Dt 11:2 - Chuj San Sebastian Bible

² A ticnec, xcojquejec 'eli tas 'ix sb'o Jehová cujec, yujto man̈oc yet' eb' cunnalec paxtinnac, palta an̈ec wal xquila, xquilc wal sniwquil poder Jehová Dios.

Chuj San Mateo Bible

² Sco naec ticnaic tas ix yutej Jehová on̈ scachani. A on̈ tic ix quila', man̈oc eb' cuninal ix ilan tas ix sc'ulej Jehová chi'. A on̈ val tic ix quila' jantac snivanil yelc'ochi yed' spoder yed' tas satub'tac ix sc'ulej.

Dt 11:2 Referans Kwoze

A Tas Sc'ulejnac Eb' Schecab' Jesús Hechos 26:22

Palta a Dios colwjnac 'ayin. Yuj cha, caw te'n wutjnac in b'a. An̈jtona pax ticnec, te'nn̈ej tzwutj in b'a waln 'el spaxti Dios 'a smasnil 'anma'. Tzwaln̈j 'a eb' niwn yel'chi. Tzwaln̈j pax 'a eb' may yel'chi. A eb' schecb' Dios pecti', yet' Moisés, 'aycto, stz'ib'n can eb' tastc tzjawi. An̈j tz'ec' wal-li.

Pr 22:19

A ticnec, tzwa'cn eyojcoc 'eli, sec tzeya'ch e c'ojl 'a Jehová.

Dt 29:10

A ticnec yamn cajc qui masnil 'a yojltac Jehová qui Diosalec: Ex yajl eyaj 'a junjn 'in̈tal, ex 'ichmtac winac, ex 'ay eyopiso, smasnil ex winac,

Dt 9:26

'Ix waln 'a 'ixtic: Mamin Jehová, man̈ a satl jun a chon̈b' tic, yujto ach xa col 'elt yet' a jelnal, yet' a poder xe'n 'elt 'a Egipto yic tz'och eco'oc.

Dt 8:19

Palta toto tzeyac' sat e c'ojl 'a Jehová qui Diosalec, tzex 'och tza'n yuj jun tzo'n̈ tzalx 'och diosal, tzeya'n 'e'jm e b'a 'a 'a, toto 'ixta 'oj eyutc e b'a, 'a jun rato tic tzwaln cani, to 'oj ex satl Jehová e masnil.

Dt 7:19

Nac cot jun tzo'n̈ yailal 'e'nc 'a yib'n̈ eb' 'aj Egipto cha. Xeyiln pax jun tzo'n̈ milagro caw satjub'tac yilxi, yet' wal spoder Jehová on̈ yi'nec 'elt 'a jun lugar cha. 'Icha wal yutjnac Jehová eb' 'aj Egipto cha, 'ixta 'oj yutc eb' chon̈b' 'aj tzex xiw cha.

Dt 5:24

Yel ton wal b'i'an, a Jehová sch'ox sb'a yet' stzictznial, yet' pax spoder. 'Ix cab' pax wal spaxtin 'elt 'a scal c'ac'. A ticnec, 'ix cojquej 'eli to tztac' spaxtin Dios yet' eb' 'anma', may pax eb' xcham yu'uj.

Dt 4:34

¿Tom 'ay junc xo dios, tox x'i'n 'elt junc schon̈b' 'a scal junc xo chon̈ab' 'icha wal on̈ yutj Jehová on̈ yi'nec 'elt 'a Egipto? Til wal tas ujnac ta'. Eyiljnac milagro, xiwc'ojlal, owal. Yet' wal sjelnal on̈ yi'nec 'elt 'a Egipto cha.

Dt 3:24

Mamin Jehová, a ticnec xa chaj 'el yich a ch'oxni to niwn el'chi yet' a jelnal 'a 'ayn a checb' in tic. May junc xo Dios 'a satcha'an̈ mto 'a sat lum tic 'ay sjelnal sb'on junc tas satjub'tac yilx 'icha tas tza b'o tic.

Salmos 136:12

Yet' wal spoder xyi'n 'elt eb'. A schamc'ojlal Dios 'ayn̈j 'a smasnil tiempo.

Is 53:5

'Ix lajw sniwnal yuj qui mulec, xyab' syal sniwnal chi yuj qui tu'al. Yuj jun yailal 'ix 'och 'a yib'n̈ cha, yuj cha, 'ix 'och junc'ojlal 'a qui calc yet' Dios. Yujto 'ix yab' syal sniwnal, yuj cha, 'ix 'ajx qui q'uinlec.

Ex 6:6

A ticnec jun, 'at al 'a eb' et israelal cha, to an Jehová in, an tzwal 'ixtic: 'Oj ex in col-l 'a 'aj 'ayx 'och mosoal tic, 'aj 'oltac tzex 'aj yuj munljel. 'Oj in ch'ox in poder 'a eb' 'aj Egipto tic, to 'oj wa'ch niwc yailal 'a yib'n̈ eb'. 'Ixta 'oj ex wutc ex in coln 'el 'a yol sc'ab' jun chon̈b' tic.

Josué 24:31

A eb' israel cha, caw yiclum xyutj sb'a eb' 'a Jehová yic pitznto Josué yet' eb', an̈jtona', caw wal yiclumto eb' 'a jun tzo'n̈ ley cha yic pitznto eb' 'ichmtac winc 'a scal eb', atn eb' 'ojtnac smasnil tas sb'ojnac Jehová yuj eb'.