Dt 13:11 - Chuj San Sebastian Bible

¹¹ 'Ixta wal 'oj yutc eb' quit chon̈b' tic yojcan 'el jun cha, ax xiw eb' sb'on jun tzo'n̈ tic, sec man̈ comnoc tzya'ch eb' smul 'icha jun cha.

Dt 13:11 Referans Kwoze

Dt 19:20

Ax yic 'oj yab'nc eb' 'anma jun cha, 'oj xiw chan̈ eb', man̈x 'oj scomn b'oc eb' jun maysch'olnil cha.

Dt 17:13

A yic 'oj yab'nc eb' 'anma yab'xil jun cha, 'oj xiw eb' sb'onyaj junc tas 'a mun yico'.

1 Ti 5:20

Toto 'ay mach matz yactj can sb'on maysch'olnil, caw tza tench wan eb' 'a sat eb' creyente smasnil, sec 'oj xiw eb' smasnil yoch smul 'a Dios.

Pr 21:11

Toto tz'ajx 'och syailal mach tzyij chan̈ sb'a, a junc mant 'a snab'en, tznachj 'el yu'uj. A pax mach jeln xon snab'en, cojn ton̈j tzalx yab'i', tzyojcan 'el muc'uc.

Pr 19:25

A yic tz'ajx 'och yailal 'a yib'n̈ junc tzyij chan̈ sb'a, a mach mant 'a snab'en, 'oj jawc can snab'en yuj jun cha; ax junc 'ay snab'en, a yic tz'ajx cuenta, tznachj 'el can yu'uj.

Dt 13:12

Toto tz'ab'x speclal to 'ay tas tzpitzw chan̈ 'a scal jun chon̈b' chi tzyac' Jehová qui Diosalec e caj cha,

Dt 21:21

Ax smasnil eb' winc 'a jun chon̈b' cha, tzjul cham eb' jun 'anma chi yet' q'uen q'ue'en. 'Ixta 'oj eyutc e satn 'el jun maysch'olnil chi 'ayc' 'a yol e chon̈ab'. A yic 'oj yab'nc eb' 'anma jun 'ab'x cha, 'oj xiw chan̈ eb'.

Ex 13:3

'Ix yaln Moisés 'a smasnil eb' yit chon̈b' chi 'ixtic: Yowlal 'oj qui nac cot jun q'uin̈ tic 'a junjn ab'il yujto on̈ yijec 'elt Jehová yet' spoder 'a Egipto, 'a 'ajtil on̈ 'e'c mosoal. Yuj cha, ma'oj qui wac 'ixm pan 'ay yich.

Lv 20:2

Al jun tzo'n̈ checnb'il tic yab' eb' et israelal to an tzwal 'ixtic: Tzann̈j ex ax tic, mto chuc chon̈b'al cajn 'ec' 'a e cal, toto tzyac' junc yunnal xajmb'al-l 'a jun comn dios tzcuch Moloc, yowlal tzcham jun 'anma cha. A eb' chon̈ab', a eb' tzjuln cham yet' q'uen q'ue'en.

Nm 25:4

'Ix yaln Jehová 'a Moisés 'ixtic: —Yamb'tzej smasnil eb' yichm wincal chon̈b' Israel tic, 'a in sat yet' wal 'a sat eb' 'anma tic, tza t'un̈n q'ue eb' x'och smul tic, xchi Jehová.

Josué 7:25

'Ix yaln Josué 'a 'ixtic: —¿Tas wal yuj 'ix 'ej cot jun cusc'ojlal tic 'a quib'n̈ec?. Ax ticnec, a cab' Jehová tza'n cot yailal 'a eb'an̈, xchi. Xlajw yaln jun tzo'n̈ paxti tic, ax smasnil eb' 'anma cha, 'ix syamn 'och eb' sjul q'uenan win Acán yet' eb' yunnal. Xlajw scham eb', 'ix 'ajx tz'a eb' yet' smasnil tas 'ay 'a 'a.