Dt 12:3 - Chuj San Sebastian Bible

³ Ma'c poj yet'l xajmb'al eb', tze juln poj q'uen q'uen 'aj tzlaj yal sb'a eb', tze n̈usntz'a te te tzb'o eb' sdiosalc cha. Tze satl smasnil, sec man̈x 'a 'aj 'oj b'inaxc eb' 'a jun tzo'n̈ lugar cha.

Chuj San Mateo Bible

³ Tze mac'poj juntzan̈ yaltar eb', q'uen q'ueen yed' te te' b'ob'il sdiosaloc eb' scuchan Asera, aton b'aj syaq'uem sb'a eb'. Tze n̈usantz'aoc, tze mac'anpoj sdiosal eb' chi', yic vach' man̈xa b'aq'uin̈ snachajcot d'a juntzan̈ lugar chi'.

Dt 12:3 Referans Kwoze

Jueces 2:2

toto may b'a'n̈ tze b'o junc e trato yet' eb' 'anma cajn 'a jun lum tic. A eyico', to tze satl jun tzo'n̈ yet'l xajmb'al eb', xin chi 'a eb'. Palta ax tic, ma'ix eyiclj tas xwala. ¿Tas yuj tennmtac xe yutj e b'a?

Nm 33:52

tze pechl smasnil eb' 'anma cajn 'a jun tzo'n̈ nacion̈ cha. Tze ma'n can poj smasnil yechl 'aj tzyal sb'a eb', atn eb' q'uen q'uen b'ob'il yuj eb', q'uen josb'il, yet' smasnil jun tzo'n̈ smacsej eb' 'ay 'a jolmctac witz, c'uxn tzema'cn juwoc.

Zacarías 13:2

An Jehová in, an tzwala, to a 'a smasnil yol smacb'en jun nacion̈ tic, c'uxn 'oj wac' lajwc smasnil jun tzo'n̈ yechl tzalx 'och diosal, sec wach' man̈x 'oj naxc cot sb'i eb'. Ax wi'n pax 'el smasnil eb' tzcob' yalch sb'a in checb'oc, yet' smasnil eb' 'aych snab'en 'a ewin demonio.

Salmos 16:4

'Oj niwtjoc syailal eb' tz'a'n servil junc xo comn dios. Ma'oj wa'ch in b'a wa'n schic'l no xajmb'al yet' eb'. May xon b'a'n̈ 'oj in b'inoc sb'i sdiosal eb' cha.

Dt 7:5

Palta a tas 'oj e b'o', to 'oj e satl smasnil 'aj tzyal sb'a eb' 'anma cha, tze ma'cn poj q'uen q'ue'en, yet' te te 'aj tzlaj yac' 'ejm sb'a eb', tzlaj e n̈usnoc can tz'a sdiosal eb' cha.

Ex 23:13

Yicljec smasnil tas 'ix wal 'ayx tic. Man̈ eyal e b'a 'a jun tzo'n̈ tzalx 'och diosal, man̈ e b'inoc sb'i eb'.

Apoc 13:1

Ax xwilni, xq'uet jun noc' sb'i 'a yojl a mar. Uque sjolom, lajn̈e sch'a'ac. Ax a junjn sch'ac cha, 'ay q'ue scorona. Ax 'a junjn sjolm cha, ata tz'ib'b'il 'och jun sb'i. Caw maysch'olnil jun sb'i chi 'a sat Dios.

Miqueas 5:14

'Oj in to' chan̈ smasnil te niwc te 'aj tzeyac' 'emmquilal, ax in satn 'el jun tzo'n̈ lugar 'aj tzeyac' e xajmb'al 'a jun tzo'n̈ comn dios cha.

Os 2:17

Jun 'ejmn̈ej 'oj wi'cn 'el 'a sti sb'inan sb'i eb' Baal cha, man̈x 'a 'oxlajn̈b'a'n̈ 'oj sb'inoc coti.

Jeremías 17:2

'Intax a eb' eyunnal ax tic, tzna cot eb' jun tzo'n̈ yet'l xajmb'al, yet' jun tzo'n̈ te sch'oxnb'il comn dios, junn̈j yaj yet' te te caw pim xi'il, jun tzo'n̈ 'ay 'a lum tzalctac caw chan̈ yaj cha'an̈,

2 Cr 34:3

A 'a yic swajxquil ab'il yoch reyal, yic quelm 'unn wali, 'ix schan 'el yich yaln sb'a 'a sDiosal David, atn smam yicham. Ax 'a slajchwil ab'il yoch reyal, syamn 'och satn 'el jun tzo'n̈ tas man̈ wach'c 'a Judá yet' 'a yol chon̈b' Jerusalén. 'Ix ya'n satxoc 'el jun tzo'n̈ macsej 'a jolmctac witz, jun tzo'n̈ sch'oxnb'il comn dios tzcuch Aserá, jun tzo'n̈ yechl to tzeyb'il b'o'oc, yet' pax jun tzo'n̈ yechl to tenb'il b'o'oc.

2 Cr 31:1

A yic tox 'ix lajw jun q'uin̈ cha, smasnil eb' israel yamn yaj ta', 'ix 'at eb' 'a smasnil chon̈b' 'a yol yic Judá, 'ix sma'n poj eb' jun tzo'n̈ q'uen 'aj tzyal sb'a eb' 'anma', yet' jun tzo'n̈ sch'oxnb'il comn dios Aserá. 'Ix sma'n juwc eb' jun tzo'n̈ macsej 'a jolmctac witz, yet' jun tzo'n̈ yet'l xajmb'al 'ay 'a smasnil yol yic Judá, 'a yol yic Benjamín, 'a yol yic Efraín yet' pax 'a yol yic Manasés, masnto xlajw smasnil. Xlajw cha, 'ix paxx smasnil eb' israel 'a schon̈ab', junjn eb' 'ix 'at 'a slu'um.

2 Cr 19:3

Palta b'i'an, 'ayt wal jun tzo'n̈ xo tas wach' to yoch a wach'loc, yujto 'ix ej 'el jun tzo'n̈ sch'oxnb'il comn dios Aserá 'a yol a nacion̈ tic, 'ix a'ch wal 'a a c'ojl a'n servil Dios, xchi Jehú 'a 'a.

A Ch'an̈ Schab'il Libro Yic Yab'ixal Eb' Rey 23:14

An̈jtona', 'ix ya'n win ma'xoc poj jun tzo'n̈ q'uen q'uen to niwn yel'chi, yet' jun sch'oxnb'il Asera cha. Xlajw cha, 'ix ya'n win julxoc can 'at sb'acl eb' chamnc 'anma 'a 'aj 'ayc' eb' cha.

A Ch'an̈ Schab'il Libro Yic Yab'ixal Eb' Rey 18:4

Atn tic 'ix sb'o'o: 'Ix yij 'el smasnil jun tzo'n̈ macsej 'ay 'a jolmctac witz, choc' 'ix yutj sma'n poj jun tzo'n̈ q'uen q'uen to niwn yel'ch yuj eb' 'anma', stzu'n 'at jun sch'oxnb'il comn dios tzcuch Asera. 'Ix sma'n pax poj jun yechl chan to nab'a bronce b'ob'il yuj Moisés, atn 'a jun chi 'aj 'ix yac' eb' israel tz'a incienso, Nehustán xyac' sb'ioc.

A Ch'an̈ B'ab'el Libro Yic Yab'ixal Eb' Rey 15:13

'Ay jun yechl Asera 'ac'b'il b'o yuj 'ix Maaca, atn 'ix snunchichm winac. Yuj jun cha, 'ix yi'n 'el win sb'inab'ilal snunchichm cha. 'Ix sma'n poj win Asa chi jun yechl cha, axta 'ix 'at sn̈us tz'a win 'a sti a niwn a Cedrón.

2 Cr 14:3

Yujto 'ix yij 'el jun tzo'n̈ yet'l xajmb'al yic jun tzo'n̈ comn dios 'a yopiso, yet' smacsej eb' 'anma 'a jolmctac witz; sma'n poj jun tzo'n̈ q'uen q'uen niwn yel'chi, sma'cn poj pax jun tzo'n̈ sch'oxnb'il comn dios Aserá.

Ex 23:24

Man̈ e b'eylb'oc sb'eyb'al jun tzo'n̈ 'anma cha, man̈ ex 'em cumn 'a yojltac sdiosal eb'; man̈ eyal e b'a 'a 'a. A jun tas tze b'o'o, to tze mac' poj smasnil sdiosal eb' cha, yet' q'uen q'uen 'aj tzleslwi eb'.

Ex 34:13

A jun tze b'o'o, to 'oj e ma'cn poj yet'l xajmb'al eb', yet' jun tzo'n̈ q'uen 'aj tzlaj leslwi eb', yet' pax jun te sch'oxnb'il comn dios tzcuch Asherá.

Dt 7:25

A sdiosal eb' 'anma cha, c'uxn tze n̈ustz'a'oc, palta man̈ eyi'cn q'uen oro yet' q'uen plata 'aych 'a 'a. Man̈ e nib'c' 'ochi. To ma'ay, a jun chi 'oj 'och e mulc 'a Jehová, ax e juw 'el yu'uj.

Dt 12:4

Man̈ 'ichaoc tzyutj sb'a eb' cha, man̈ 'ixta'oc tzeyutj e b'a, yic tzeyaln e b'a 'a Jehová qui Diosalec.

A Ch'an̈ B'ab'el Libro Yic Yab'ixal Eb' Rey 14:15

'Oj stzicb'tan̈c Jehová chon̈b Israel tic 'icha tz'aj stzicb'tan̈x eb' te 'aj yuj a a'. 'Oj quijxec 'el an̈ israel on̈c tic 'a sat lum lum caw wach' 'ix 'ajx 'a eb' qui mam quichmec. 'Oj quijxec 'at 'a sc'axpil 'at a Eufrates, yujto 'ix qui b'oc jun sch'oxnb'il jun comn dios tzcuch Asera. Caw 'ix qui tzuntzjec cot yowl sc'ojl Jehová 'a quib'n̈ec.

A Ch'an̈ Schab'il Libro Yic Yab'ixal Eb' Rey 11:18

Xlajw cha, 'ix 'och eb' 'a yol yatutal Baal, sma'n 'ejm lan̈chjoc eb'. An̈jtona', caw choc' 'ix yutj eb' sma'n poj jun tzo'n̈ yet'l xajmb'al yet' jun tzo'n̈ yechel. Ax Matán ya'mal 'och sti eb' 'anma yaj 'a Baal, ata smil cham eb' 'a yojltac jun tzo'n̈ yet'l xajmb'al cha. 'Ix ya'n 'och win Joiada stan̈mal yatut Jehová,

Is 27:9

Palta 'ixtc wal 'oj yutc Dios yi'n 'el smul eb' yin̈tl Jacob. Choc' 'oj yutc can eb' jun tzo'n̈ yet'l sdiosal eb', 'icha cab' tz'aj yulb'x 'ejm q'uen tan̈ 'a yic tzpolxi; 'ixta cab' tzyutj can eb'. Man̈x 'a junc te te sch'oxnb'il comn dios Asera tzcani, man̈xtzac yactj can pax eb' jun tzo'n̈ yet'l xajmb'al 'aj tz'a incienso yuj yijx chan̈ scomn diosal.

2 Cr 14:2

A tas sb'o Asa cha, caw wach', caw tojl 'a sat Jehová sDiosal.