Dt 15:11 - Chuj San Sebastian Bible

¹¹ A meb'a'il cha, may xon b'a'n̈ 'oj 'och wan 'a scal eb' 'anma 'a sat lum lum tic. Yuj cha, tzwaln can 'ayex, to wach' tzeyutj e nab'en 'a eb' quit chon̈b'ec tz'ab'n syal meb'a'il 'a yol e chon̈b' cha.

Chuj San Mateo Bible

¹¹ Ayn̈ej eb' meb'a' d'a e cal, yuj chi' a in sval d'ayex to elb'enocab' eyuuj d'a eb' quetchon̈ab' van yab'an syail meb'ail d'a yol e chon̈ab' chi'.

Dt 15:11 Referans Kwoze

Mr 14:7

A eb' meb'a xeyal cha, 'ayc'n̈ej eb' eyet'oc. A yic tze nib'j tzeyac' junc tas 'a eb', tztac' e colwjn̈ej 'a eb'. Palta an xo tic, man̈ in 'ayc 'ec'n̈ej eyet'oc.

Mt 26:11

A eb' meb'a xeyal cha, 'ayc'n̈ej eb' eyet'oc, palta an xo tic, man̈ in 'ayc 'ec'n̈ej eyet'oc.

Jn 12:8

A eb' meb'a' 'ayc'n̈ej eb' eyet'oc. An xo tic, man̈toc 'aynn̈ej 'ec' eyet'oc, xchi 'a winac.

Dt 15:8

Wach' cab' tzeyutj e nab'en 'a 'a, 'a'c junc tas smajnoc.

Pr 22:2

A eb' rico yet' eb' meb'a', lajnn̈ej yel'ch eb', a Jehová xb'on eb'.

Lc 12:33

Chon̈c can 'el jantcn̈ej tas 'ay 'ayex, ax stojl cha, tze siyj 'a eb' meb'a'. 'Ixta 'oj eyutc e b'on junc e mucuc may b'a'n̈ tz'ichmaxi. Ata 'oj molxoc jun 'icha e ricoal 'a satcha'an̈. A jun cha, may b'a'n̈ 'oj lajwoc. May junc 'elc'm tztac' sc'och yelc' ta'. An̈jtona', may pax no 'ij 'oj 'och 'a 'a.

A Tas Sc'ulejnac Eb' Schecab' Jesús Hechos 2:45

'Ay eb' xlaj schon̈l slu'um, yet' jantcn̈ej tastc 'ay 'a eb'. 'Ix laj spojnc 'ec' eb' stojl 'a scal, a tzyala, tastc 'ay tz'och yuj junjn eb'.

Mt 5:42

Tzann̈j mach tzc'ann smajnc junc tas 'ayex, matz tac' ton̈j tzex 'el ch'umn 'a 'a.

Dt 15:7

Toto 'ay junc quit chon̈b'ec to meb'a 'a junc chon̈b' 'aj tzyac' Jehová Dios eyico'oc, man̈ tuc tzeyutj e nab'en 'a 'a, palta yowlal tzex colwj 'a junc quit chon̈b' to meb'a cha.

Pr 31:20

Caw wal 'ela 'a eb' meb'a', yet' 'a eb' 'ay tas sc'a'l tz'och yu'uj.

Ez 18:7

May mach tzcomn 'ixtej, a mach 'ay sb'oc 'a 'a, tzyac' meltzjoc tas 'aycn yuj sb'oc cha. May 'aj tz'och 'elc'al; a eb' tz'och swejel tzyac' tas tzc'ux eb', tzpichn eb' 'anma may spichul.

Ex 23:11

Palta ax 'a yucl ab'il, man̈x eyawc lu'um, 'a'c 'iljoc lu'um. A smasnil tas tzq'uib' 'a sat lu'um, yic eb' meb'a tz'aji, eb' 'ayc' 'a yol e chon̈ab'. A pax jun tzo'n̈ chi 'oj sc'ux no calte'al noc'. 'Ixta pax tzeyutj te uva yet' te olivo.

Pr 19:17

A mach 'ela 'a eb' meb'a', 'icha to a 'a Jehová wan ya'n junc chi majnil, ax Jehová, a 'oj 'a'noc spac jun swach' nab'enal cha.