Dt 11:22 - Chuj San Sebastian Bible

²² Toto 'oj eyiclc smasnil jun tzo'n̈ checnb'il tzwa'cn e cuy tic, 'oj e b'eylb'oc, ax e chamc'ojlan Jehová qui Diosalec, 'oj e cha eyab' smasnil tas 'oj yal 'ayex,

Chuj San Mateo Bible

²² Tato tze c'anab'ajej masanil juntzan̈ checnab'il svalcanel tic d'ayex, tze xajananpax Jehová co Diosal, tze c'ulan masanil tas syala',

Dt 11:22 Referans Kwoze

Dt 11:13

Toto 'oj eyiclc smasnil jun tzo'n̈ checnb'il wan waln can 'ayx 'a jun c'u tic, tze chamc'ojlan Jehová qui Diosalec 'a smasnil e c'ojol, yet' smasnil e nab'en tzeya'n servil,

Dt 6:17

Yicljec smasnil schecnb'il, smasnil sley yet' scuynb'il xyac' 'ayn̈ec.

Dt 10:20

'Ay cab' yel'ch Jehová 'a qui sat, cojn ton 'aj smoj caln qui b'a. Yiclum tzcutjec qui b'a 'a 'a. A yic 'ay junc tas 'aj tzcac' qui ti', cojn 'a sb'i Jehová tzcala'.

2 Ti 4:8

Al ticnec, 'ay jun spac wic molb'il xo, yujto tojl tzwutj in b'eyb'al. A Cajlil, caw tojl snab'en, a 'oj b'eyc'ojlanc smasnil 'anma'. A 'a yic jun c'u cha, 'oj in cha spac wic 'a 'a. Man̈ cojnoc in 'oj in cha spac wico'. Jantcn̈ej eb' caw tznib'j jawc Cajlil 'a scha'ejmal, 'oj scha eb' yic jun xo.

A Tas Sc'ulejnac Eb' Schecab' Jesús Hechos 11:23

Ax yic xc'och Bernabé, 'ix yilni, to til wal swach'c'ojlal Dios 'ix ch'ox 'a eb'. Yuj cha, caw 'ix tzalj yuj eb', 'ix ya'n snab'enoc eb' smasnil. 'Ix yaln 'a eb' chajtlto caw te'n tzyutj sb'a eb', caw tzya'ch eb' snab'en 'a Cajlilec 'a smasnil tiempo.

Mt 22:37

Yuj cha, xyaln Jesús 'ixtc 'a winac: —Chamc'ojlejc Cajlil qui Diosalec yet' smasnil e c'ojol, yet' smasnil e pixan yet' pax smasnil e nab'en.

Dt 30:20

Chamc'ojlejc Jehová qui Diosalec, yiclumn̈ej tzeyutj e b'a 'a 'a, tzex 'och tza'n yu'uj. Toto 'ixta', yujn̈ej Jehová 'oj e cha e q'uinal, najtl 'oj eyec' cajn 'a sat lum lum 'ix yac' Jehová sti ya'n 'a eb' qui mam quichmec, atn Abraham, Isaac yet' Jacob, xchi Moisés.

Gn 2:24

Yuj cha, a eb' winac, yowlal tzyactj can eb' smam snun, sec junxn̈ej tz'ajcn eb' yet' yistzil, 'icha wal to junxn̈ej niwnal tz'ajcn eb' schawn̈il.

Dt 11:1

Xyaln pax Moisés 'ixtic: Chamc'ojlejec Jehová qui Diosalec, yicljec smasnil tas tzyac' qui b'o'ec, atn sley, scuynb'il yet' schecnb'il 'a smasnil tiempo.

Salmos 119:31

Mamin Jehová, 'ix wa'ch in nab'en 'a jun tzo'n̈ a checnb'il tic; man̈ a chach q'uixwc'ojlal 'ayin.

Dt 19:9

toto 'ixta', 'oj e si'cn 'el pax 'oxe'ocx chon̈ab', yic tz'och stz'acb'oc eb' 'oxe cha, sec ata tz'at scol sb'a eb' 'anma'. ('Oj 'el'choc jun tzo'n̈ tic, toto 'oj e b'eylb'oc jun tzo'n̈ checnb'il tzwalcn 'ayx tic; yujto caw tze chamc'ojlej Jehová qui Diosalec. Yuj cha, 'ochn̈ec tz'a'n yu'uj.)