Dt 1:42 - Chuj San Sebastian Bible

⁴² 'Ix yaln Jehová 'ayin to tzyac' wal 'ixtc 'ayex: Man̈ ex 'at 'a owl cha; man̈ e te'wtzoc e b'a eya'n owl yet' eb' 'ajc'ojl yajch 'ayx cha, sec matz ex lajw 'eli, yujto man̈ in 'ayc 'ec' eyet'oc, xchi Dios, xin chi 'ayex.

Chuj San Mateo Bible

⁴² Palta a Jehová alani to sval d'ayex: Man̈ eyac' oval, man̈ e tec'b'ej e b'a d'a eb' ajc'ool, axo talaj tz'aji tzex yac'an ganar eb', yujto man̈ ol in b'atlaj eyed'oc, xchi Jehová, xa chi, xchi d'ayin.

Dt 1:42 Referans Kwoze

Os 9:12

Toto 'ayt 'aj 'oj cob' q'uib' eb' 'unn chi jun, palta an xo 'oj wi'cc sq'uinl eb' 'a eb'. Man̈x 'a xon junc 'oj wactc cani. 'Oltac wal jun tzo'n̈ eb' 'anma cha, yic 'oj wi'nc 'el in b'a 'a stz'ey eb'.

A Ch'an̈ B'ab'el Libro Samuel 4:2

'Ix cot eb' filisteo, 'ix syamn 'och eb' ya'n owl yet' eb' israel. 'Ix 'och wal owl yuj eb' si'mb'il. Ax x'aji, 'ix lajw 'el eb' israel yuj eb', 'aym chan̈e'oc mil eb' xchami.

Lv 26:17

An 'oj woch 'ajc'ojlal 'ayex, ax e lajw 'el yuj eb' 'ajc'ojl cha. 'Oj e can 'a yaln̈ yuj eb', mun xoj 'oj e 'at 'eloc, wach'xam may mach tzex pechni.

Is 30:17

Jun mil e b'isl 'oj e 'at 'elc yuj jun win 'ajc'ojl cha. Wach'xam cojn wal own̈ eb' 'ajc'ojl chi 'oj e pechni, palta 'oj e 'at 'elc ax tic e masnil. Caw jaywn̈ xoj e b'ey 'oj e cani. 'Icha xoj tz'ajcn lin̈n junc te te 'a lum jolmctac witz, mto 'icha junc bandera 'ayc' 'a junc lum tzalan, 'ixta 'oj eyaji.

A Ch'an̈ B'ab'el Libro Samuel 4:10

Xlajw cha, 'ix 'och eb' filisteo chi 'a owl yet' eb' israel cha. Ax x'aji, 'ix lajw 'el eb' israel, 'ix 'at eb' 'elc 'a yatut. Caw wal niwn jun chaml chi 'ix 'ochi, 'ay lajn̈schawinc mil soldado israel 'ix chami.