Dt 1:28 - Chuj San Sebastian Bible

²⁸ Ax ticnec, ¿'aj wach' tzon̈ c'ochec? A eb' quit chon̈b'ec tic, 'ix yal eb' to a 'a jun lugar cha, 'ay eb' 'anma caw jeln to 'a quib'n̈ec. Caw niwc stel eb', caw niwc pax ab' schon̈b' eb', chan̈ pax ab' ya'jt smuroal schon̈b' eb' cha. Xyiln pax ab' eb' ewin yin̈tl win Anac, atn eb' niwc ste'il, caw 'ay smay eb', atn wal yuj jun tzo'n̈ eb' cha, caw tzon̈ xiwec, xe chi.

Chuj San Mateo Bible

²⁸ Axo ticnaic jun, ¿b'ajtil ol on̈ b'atoc? A eb' quetchon̈ab' tz'alani to ata' ay eb' vin̈ vinac te tec'an, nivac vinac, chaan̈ steel eb' vin̈ d'a quichan̈, nivac chon̈ab' juntzan̈ schon̈ab' eb', te chaan̈ yajoch smuroal spatictac. Ix yilanpax juntzan̈ nivac vinac yin̈tilal vin̈aj Anac eb'. A yuj masanil juntzan̈ chi', juneln̈ej ix chab'axq'ue co c'ool, xe chi.

Dt 1:28 Referans Kwoze

Jueces 1:20

'Ix ya'n eb' lum Hebrón 'a Caleb, 'icha yaj yaln can Moisés. Ax Caleb chi 'ix pechn 'el eb' 'oxwn̈ yin̈tl can yunnal win Anac.

Josué 15:14

A 'oxwn̈ eb' yin̈tl win Anac chi spechl Caleb chi 'a lum Hebrón cha, atn Sesai, Ahimán yet' win Talmai.

Josué 14:8

Ax pax jun tzo'n̈ xo ewin xwulc' quet'oc, caw man̈ wach'c xyutj ewin yalni, caw xib'tj ewin eb' 'anma'. Palta an̈ xo tic, caw wach' xcutj calni, tojl xcutj qui nab'en 'a sat Jehová qui Diosalec.

Josué 11:22

Yuj cha, man̈x 'a junc eb' yin̈tl win Anac xcan 'a sat slum eb' israel. Cojxn 'a Gaza, 'a Gat yet' 'a Asdod, ata xcan jaywn̈ xo eb' yin̈tl win cha.

Ez 21:7

Toto tzc'anb'j eb' 'ixtc 'ayach: ¿Tas yuj tzach 'oq'ui? toto xchi eb', al 'a eb' 'ixtic: 'Ay wal jun 'ab'x xwab'i, to 'ay wal jun tas wan sjawi. Smasnil 'anma', 'oj 'el spixn yuj xiwlal, 'oj 'el yip sc'ab' eb'. Toc 'ayt mach te'n 'oj yutc sb'a, c'uxn 'oj 'ib'xoc chan̈ spenc eb' yuj xiwlal cha. Caw wal la'n xo yaji, man̈x najtloc tiempo, xchi Dios, xa chi 'a eb', xchi 'ayin.

Is 13:7

Yuj cha, ax smasnil 'anma', 'oj sicb'oc 'ejm eb' yuj xiwc'ojlal.

Jueces 1:10

Xya'n pax eb' owl yet' eb' cananeo cajn 'a Hebrón, tzcuch Quiriat-arba 'a yic pecti'. 'Ix smiln can cham eb' win Sesai, win Ahimán yet' win Talmai.

Josué 2:24

'Ix yaln eb' 'ixtic: A Jehová a tz'a'n jun lugar chi 'ayn̈ec, ax eb' 'anma 'ayc' ta', 'ac'b'ilx eb' 'a yol qui c'ab'ec. Man̈x 'anmac yaj snab'en eb' smasnil yuj xiwlal, xchi eb'.

Josué 2:11

Caw wal tzon̈ xiw chan̈ cab'n eyab'xil. Toc 'ayt junc on̈ tzqui te'wtzej qui b'a 'a eyojltac, yujto a Jehová e Diosal, sDiosal pax tas 'ay 'a satcha'an̈ yet' tas 'ay 'a sat lum lum tic.

Josué 2:9

—Wojc an tic, to a Jehová a tz'a'n jun lum tic 'ayex. A pax tzon̈ 'a'n 'och 'a xiwc'ojlal qui masnil 'a jun tzo'n̈ lugar tic on̈. Man̈x on̈ 'anmac tzcab'i yic tzcab'n eyab'xil.

Dt 20:8

Tzlajw cha, tzyaln pax eb' syajlil eb' soldado chi 'ixtic: Toto 'ay junc ex caw tzex xiwi, mto matz techj eyuj tzeyab'i, tztac' tzex pax 'a eyatut, yic wach' ma'oj somchjoc chan̈ eb' quit soldadoil tic eyu'uj, xchi cab' eb'.

Ex 15:15

A eb' syajlil eb' 'aj Edom, toxn̈ej 'oj sat sc'ojl eb'. Ax eb' syajlil eb' 'aj Moab, 'oj laj 'ib'xoc eb' yuj xiwlal cha. 'Ixta pax eb' cananeo, 'oj laj sc'ub'c 'el sb'a eb'.

Gn 11:4

Xlajw cha, xyaln pax ewin 'ixtic: Cotn̈ec, qui b'oc junc niwquil chon̈b' 'a tic. Tzlajw cha, tzqui b'onec junc niwquil torre, masnto tzq'ue'ch 'a satcha'an̈, yic wach' tzon̈ b'inaxec si'mb'il. Junxn̈ej tzon̈ 'ajc qui masnil, man̈xtzac on̈ sactzic 'a sat lum lum tic, xchi ewinac.

Dt 1:29

Yuj cha, xwaln 'ayx 'ixtic: Man̈ e comn xib'tc e b'a yuj jun tzo'n̈ cha.

Dt 2:10

(A jun lum tic, cajb'il lum yuj eb' 'anma 'a pecti', atn eb' tzcuch emita. Caw niwc wincn̈ej eb', caw niwn pax sb'isl eb', niwc pax stel eb', lajn eb' 'icha eb' yin̈tl win Anac.

Dt 7:17

Tecn 'ayx 'oj e na 'ixtic: A wal jun tzo'n̈ nacion̈ tic, caw 'ec'b'al eb' 'a quib'n̈ec. ¿Tas wal 'oj cutquec qui'n 'el jun tzo'n̈ 'anma tic 'a sat lum lum tic? tecn 'oj e chioc.

Dt 20:20

Palta a pax eb' te comn te matz lox sat, tztac' e ch'acn 'ejm eb' te', yic tze c'anlb'an eb' te e te'nub'oc 'a jun chon̈b' 'aj wan eyoch cha yic tzeya'n owal, masnto tz'ejm jun chon̈b' chi eyu'uj.