Dt 15:6 - Chuj San Sebastian Bible

⁶ 'Oj yac' Jehová syaxilal 'a eyib'an̈, 'icha wal yaj yaln cani. Til wal tas 'oj eyac' majnil 'a jun tzo'n̈ xo nacion̈, palta ax xo tic may tas 'oj e c'an e majnoc. Til wal jun tzo'n̈ nacion̈ 'aj 'oj eyac' yajlil, palta man̈oc eb' 'oj yac' yajlil 'a eyib'an̈.

Chuj San Mateo Bible

⁶ ol yac' svach'c'olal Jehová co Diosal d'a eyib'an̈, icha val ajnac yac'an sti', tzijtum tas ol yal eyac'an majanil d'a juntzan̈xo nación. Palta a ex tic, man̈oc exlaj ol e c'an tastac e majnej d'a eb'. Tzijtum juntzan̈ nación ol eyac' yajalil d'a yib'an̈, palta man̈oclaj eb' ol ac'an yajalil d'a eyib'an̈.

Dt 15:6 Referans Kwoze

Lc 6:35

Palta ax xo tic, chamc'ojlejc eb' 'ajc'ojl yajch 'ayex. Wach'n̈j cab' tzeyutj e b'a. A yic tzeya'n junc tas majnil, man̈ e na', toto 'oj e chaxi. Toto 'ixta tzeyutj e b'a, caw niwn spac 'oj e cha'. Ax scheclj 'eli, to yunnal ex xo Dios, atn jun yel xo niwn yel'chi. 'In tzch'ox swach'c'ojlal pax 'a eb' maysch'olnil.

Pr 22:7

A eb' rico, 'icha junc rey 'ixta yaj eb' 'a scal eb' meb'a', a eb' tz'a'n tumn majnil, yajl yaj eb' 'a scal eb' tz'och majan.

A Ch'an̈ B'ab'el Libro Yic Yab'ixal Eb' Rey 4:21

A Salomón yajl yaj 'a yib'n̈ smasnil jun tzo'n̈ chon̈b' cha, tzchaj cot 'a a Eufrates, masnto tzc'och 'a schon̈b' eb' filisteo, yet' 'a 'aj tzlajw c'och sti smacb'en yic Egipto. A smasnil jun tzo'n̈ eb' cha, 'ix ya'n̈j eb' stojlb'al 'a Salomón, 'ayn̈j 'och eb' 'a yaln̈ schecnb'il winac.

Salmos 37:21

A eb' maysch'olnil snab'en, a yic tz'och eb' majan, man̈xtzac yac' meltzjoc eb' smajn cha; ax eb' wach' snab'en, caw tz'o'ch sc'ojl eb' 'a junc mach, 'ela pax tzyutj sb'a eb'.

Esdras 4:20

A yic cha, 'ay eb' sreyl Jerusalén caw 'ay yip. A eb' tz'a'n ganar 'a yib'n̈ smasnil tas 'ay 'a sc'axpil 'ec' a Éufrates cha. Xya'n eb' yac' eb' 'anma chi stojlb'al, yet' q'uen tumn x'ajx yac' eb'.

Nehemías 9:27

Yuj wal cha, 'ix a'n 'och eb' 'a yol sc'ab' eb' 'ajc'ojol, atn eb' chi x'ixtn eb'. Palta a yic wan yab'n eb' syal yixtx cha, x'awj eb' 'ayach, sc'ann eb' a colwal. Ach xo pax tic, 'aych 'ec' 'a satcha'an̈, yuj a niwquil chamc'ojlal, xa chaj ab' tas xyal eb'; achxo 'ix 'ac' eb' winc xwul colnc 'el eb' 'a yol sc'ab' eb' 'ajc'ojol.

Salmos 112:5

A eb' 'anma wach' snab'en, yet' schamc'ojlal eb' tzya'n eb' junc tas majnil, ax smasnil tas tzb'o eb', wach'n̈j tz'aj 'el'chi.

Salmos 37:26

A eb' cha, smasnil tiempo tz'o'chn̈ej sc'ojl eb' 'a yit 'anma'il, tzyac' eb' majnil tas 'ay 'a 'a; ax yunnal eb', 'icha to yaxilal yaj eb' 'a scal eb' yit 'anma'il.

A Ch'an̈ B'ab'el Libro Yic Yab'ixal Eb' Rey 4:24

A Salomón yajl yaj 'a yib'n̈ lum lum 'a stojlal 'aj tz'ejm c'u 'a a Eufrates, tzchaj cot 'a Tifsa, masnto 'a Gaza; a yajl 'a yib'n̈ smasnil sreyl jun tzo'n̈ chon̈b' cha, caw wal 'ay junc'ojlal 'a scal yet' jun tzo'n̈ nacion̈ 'ay 'a stz'ey.

2 Cr 9:26

A rey Salomón cha, yajl yaj 'a yib'n̈ smasnil eb' rey, tzchajto cot 'a a Éufrates, masnto tzc'och 'a slum eb' filisteo, tzc'och to pax 'a smon̈jon Egipto.

Dt 28:44

A eb' cha, 'ay tas 'oj stac' ya'n eb' majnil; ax xo tic, toc 'ayt tas 'oj stac' eya'n majnil. A eb' chi 'oj can 'a b'ab'el, ax xo tic, slajb' xoj 'oj e cani.

Dt 15:5

toto wach' 'oj eyutc eyiclni, mto e b'eylb'an jun tzo'n̈ schecnb'il Jehová wan waln can 'ayx tic.

1 Cr 17:27

Ax ticnec, 'ix 'el 'a a c'ojl a'n a yaxilal 'a yib'n̈ eb' win̈til, sec wach' 'ayc'n̈ej eb' 'a ojltac. Ach tic Mamin Jehová 'oj ac' a yaxilal 'a eb', sec wach' 'oj scha eb' yaxilal 'a smasnil tiempo, xchi rey David.