Dt 15:3 - Chuj San Sebastian Bible

³ Ax 'a junc eb' chuc chon̈b'al, tztac' e c'ann meltzjoc tas majnab'il yu'uj, palta a pax junc quit chon̈b' 'ay smajn 'ayex, yowlal tzeyac' niwnc'ojlal yuj tas chab'il yuj 'ayx cha.

Chuj San Mateo Bible

³ A d'a junoc ch'oc chon̈ab'il syal e c'anb'anxi tas ix eyac' majanil chi'. Axo pax d'a junoc quetchon̈ab' jun, man̈xo e c'anb'ej.

Dt 15:3 Referans Kwoze

Dt 23:20

Palta 'a junc chuc chon̈b'al 'ayc' 'a e cal, tztac' e c'ann smajnub'l junc tas tzeyac' smajnoc. Ax pax 'a eb' quit chon̈b' cha, man̈ e c'an smajnub'al sec a Jehová qui Diosalec, 'oj yac' syaxilal 'a yib'n̈ smasnil tas 'oj e b'o 'a sat lum lum 'oj 'och eyico'oc cha.

Gl 6:10

A ticnec, ya' sb'a tztac' qui colwjec 'a eb' quit 'anma'il, yowlal wach' tzcutjec qui nab'en 'a eb'. Ax 'a eb' quit creyenteal, yel xo cab' wach' tzcutj qui nab'enec 'a eb'.

Jn 8:35

Q'uinloc 'ay junc mach 'aych ya'malc servil junc 'anma ticnec. A jun cha, may yaln yic yet' eb' yunnal jun 'anma chi 'a jun 'ejmn̈ej. Palta a junc caw yunnal junc 'anma cha, toxn to 'ay yaln yic yet' 'a jun 'ejmn̈ej.

Ex 22:25

Toto tzeyac' e tumn majnil 'a junc meb'a 'anma', mto 'a junc eyit chon̈b' 'ayc' eyet'oc, man̈ e c'an yune 'e tumn cha.

Dt 15:2

A jun niwnc'ojlal cha, 'ixtc 'oj eyutc 'ixtic: Smasnil eb' 'anma to 'ay junc tas tzmajnj 'ayex, yowlal tzeyac' niwnc'ojlal 'a eb' yuj tas majnab'il yuj cha. Man̈x e c'anb'c sb'oc junc quit chon̈ab', man̈x e c'an meltzjoc smajn cha, yujto a jun ab'il cha, 'ix yal Jehová to ata tzeyac' niwnc'ojlal smasnil b'oc 'a jun 'ejmn̈ej.

Dt 23:21

A yic tzeya'n e ti eya'n junc tas 'a Jehová Dios, matz 'ec' cab' tiempo eya'ni. Toto ma'ay 'oj sc'anb'c 'ayex, ax yoch jun chi e muloc.