Dt 1:45 - Chuj San Sebastian Bible

⁴⁵ Ax yic ex laj japxi, xlaj eyamn 'och eyoc' 'a yojltac Jehová, palta man̈x 'ic yab' Jehová tas xeyal cha.

Chuj San Mateo Bible

⁴⁵ Axo yic ex meltzaj jun, och ex ijan eyoc' d'a yichan̈ Jehová, palta majxo tac'voclaj d'ayex.

Dt 1:45 Referans Kwoze

A Ch'an̈ Carta D'a Eb' Hebreo 12:17

Cojquec, at 'a junx tiempoal, snib'jnac tot cob' 'ajxnac pax yic yuj smam cha, palta man̈x 'ic 'ajx 'a 'a. Wach'xam caw 'o'nc to, palta man̈xtoc stac' sb'onyaj win jun sb'ojnac can cha.

Salmos 78:34

A yic tzcham jaywn̈oc eb', ax nan̈locx eb' 'ix yal sb'a eb' 'a Dios. 'A smasnil sc'ojl eb' 'ix meltzj eb' 'a 'a.

Lc 24:27

Xlajw cha, 'ix syamn 'och yaln 'a eb', 'ajtc 'ay yab'xil 'a Ch'an̈ U'un̈. 'Ix syamn 'och yaln tastc tz'ib'b'il can yuj Moisés. 'Ix yaln pax jantcn̈ej tas tz'ib'b'il can yuj junjn eb' schecb' Dios pecti'.

Jn 9:31

Cojquec, caw matz yab' Dios slesl eb' maysch'olnil sb'eyb'al. Cojn eb' tzyal sb'a 'a 'a, eb' tzyiclni tas tzyala, cojn eb' tzyab' yico'.

Job 27:8

¿Tas to junc 'aych yipc sc'ojl eb' maysch'olnil sb'eyb'al yic tzyi'n 'ec' Dios sq'uinl eb'?

Job 27:9

A yic 'ayx 'och syailal eb', man̈x 'oj scha Dios yab' tas 'oj yal eb'.

Salmos 66:18

Q'uinloc ma'ix in na in b'a yuj in mul, to 'ixta', ma'ix schaj sc'ojl am Cajlil yab'n tas xwala.

Pr 1:25

Palta ax tz'aji to tze patquilj can 'el tas tzwala; matz e chaj eyab' 'ajtil tzex in tench wa'an.

Pr 1:28

A wal 'a jun c'ul cha, 'ojt cob' e c'an in colwal, palta man̈x 'oj in ta'w 'ayex; 'ojt cob' eyal e b'a 'ayin, palta man̈x 'oj wab' tas tzeyala,