Dt 16:2 - Chuj San Sebastian Bible

² A 'a yic tze nan jun q'uin̈ cha, ata tzeyac' no wacax, mto no calnelu xajmb'al-l 'a Jehová Dios, atn 'a jun lugar 'oj si'l yico'oc, ata tzex 'och 'emmquilal 'a 'a.

Chuj San Mateo Bible

² A d'a sc'ual q'uin̈ chi', ata' tzeyac' noc' vacax yed' noc' calnel silab'il d'a Jehová co Diosal, aton d'a jun lugar ol siq'ueli yic tz'och scajnub'oc.

Dt 16:2 Referans Kwoze

Dt 12:5

A 'a scal eb' eyin̈tl ax tic, ata 'oj si'l Jehová jun lugar 'aj 'oj b'inaxc sb'i, atn 'a jun lugar chi 'aj smoj 'at eya'nc 'ejm e b'a.

Dt 12:26

Palta ax jantcn̈ej tas tzeyac' ofrendail 'a 'a, yet' tas ta'wb'il eyu'uj, tzeyij 'at 'a jun lugar chi 'oj si'l Jehová yico'oc cha.

1 Co 5:7

Yuj cha, 'actjec can jun tzo'n̈ e b'eyb'al 'a yic yalan̈. Yujto a jun tzo'n̈ cha, lajn 'icha yich pan. Toto 'ixta', 'oj eyoch 'icha jun pan tzwax 'a q'uin̈ yic tznax cot yel eb' israel 'a libre, may jac spaltail. Yujto wal yel, 'ixta ex 'a sat Cristo, yujto a xcham qui jelquec. 'Icha no quelm calnelu tzmilx chamoc, tz'och xajmb'al-l 'a jun q'uin̈ cha, 'ixta x'aj scham Cristo yic yi'n can 'el qui mulec.

Lc 22:15

Xlajw cha, xyaln Jesús 'ixtc 'a eb': —Toxn tzin nib'j xon wa in b'a eyet' 'a jun q'uin̈ tic yic mantzac in chami.

Lc 22:8

'ix yaln Jesús 'ixtc 'a Pedro yet' 'a Juan: —'Ixquec, 'at b'oc tas tzqui c'ux 'a jun q'uin̈ tic, xchi 'a eb'.

Mr 14:12

A 'a b'ab'l c'u yic jun q'uin̈ tzwax 'ixm pan may yich, yic tzmiln eb' no quelm calnelu yic snanb'il cot yel eb' israel 'a libre, 'ix sc'anb'n eb' scuywum Jesús 'ixtc 'a 'a: —¿'Ajtil tza nib'j tzqui b'o 'aj 'oj qui wa'ec, yic tzqui nanec cot q'uin̈ tic? xchi eb'.

Mt 26:17

A 'a b'ab'l c'u yic jun q'uin̈ tzwax 'ixm pan may yich, 'ix jaw eb' scuywum Jesús 'a 'a, 'ix sc'anb'n eb' 'a 'ixtic: —¿'Ajtil tza nib'j tzqui b'o 'aj tzon̈ wa'ec, yic tzqui nanec cot yic yel eb' qui mam quichmec 'a libre? xchi eb' 'a 'a.

Mt 26:2

—Eyojtac to chab'joc xoj yoch q'uin̈ yic snanb'il cot yel eb' qui mam quichmec 'a libre, an 'Ochnc in 'Anmal tic, 'oj wajx 'och 'a yol sc'ab' eb' 'oj wa'n 'och 'a spenc culus, xchi 'a eb'.

2 Cr 35:7

Xlajw cha, ax 'a scal scajb'en noc' win rey Josías cha, ata xyij 'elt jun tzo'n̈ no xyac' siylab'il 'a eb' chon̈b' yamn yaj chi ta', sec 'ay no wach' ya'n eb' xajmb'alc 'a yic tznax q'uin̈ cha: 30 mil no calnelu yet' no chiwo, 'oxe mil no quelm wacax.

Dt 15:20

'A junjn ab'il tze mol chin e no yet' eb' eyunnal 'a yojltac Jehová qui Diosalec, 'a jun lugar 'oj si'l yico'oc cha.

Dt 12:18

Tzeyij 'at jun tzo'n̈ chi 'a jun lugar 'oj si'l Jehová yico'oc, ax 'a yojltac, ata tze mol c'uxj jun tzo'n̈ chi yet' eb' eyunnal, eb' eyisil, ewin e checab', eb' 'ix eya'mal servil, yet' eb' levita cajn 'a e cal. Ata 'oj eyac' tzaljoc e c'ojl 'a yojltac Jehová qui Diosalec yuj tas tzeyij 'a e munljel cha.

Dt 12:14

Cojn 'a jun lugar tzsi'l Jehová 'a yol e nacion̈, ata tzeyij 'at jun tzo'n̈ cha. A jun tzo'n̈ tzwalcn 'ayx tic, yowlal tzeyiclj e b'on 'a jun lugar cha.

Dt 12:11

A 'a jun lugar 'oj si'l Jehová yico'oc cha, ata 'oj 'at eyac' smasnil jun tzo'n̈ xwal 'ayx tic: no noc' tzeyac' xajmb'alil, yet' no xajmb'al tze n̈ustz'a'oc, e diesmo, eyofrenda to tz'el 'a e c'ojl eya'ni, yet' e colwal to ta'wb'il eyu'uj.

Nm 9:2

Al 'a eb' et israelal tic, to tzna eb' q'uin̈ yic eyel 'a libre. 'Icha sc'ul alb'il cani,

Dt 16:1

'Ix yaln pax Moisés 'ixtic: A yic tzjaw jun 'uj tzcuch Abib 'a junjn ab'il, ata tze na q'uin̈ yic quelc 'a libre 'a Egipto, yuj eyi'n chan̈ sb'i Jehová qui Diosalec, yujto a 'a jun 'uj cha, ata 'ay jun 'ac'wl 'aj on̈ yijec 'elt Jehová Dios 'a Egipto cha.

Dt 16:3

A no noc' tzeyac' e xajmb'alc cha, tze chi no', tze wan pax 'ixm pan may yich. Uque c'u tze waj 'ixm pan cha, sec a 'ixm tz'och snanb'ilc cot yailal, yujto caw ji'ltixn̈ej on̈ 'eltec 'a Egipto. Ya' sb'a pitzn ex, 'a junjn ab'il yowlal tze na cot jun c'u yic queltec cha.

A Ch'an̈ Schab'il Libro Yic Yab'ixal Eb' Rey 23:21

Xlajw cha, 'ix yaln win rey Josías 'a smasnil eb' chon̈b' 'ixtic: To tzqui nac q'uin̈ yic yelt eb' qui mam quichmec 'a libre 'a Egipto, yuj qui'nec chan̈ sb'i Jehová qui Diosalec, a tzyal yaj stz'ib'x 'a ch'an̈ libro yic trato, xchi.