Dt 10:5 - Chuj San Sebastian Bible

⁵ Xlajw cha, in pax 'emt 'a sjolm lum witz cha. 'Ix wa'n 'ejm eb' q'uen 'a yojl te caxa cha, 'icha wal xyutj Jehová yaln 'ayin, an̈ja 'ay 'ejm eb' q'uen ta ticnec, xchi Moisés.

Chuj San Mateo Bible

⁵ Vemxita d'a jolom vitz chi' b'ian, vac'anem q'ueen d'a yol te' caxa chi', icha aj yalan Jehová chi' d'ayin. Ata' canxon̈ej q'ueen.

Dt 10:5 Referans Kwoze

Ex 40:20

Xya'n 'ajxocq'ue junx slan̈l yib'n̈ mantiado cha. Xlajw cha xyi'n cot Moisés chi chapachn̈ q'uen q'uen 'aj tz'ib'b'il 'och lajn̈e checnb'il, xya'n 'ejm 'a yojl te scaxail trato. Xya'n 'och te can̈nub' tzb'achn b'ey jun caxa cha, xya'nq'ue smacl sti yib'an̈. Xlajw cha, xya'n 'ajxoc 'och 'a yojl scajnub' Dios, xya'n locxocq'ue te cortina tz'och yen̈loc te caxa cha, 'icha wal yaj yaln Jehová 'a 'a.

Ex 34:29

Xlajw xoj cha, 'ix pax 'emt Moisés 'a sjolm lum witz Sinaí, mec'b'il chapachn̈ q'uen q'uen chi yu'uj, atn q'uen 'ajtil tz'ib'b'il 'och jun tzo'n̈ checnb'il cha. A yic 'ix 'eml 'a yich lum witz cha, matz yila toto tzictzni 'ix 'aj sat yic xpaxtin yet' Jehová.

Josué 4:9

An̈jtona', xya'n Josué tusxoc can lajchwe xo q'uen 'a yojl a Jordán cha, atn 'aj 'ochnc wan lin̈n eb' ya'mal 'och sti eb' 'anma 'et'jnac te scaxail trato. A jun tzo'n̈ q'uen cha, 'ix cann̈j eb' ta'.

Dt 10:2

Ax in tz'ib'n pax 'och jun tzo'n̈ paxti chi 'a eb' q'ue'en, atn jun tzo'n̈ 'ix wa'ch 'a eb' q'uen b'ab'l cha, eb' q'uen xa ma' pojoc. Tzlajw cha, ax a moln eb' q'uen 'a yol scaxail cha, xchi 'ayin.

Dt 9:15

Xlajw xoj cha, in pax 'emt 'a sjolm lum witz cha, atn 'aj caw tzn̈ilchj sc'a'l lum witz chi stz'a'i, mec'b'il chapachn̈ q'uen q'uen chi wu'uj, atn q'uen 'aj 'aych strato cha.

Ex 32:15

Ax Moisés 'ix pax 'emt 'a sjolm lum witz Sinaí, mec'b'il xo chapachn̈ q'uen q'uen yu'uj, q'uen 'ajtil tz'ib'b'il 'och jun tzo'n̈ checnb'il, tz'ib'b'il junjn eb' q'uen 'a schapaq'uil.

Ex 25:16

Tzlajw cha, tza'n 'ejm eb' q'uen q'uen 'aj tz'ib'b'il 'och in checnb'il 'a yojl te caxa cha, atn eb' q'uen 'oj wac' 'aych tic.

Ex 25:21

Tzlajw cha, tza'n q'ue smac te caxa cha, palta tza'cn 'ejm eb' q'uen q'uen 'aj 'aych in checnb'il 'a yojl te', atn eb' q'uen 'oj wac' 'aych tic.

Ex 34:28

Chawinc c'u chawinc 'ac'wl 'ix can Moisés yet' Jehová 'a sjolm lum witz cha. May xon jac tas sc'ux 'a yic jun tiempoal cha, may pax tas xyuq'uej. Atn 'a jun tiempoal cha, ata 'ix stz'ib'j can 'och jun trato 'a eb' q'uen q'uen cha, atn jun tzo'n̈ lajn̈e checnb'il.