Dt 1:44 - Chuj San Sebastian Bible

⁴⁴ Ax 'ix 'aji, a eb' amorreo cajn ta', 'ix 'elt tzicnjoc eb' 'ayx 'icha no sno'l 'acan̈, ex spechn eb', masnto ex cotcn 'elc yuj eb' 'a lum yol smacb'en Edom yet' 'a yol yic Hormá.

Chuj San Mateo Bible

⁴⁴ Yuj chi' a eb' amorreo cajan ta', elta eb' d'ayex icha noc' noc'al chab', masanto yal ex yac'an ganar eb' d'a Seir, c'ochn̈ej eb' d'a Horma.

Dt 1:44 Referans Kwoze

Salmos 118:12

'Ix 'och oyn eb' 'ayn 'icha no sno'l 'acan̈, ax yowl sc'ojl eb' chi 'ayin, 'ix tup 'icha tzyac' te c'ac' 'a scal q'ui'ix; yuj scolwal Jehová 'ix wa'n ganar in satn 'el eb'.

Nm 14:45

A eb' amalecita yet' eb' cananeo cajn 'a jun tzo'n̈ lugar cha, 'ix 'elt eb' yac' owl yet' eb'. Ax 'ix 'aji, ma'ix techj yuj eb' israel cha, 'ix pechx eb', masnto xjapx can eb' 'a lum Horma.

Is 7:18

A 'a jun tiempoal cha, 'oj ya' cot Jehová eb' soldado cajn 'a stitc a niwn a 'a Egipto, ax sjaw somnjoc eb' 'icha tzyac' no 'us. 'Oj yawtn cot eb' soldado 'aj Asiria, ax sjaw somnjoc eb' 'icha no sno'l chab'.

Nm 21:3

'Ix syiclj Jehová scolwj yet' eb', 'icha wal 'ix yutj eb' sc'ann 'a 'a. Yuj cha, 'ix ya'n ganar eb' israel ya'n owl yet' eb' cananeo cha. 'Ix lajw 'el smasnil eb' cananeo yet' schon̈ab', yuj cha, Horma 'ix ya'cn eb' scuch jun lugar cha.

Dt 32:30

¿Tas yuj cojn yuj junc eb' 'ajc'ojol on̈ 'atc 'elc junc mil on̈ec? ¿Tas pax yuj cojn chawn̈ eb' xon̈ pechn 'at lajn̈e mil on̈ec? May tas tztac' yuj eb', toto man̈oc Jehová qui Colmal on̈ 'a'nec 'a yol sc'ab' eb'.

Dt 28:25

Caw 'oj ex yac' ganar eb' 'ajc'ojl yajch 'ayex, stzol-l 'oj eyaj e 'at eyac' cob' owl yet' eb', palta caw sactzicnac 'oj eyaj e 'at 'elc yuj eb'. Caw wal 'oj sat sc'ojl smasnil nacion̈ yuj tas 'oj eyaji.

Josué 7:5

'Ix pechx eb' yuj ewin 'a 'aj 'ay spuertail chon̈b' cha, masnto 'a jun lugar 'a 'aj tz'ijx 'elt q'uen q'uen tzeyxi. Ax 'a spa'nil 'ejm jun chon̈b' cha, ata xmilx 36 eb' soldado israel cha. Yuj cha, 'ix jaw schab'c'ojlal eb' israel, caw tzsicb' 'el eb' tzyab'i.