Dt 16:13 - Chuj San Sebastian Bible

¹³ A yic tzlajw e poln chan̈ smasnil e trigo cha, yic tzlajw e pitz'n can 'el eyal uva, a pax ta tze na uque c'u q'uin̈ Chinama.

Chuj San Mateo Bible

¹³ Ayic toxo ix lajviec' jochoj trigo chi' jun yed' yic toxo ix lajvi e pitz'anel yal sat eyuva, tzeyac'anoch uque' c'ual q'uin̈ yic chinama.

Dt 16:13 Referans Kwoze

Ex 23:16

Tze nan pax sq'uin̈l yic tz'el-l sb'ab'l sat smasnil tas 'awb'il eyuj 'a jun ab'il cha. An̈jtona', tze nan pax sq'uin̈l yic tzlajw e moln chan̈ sat smasnil tas 'awb'il eyuj cha.

Jn 7:2

Wan sjapx stiempoal jun sq'uin̈ eb' israel tzcuch Q'uin̈ Chinama.

Esdras 3:4

An̈jtona', snan eb' jun q'uin̈ chinama yic scajnub' Dios 'icha yaj stz'ib'x cani. 'A junjn c'u tzyac' eb' xajmb'al to tz'a smasnil 'a 'icha stzolil, a tzyal wal jantc tzc'anx 'a junjn c'u.

2 Cr 8:13

sec wach' tz'ajx junjn macn̈ tas 'a yic sc'ul yajx xajmb'al cha, 'icha tzyal ley 'ix yalcn Moisés, tzyal 'el'chi, atn 'a sc'ul 'iljelal, 'a sc'ul yic tzpac' 'uj, yet' 'a 'oxe niwc q'uin̈ tznax 'a yol junjn ab'il, atn q'uin̈ yic tzwax 'ixm pan may yich, yet' q'uin̈ yic tzmolx sat 'awb'ente', yet' pax q'uin̈ Chinama.

Dt 31:10

'Ix yaln can jun ley tic 'ixtc 'a eb': A yic tz'acw junjn yuctquil ab'il, yic 'aych q'uin̈ chinama, ata tz'ajx niwnc'ojlal smasnil sb'oc eb' 'anma'.

Ex 34:22

Tze na pax jun q'uin̈ yic tzlajw uque seman yic snanb'il cot eyel 'a libre, yet' sq'uin̈l 'ixm trigo tzb'ab'l c'anb'i. Tze na junx q'uin̈ 'a yic tzlajw chan̈ 'ixm trigo chi 'a yic tzlajw ab'il.

Nm 15:20

'Icha tzeyutj eya'n 'ixm b'ab'l sat trigo tzte'x 'el cha, 'ixta pax tzeyutj 'ixm b'ab'l pan tze b'o yet' 'ixm harina, to tzeyac' ofrendail 'ayin.

Jeremías 40:10

An tic, 'oj in cancn 'a Mizpa tic, yic wach' an 'oj woch 'a sat eb' 'aj Babilonia eyu'uj, 'a yic 'oj jawc eb' 'a tic. Ax xo tic, 'ochn̈ec e molb'tzoc yal uva, sat masl 'awb'en, yet' aceite. 'Ixta 'oj eyaj e can cajn 'a jun tzo'n̈ chon̈b' tox xeyij cha, xchi Gedalías 'a eb'.