Dt 16:19 - Chuj San Sebastian Bible

¹⁹ Man̈ ya'ch sb'a eb' 'a man̈ nab'enal, man̈ chucchcoc cab' yilx eb' 'anma 'a sat eb'. Matz chaj eb' q'uen c'ultac tumn 'a junc mach, yujto a jun tumn chi tzjun 'el snab'en eb' 'ay snab'en cha, a pax q'uen tumn chi tzjeln 'el spaxti eb' 'anma tojl snab'en.

Chuj San Mateo Bible

¹⁹ Mocab' sq'uex tojolal eb' d'a man̈ stojolaloc. Mocab' ch'occh'ococ eb' anima d'a yol sat eb', mocab' scha tumin eb' yic smontaj eb', yujto a q'uen tumin yic montub'al chi' tz'ixtanel spensar eb' aj pensar. An̈ejtona' yuj q'uen tumin chi' sq'uex slolonel eb' tojol.

Dt 16:19 Referans Kwoze

Lv 19:15

Man̈ e b'o tas man̈ tojloc, yic tze b'onyaj junc mach; man̈ eya'ch e b'a yet' eb' meb'a', mto yet' eb' niwn yel'chi. Tojln̈ej tzeyutj e b'onyaj eyit 'anma'il.

Ex 23:2

Man̈ eya'ch e b'a yet' eb' tzb'on maysch'olnil. A yic 'ay junc tas tz'ajx eyala', tojln̈ej tzeyutj eyalni, man̈ eya'ch e b'a 'a tas tzyal smasnil eb' tu cha.

Pr 17:23

A eb' yajl tu snab'en, tzc'ultac chaj eb' tumin, sec man̈ wach'c tzyutj eb' sb'onyaj junc mach.

Habacuc 1:4

Man̈x 'a ley, man̈xtzac b'oyaj eb' 'anma 'a swach'il. A eb' wach' sb'eyb'al, caw tzcan eb' 'a yaln̈ yuj eb' tu sb'eyb'al. Tzjelmtej 'och eb' tojlal 'a maysch'olnilal, xin chi.

Dt 24:17

Man̈ e b'o tas man̈ tojloc 'a eb' chuc chon̈b'al 'ayc' a e cal, yet' 'a eb' meb'a 'unn chamnc smam, yet' pax 'a eb' 'ix 'ix chamnc yichmil. Man̈ eyi'c spichl eb' 'ix yuj smajnub'loc junc tas.

Dt 10:17

yujto a Jehová qui Diosalec, 'ec'b'al 'a yib'n̈ jun tzo'n̈ xo tzalx 'och diosal. A yajl yaj 'a yib'n̈ eb' yajal. Cojxn tztac' yalni, caw 'ay spoder, 'ay pax smay, may 'aj tzjel snab'en 'a yib'n̈ junc tas, may 'aj tzchon̈ sb'a yuj tas tzsiyx 'a 'a.

Is 1:17

Cuyc e b'a e b'on swach'il, a cab' stojlal tze sayq'ui, colwjan̈c 'a eb' 'anma tz'ixtxi, b'oc yaj eb' meb'a 'unin, colwjan̈c 'a eb' 'ix 'ix chamnc yichmil, xchi Dios.

Ec 7:7

A q'uen c'ultac tumin, a q'uen tz'a'n yixtc 'el sb'a eb' jelan, lajn xoj tz'ajcn eb' 'icha eb' may snab'en.

Pr 24:23

An̈jtona pax jun tzo'n̈ xo tic, a eb' 'ay snab'en 'ix aln cani: Caw man̈ wach'oc toto chucchc yilx eb' 'anma 'a sat win yajal yic tzb'onyaj win eb'.

Dt 27:19

Catb'tzaxc cab' eb' tzb'on junc tas man̈ tojloc 'a eb' chuc chon̈b'al, mto 'a junc 'ix chamnc yichmil, mto pax 'a junc meb'a 'unn chamnc xo smam, xchi eb' levita. 'Ixta cab' tz'aji, 'oj xchic eb' chon̈ab'.

A Tas Sc'ulejnac Eb' Schecab' Jesús Hechos 23:3

Ax yic xlajw sma'xi, xyaln Pablo 'a win Ananías chi 'ixtic: —¡A Dios 'oj a ma'n jun xo, yujto chab'sat ach! Wocn ach 'ejm in a b'eyc'ojloc, 'icha tzyal ley yic Moisés. 'In tzin ac' ma'xoc, palta may sleyl tza b'o 'ixta', xchi 'a winac.

A Tas Sc'ulejnac Eb' Schecab' Jesús Hechos 16:37

Palta xyaln Pablo 'a eb' policía chi 'ixtic: —An̈ tic on̈, 'aj Roma on̈ on̈, ma'ix sc'anb'j ewin yab'i', toto 'ay qui mul on̈. Palta 'in on̈ yac' ewin ma'xc 'a sat eb' 'anma 'on̈. Al ticnec, ¿tom tznib'j ewin tzon̈ sc'ultac 'a'j 'el 'a libre on̈? Ma'ay. Cot cab' ewin juez cha, a cab' wal ewin 'oj wul qui'n 'el on̈, xchi Pablo 'a eb'.

A Tas Sc'ulejnac Eb' Schecab' Jesús Hechos 10:34

Yuj cha, 'ix syamn 'och Pedro yaln 'a eb' 'ixtic: —A ticnec wojtac, wal yel, lajnn̈ej yel'ch smasnil 'anma 'a sat Dios.

Miqueas 7:3

Caw cuywjum eb' sb'on maysch'olnil. A eb' 'ay yopiso, tzc'an eb' q'uen c'ultac tumn 'a eb' yit chon̈ab'. Ax eb' juez tzchaj eb' q'uen c'ultac tumn cha. Yuj cha, a eb' rico tzb'on̈j eb' tas 'icha wal tznib'ej. A eb' cha, jun tzyutj sb'a eb', tzyixtn eb' yit 'anma'il.

Ez 22:12

'Ay eb' eyajlil tzchan tumin yic tzya'n 'och eb' chaml 'a yib'n̈ junc xo mach. 'Ay eb' tz'a'n q'uen tumn majnil 'a junc xo yit 'anma'il, palta niwn yune q'uen tumn chi tzc'an eb', tzya'n eb' sat sc'ojl 'ayin.

Jeremías 5:28

Caw b'a'ch eb' ya'n servil sb'a. Man̈x yalnb'ilc smaysch'olnilal eb'; matz b'o eb' yaj eb' meb'a 'unn chamnc smam, matz b'o eb' yaj eb' meb'a 'a stojlal.

Is 33:15

A eb' caw yel tzb'ey 'a stojlal, matz nib'j eb' tz'och ricoal yuj schan q'uen c'ultac tumin, matz ya'ch sb'a eb' yaln yic 'a junc milj cham 'anma', atn eb' tzyij 'el sb'a 'a maysch'olnil.

Is 1:23

A eb' eyajlil caw wal pit eb', yitb'eym sb'a eb' yet' eb' 'elc'um. Caw wal tzalj eb' yet' q'uen c'ultac tumin, tzlaj snib'nc eb' to 'ay tas tzlaj siyxc 'a 'a. Matz nib'j eb' tzlaj sb'o yaj eb' meb'a 'unin, yet' eb' 'ix 'ix chamnc yichmil.

Pr 24:28

Man̈ eya'ch e b'a 'a junc paxti tz'ajx 'och 'a yib'n̈ eb' quit 'anma'il, man̈ eyal junc paxti man̈ yelc 'a spatc eb'.

A Ch'an̈ B'ab'el Libro Samuel 12:3

A ticnec waj 'a yojltac Jehová, yet' 'a yojltac jun rey si'ch qui reyloc tic. Alc b'i'an toto 'ay mach xwixtej, mto 'ay 'aj xwij 'ec' swacax, mto sb'uru, mto 'ay 'aj x'och in mul 'a 'a, mto 'ay 'aj in chajnac q'uen c'ultac tumn 'a junc mach. Toto 'ixta', tztac' in tojn can 'a ticnec, xchi Samuel cha.

A Ch'an̈ B'ab'el Libro Samuel 8:3

Palta a eb' 'unnab'il cha, man̈oc sb'eyb'al smam eb' chi xyi'aj. 'Ix snib'j eb' tz'och ricoal, yuj cha sc'ultac chan eb' tumin, maysch'olnil tzyutj eb' sb'onyaj junc tas.

Ex 18:21

A jun tas 'oj a b'o ach tic, sic' 'elt jaywn̈oc eb' winc to 'ay xiwc'ojlal 'a Dios 'a scal eb' et israelal tic, eb' caw tojl snab'en, eb' man̈ comnoc tztecl tumn 'a eb' 'anma', tza'n 'och yopiso eb' yiln eb' 'anma tic. 'Ay eb' tza'ch yajlil 'a junc mil 'anma', 'ay pax eb' tza'ch yajlil 'a junc ciente, 'ay pax eb' 'a junc cincuenta, 'ay pax eb' cojn junc lajn̈wan̈ 'aj tza'ch yajlil,

Ex 23:3

Toxn̈ej to meb'a junc 'anma' wan sb'onyaj eb' yajal, man̈ eya'ch e b'a e colni.

Dt 16:18

Tzeya'ch eb' juez yet' eb' yajl 'a junjn chon̈b' 'oj yac' Jehová Dios 'a junjn 'in̈tal, sec a eb' tzb'onyaj eb' 'anma 'a stojlal.

A Ch'an̈ B'ab'el Libro Samuel 8:1

A yic x'och Samuel 'ichm 'anma'il, 'ix ya'n can 'och chawn̈ yunnal syajlilc eb' yit chon̈ab'.

Salmos 15:5

Eb' tzya' stumn majnil, palta matz c'an eb' yune stumn cha. Eb' matz ya'ch sb'a schan q'uen c'ultac tumn 'a junc mach yic tzyixtn junc may smul. A eb' tzb'eylb'an jun tzo'n̈ tic, caw may b'a'n̈ 'oj 'em eb'.

Pr 15:27

A mach til wal tas tznib'j 'ochi, caw tzjuw 'el yol yatut yu'uj; ax toto matz chaj q'uen c'ultac tumin, 'oj najtxb'oc sq'uinal.

Pr 18:5

Man̈ wach'oc toto a eb' 'ay smul, a eb' tz'ajx niwnc'ojlal yuj eb' juez, ax eb' may smul, matz chax 'ab'xc tas tzyal eb'.

Pr 31:5

axta laj x'aji, tz'at satc'ojlal ley eyu'uj. Toq'ue yuj cha, ax eyixtn eb' 'anma 'emmquilal yeq'ui.

Dt 27:25

Catb'tzaxc cab' eb' tzchan tumin, yic tzmiln junc 'anma may jac smul, xchi eb' levita. 'Ixta cab' tz'aji, 'oj xchic eb' chon̈ab'.

Ez 18:8

May 'aj tzyac' tumn majnil yic tzc'ann yune'; may mach tzyixtej, tojl tzyutj sb'on yaj eb' 'anma 'ay yowal.