Dt 15:13 - Chuj San Sebastian Bible

¹³ A yic tzeya'n paxoc, man̈ eyac' meltzjoc 'a 'ichn̈jta', 'ay cab' jac tas tzeyac' 'a 'a.

Chuj San Mateo Bible

¹³ Ayic tz'el d'a libre chi', max el-laj d'a ichn̈ej ta'.

Dt 15:13 Referans Kwoze

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

Jeremías 22:13

'Oltacch wali, yuj wal a maysch'olnilal, tza b'on chan̈ a despacho, yet' atut to niwc tz'ajb't 'a cha'an̈. Tzac' munljoc eb' 'anma', palta matz a toj sc'u eb'.

A Scarta San Pablo D'a Eb' Aj Colosas 4:1

Ax xo ex patron̈, tojl tzeyutj e nab'en 'a eb' e moso to man̈ yico'oc sb'a, wach'n̈j tzeyutj e b'a 'a eb'. Tze na coti, chajtlto 'ay pax jun mach 'a satcha'an̈, a tzex 'a'n mandar, atn Cajlilec.

Ex 3:21

An̈jtona', an 'oj wac' snab'enoc eb' 'aj Egipto cha, sec 'ay eyel'ch 'a sat eb', caw wal tzaljc'ojlal 'oj eyaj eyelta, may tas ma'oj eyic' ax eyelta.

Gn 31:42

Toc wal man̈toc 'aych sDiosal Abraham wet'oc, atn pax Dios 'aj tzleslwi in mam Isaac, wal yel, may jac tas 'ay 'a yol in c'ab' tzin meltzji. Palta a Dios x'iln in cusc'ojlal yet' tas x'aj yel'ch in munljel, yuj cha, ach stenn 'och wan 'a 'ac'wl q'uiq'ui, xchi Jacob cha.

Dt 15:12

Toto 'ay junc quit chon̈b'ec tzchon̈ch sb'a mosoal 'ayex, winac mto 'ix, cojn waque ab'il tzex yac' servil, ax 'a yucl ab'il, tzeya'n 'el 'a libre.

Dt 15:14

Tzeyac' jaywn̈oc scalnelu, niwn cab' strigo tzeyac'a, tzeya'n yal uva 'a 'a, tzyal 'el'chi to tze poj tas tzyac' Jehová 'ayx yet'oc.