Dt 14:26 - Chuj San Sebastian Bible

²⁶ Ax yet' q'uen tumn chi tztac' e mann tas tze nib'j ta'; no wacax, calnelu, yal uva mto junc xo tas tz'u'x to jawnc xo sti'. Tzlajw cha, toto 'ay tas tze nib'j e c'ux ta', tztac' e c'uxn 'a yojltac Jehová qui Diosalec, tze nan sq'uin̈l yet' eb' eyunnal.

Chuj San Mateo Bible

²⁶ Axo yed' stojol chi' syal e manan tas syal e c'ool: Noc' vacax, noc' calnel, vino, ma tas tz'uc'ji to pajxo, ma juntzan̈xo tas tze nib'ej, tzex va d'a tzalajc'olal yed' eyal eyuninal d'a yichan̈ Jehová.

Dt 14:26 Referans Kwoze

Mt 21:12

Xlajw cha, x'och Jesús 'a yol yamq'uil yatut Dios, 'ix spechn 'elt smasnil eb' tzchon̈wji, yet' eb' tzmanwj ta'. 'Ix sma'n telwc jun tzo'n̈ smexa eb' jelm tumin, yet' xila eb' chon̈m parama.

Ec 9:7

Ex wit 'anma'il, ca'c tzaljoc qui c'ojl qui wa'i, tzcu'nec tas tzcuq'uej, yujto a jun tic caw wach' 'a sat Dios.

Salmos 106:14

A 'a lum cusltac lu'um, ata 'ix ach yac' prowal eb', 'ix sc'an eb' tas tznib'j sc'ux 'ayach.

Dt 26:11

Tzlajw cha, tze nan junc q'uin̈ yet' eb' eyunnal, yuj smasnil tas tzyac' Jehová qui Diosalec 'ayex. Tzeyawtn cot eb' yin̈tl Leví eyet' 'a jun e tzaljc'ojlal cha, yet' pax eb' chuc chon̈b'al 'ayc' 'a e cal.

Dt 12:7

Ata 'oj e mol c'uxc jun tzo'n̈ chi yet' eb' eyunnal 'a yojltac Jehová qui Diosalec, ata tzeyac' tzaljoc e c'ojl e c'uxn tas tzeyij 'a e munljel, yujto a Jehová tz'a'n 'ayex.

1 Co 10:6

A jun tzo'n̈ tas jawnc 'a yib'n̈ eb' cha, ch'oxnb'il yaj 'ayn̈ec, sec matz qui nib'jec 'och jun tzo'n̈ maysch'olnil, 'icha yutjnac sb'a eb' cha.

Mr 11:15

Xlajw cha, xjapx eb' 'a Jerusalén. 'Ix 'ochx Jesús 'a yamq'uil yatut Dios, 'ix syamn 'och spechn 'elt eb' tzchon̈wji, yet' eb' tzmanwj ta'. 'Ix sma'n telwc jun tzo'n̈ smexa eb' jelm tumin yet' xila eb' chon̈m parama.

Esdras 7:22

Tztac' eya'n junc 75 quintal q'uen plata 'a 'a, 'oxe ciente quintal trigo, nan̈lswacl ciente galón yal uva, nan̈l ciente galón aceite yet' smasnil 'atz'm tzc'ana.

Dt 12:15

Palta a yic tze nib'j e chi no chib'ej, tztac' e miln no noc' cha, sec 'ay chib'j tze chi 'aj 'ayx 'ec' cha, a tzyal tas no'l 'ay 'a yol e c'ab' yuj Jehová. Toxn̈ej to wach' eyaj 'icha yaln ley mto ma'ay, tztac' e chin no e masnil, tze chi no 'icha tz'aj schix no c'ultquilchej.

Dt 12:12

Tzlajw cha, tze nan sq'uin̈l jun tzo'n̈ chi 'a yojltac Jehová qui Diosalec, yet' eb' eyunnal, eb' eyisil, ewin e checab', eb' 'ix e checab', yet' pax eb' levita cajn 'a e cal, yujto a eb' levita cha, may smacl lum eb' 'oj scha eyet' 'a lum lum cha.

Dt 12:18

Tzeyij 'at jun tzo'n̈ chi 'a jun lugar 'oj si'l Jehová yico'oc, ax 'a yojltac, ata tze mol c'uxj jun tzo'n̈ chi yet' eb' eyunnal, eb' eyisil, ewin e checab', eb' 'ix eya'mal servil, yet' eb' levita cajn 'a e cal. Ata 'oj eyac' tzaljoc e c'ojl 'a yojltac Jehová qui Diosalec yuj tas tzeyij 'a e munljel cha.

Dt 14:25

Tztac' e chon̈n 'el e diesmo cha, ax cab' stojl chi tz'at eyac' 'a jun lugar 'oj si'l Jehová yico'oc cha.