7:5

Palta a tas 'oj e b'o', to 'oj e satl smasnil 'aj tzyal sb'a eb' 'anma cha, tze ma'cn poj q'uen q'ue'en, yet' te te 'aj tzlaj yac' 'ejm sb'a eb', tzlaj e n̈usnoc can tz'a sdiosal eb' cha.

Lv 26:1

'Ix yaln pax Jehová 'a Moisés 'ixtic: Man̈ e b'o jun tzo'n̈ yechl e diosaloc. Man̈ e lin̈chan̈ q'uen q'uen 'aj tzeyal e b'a 'a yol e chon̈ab'. Man̈ e jos q'uen q'uen 'aj tz'ib'x 'och yechl eb' comn dios, man̈ eyac' 'ejm e b'a 'a jun tzo'n̈ cha, yujto an Jehová in, e Diosal waji.

A Ch'an̈ Schab'il Libro Yic Yab'ixal Eb' Rey 21:7

An̈jtona', xya'n 'och jun yechl Asera chi 'a yol yatut Jehová. Atn yuj jun tic yalnc can Jehová 'ixtc 'a David yet' 'a yunnal, atn Salomón: A Jerusalén tic, xin si'cn 'el 'a scal smasnil schon̈b' eb' yin̈tl Israel sec ata tzb'o watut 'aj tzex 'och 'emmquilal 'ayn 'a smasnil tiempo.