Dt 15:10 - Chuj San Sebastian Bible

¹⁰ Yowlal tzex colwj 'a junc meb'a', man̈ teb'iloc tzeyac' tas tznib'ej. Toto 'ixta tzeyutej, ax Jehová qui Diosalec, 'oj yac' yaxilal 'a yib'n̈ smasnil tas tze b'o'o.

Chuj San Mateo Bible

¹⁰ Mocab' chucoc tzeyab'i tzex colvaj d'a eb', b'ecanocab' yel eyuuj, yujto a yuj tas vach' tze c'ulej chi', ol yac' svach'c'olal Jehová co Diosal d'a eyib'an̈ ayic ol b'eyn̈ejb'at tiempo.

Dt 15:10 Referans Kwoze

Pr 22:9

A mach 'ela 'a yit 'anma'il, 'oj scha wach'il, yujto tzpojc' tas tzc'ux 'a scal eb' meb'a'.

A Ch'an̈ Carta D'a Eb' Hebreo 13:16

Man̈ ca'c satc qui c'ojl qui b'on jun tzo'n̈ wach'il, tzon̈ colwjec pax 'a eb' quit 'anma'il. Yujto a jun tzo'n̈ tic, qui xajmb'al yaj 'a sat Dios, caw tzalj yet'oc.

Is 58:10

Toto tzeya'ch e b'a eya'n tas tzc'ux eb' 'ay swejel, tzeya'n tas 'ay tz'och yuj eb' tzcus yuj meb'a'il. Toto 'ixta', 'oj checljoc chan̈ e wach'l 'a scal 'anma', 'icha tzyac' sacq'uinl 'a scal q'uic'q'uinal, caw tzsacb' chan̈ yu'uj, 'icha pax yilx 'a yic chimc'ual.

Dt 14:29

Sec a yic 'oj c'och eb' levita 'ayex, eb' may xon slum 'oj scha eyet'oc, mto eb' chuc chon̈b'al cajn 'a e cal, mto eb' meb'a 'unn chamnc smam, yet' eb' 'ix 'ix chamnc yichmil, atn jun tzo'n̈ e diesmo chi 'oj sc'ux eb', sec b'ut'n sc'ojl eb' eyet'oc. 'Ixta 'oj yutc Jehová qui Diosalec ya'n yaxilal 'a eyib'n̈ yet' tas tze b'o cha, xchi Moisés.

Dt 24:19

A yic tzex polw trigo, yic tze si'n syam sb'a 'ixim, toto tzcan jun yuchc 'ixm 'a scal yoc eyu'uj, man̈ ex meltzjoc 'a e patc e sayx 'ixim. Can cab' 'ixim, sec a eb' chuc chon̈b'al 'ayc' 'a e cal, mto eb' meb'a 'unn chamnc smam, mto eb' 'ix 'ix chamnc yichmil, a eb' 'oj 'ec' si'nc 'ixim, sec 'oj yac' Jehová qui Diosalec syaxil 'a yib'n̈ smasnil tas tze b'o'o.

Is 32:8

Ax pax eb' 'ela ya'n junc tas, a yela'il eb' chi nan yu'uj, yuj yela'il eb' cha, ax yi'n eb' yip.

A Tas Sc'ulejnac Eb' Schecab' Jesús Hechos 20:35

Smasnil tiempo xin ch'ox 'ayex, chajtlto yowlal 'ixta tzcutjec qui b'on qui munljel, sec tztac' tzon̈ colwjec 'a eb' 'ay tas 'ay tz'och yu'uj. Yowlal tzqui nac cot spaxti Cajlil Jesús, yic yaln can 'ixtic: A eb' 'ela', yel xo wal wach' yic eb' 'a yib'n̈ eb' tzchan siylab', xchi. 'Ixta yutjnac yaln can Cajlil, xchi Pablo 'a eb' anciano cha.

Dt 15:4

Sec may eb' 'anma meb'a 'oj 'aj 'a e cal, ax Jehová qui Diosalec, 'oj yac' syaxil 'a eyib'n̈ 'a sat lum lum 'oj yac' eyico'oc cha,

A Sb'ab'el Carta San Pedro 4:11

Toto 'ayn̈ec tztac' caln 'eli, a cab' spaxti Dios tzcalc 'eli. Toto 'ayn̈ec pax tzon̈ 'a'w servil, caw yelc'ojlal tzon̈ munljec, yujto a Dios tz'a'n quip. Wach' tzcutjec qui b'on smasnil tas, sec 'oj alxoc wach' paxti 'a Dios yuj Jesucristo. Alx cab'i' to caw niwn yel'chi, niwn spoder 'a smasnil tiempo. 'Ixta cab' tz'aji.

Ro 12:8

A mach tztac' ya'n snab'enoc eb', yowlal caw tzmunlj 'a yopiso cha. A mach tztac' scolwj 'a eb' meb'a', yelc'ojlal cab' tzcolwj 'a eb'. A mach 'ay yopiso ya'n cuenta eb' yit creyenteal, caw tzyac' 'ip ya'n cuenta eb'. An̈jtona', a mach tz'o'ch sc'ojl 'a eb' 'aych 'a syailal, yowlal tzcolwj 'a eb' 'a tzaljc'ojlal.

Mt 25:40

'Ixta to b'i'an, ax waln 'ixtc 'a eb': Wal yel tzwal 'ayex, yic e b'on jun tzo'n̈ tic 'a eb' wico', wach'xam 'a eb' may yel'chi, tzyal 'el'chi, a 'ayn e b'ojnac jun tzo'n̈ cha, 'oj in chic 'a eb'.

Dt 14:19

Smasnil no cotc noc' 'ay sc'axl secsni sb'ey 'icha no turin, man̈ wach'c e no'. Matz tac' schix e no'.

Dt 23:20

Palta 'a junc chuc chon̈b'al 'ayc' 'a e cal, tztac' e c'ann smajnub'l junc tas tzeyac' smajnoc. Ax pax 'a eb' quit chon̈b' cha, man̈ e c'an smajnub'al sec a Jehová qui Diosalec, 'oj yac' syaxilal 'a yib'n̈ smasnil tas 'oj e b'o 'a sat lum lum 'oj 'och eyico'oc cha.

Dt 28:8

A Jehová 'oj ya' cot syaxilal 'a yib'n̈ e c'un̈a yet' 'a yib'n̈ smasnil tas tze b'o'o. 'Ixta wal 'oj yutc ya'n e tzaljc'ojlal 'a sat lum lum 'oj yac' 'ayx cha.

Ec 11:1

A ticnec 'ela cab' tzcutjec qui b'a, ax yic jaye c'u ax qui chanec pax spac.

Dt 15:18

Man̈ tuc cab' tzeyab'i, yic tzeya'n 'el eb' e moso 'a libre, eb' man̈ yico'oc sb'a, yujto waque ab'il pax tzex yac' servil eb', ax stojl eb', cojn spacl 'aj tzq'ue'ch 'icha tzeyutj e tojn junc e majn tz'acn tzyij stojl 'a junjn c'u. Toto 'ixta', 'oj yac' Jehová Dios syaxilal 'a yib'n̈ smasnil tas tze b'o'o.