Dt 1:21 - Chuj San Sebastian Bible

²¹ A Jehová qui Diosalec, a tz'a'n lum 'ayn̈ec. A ticnec 'ochn̈ec 'a sat lu'um, 'ijec 'ec' lum 'icha 'ix yutj Jehová yalni, atn qui Diosalec yet' eb' qui mam quichmec. Man̈ ex xiwoc, may cab' mach tzchab'c'ojlej sb'a, xin chi 'ayex.

Chuj San Mateo Bible

²¹ Ochan̈ec an, iq'uec ec' luum, cajnajan̈ec ta', icha ix aj yalan Jehová d'ayon̈, aton co Diosal yed' eb' co mam quicham. Man̈ ex xivoc, mocab' chab'axq'ue e c'ool, xin chi.

Dt 1:21 Referans Kwoze

Josué 1:9

An tzwala, te'wtzej a b'a, man̈ ach xiwoc, may cab' a chab'c'ojlal, yujto Jehová in, a Diosal in, 'aynn̈ej 'och et' 'aj tzach 'eq'ui, xchi Dios 'a Josué.

A Ch'an̈ Carta D'a Eb' Hebreo 13:6

Yuj cha, caw matz on̈ xiwc caln 'ixtic: A Cajlil, a tzcolwj wet'oc. Yuj cha, caw matz in xiw yuj tas 'oj in yutc eb' wit 'anma'il, xqui chi.

Salmos 46:1

A Dios a 'aych quen̈loquec, a pax 'aych quipquec, a tz'och pax quet'ec yic 'ay qui somc'ojlal.

Nm 13:30

Xlajw cha, 'ix yaln Caleb to sictac tz'aj eb' 'anma 'ayc' 'a yojltac Moisés cha, xyaln 'a eb' 'ixtic: —¡A ticnec, coyec! ¡'At qui'c 'ec' lum lum cha, a eb' 'anma 'aych 'a lu'um, 'oj 'el xon eb' cujec, yujto 'ec'b'al qui jelnalec 'a yib'n̈ eb'! xchi.

Lc 12:32

Ax tic, 'icha in calnelu, 'ixta 'ex, man̈ ex xiwoc. Jaywn̈n̈ej ex toni, palta a qui Mam Dios tzex 'i'n 'och 'a yol sc'ab', yujto 'ixta x'el 'a sc'ojol.

Is 41:10

Man̈ ex xiwoc, 'ayn 'ec' eyet'oc. Man̈ ex 'och 'il, yujto an ton e Diosal in. An tzwac' eyip, an tzex in colo, an tzex in yamch wan yet' wip tzin c'anlb'ej 'a stojlal.

Salmos 46:11

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.

Salmos 46:7

A Jehová tztac' yuj smasnil, a 'ayc'n̈ej quet'ec. A qui Diosalec an̈ yin̈tl on̈c Jacob tic, ata tzqui colc qui b'a.

Josué 1:6

Te'n tzotj a b'a, man̈ ach xiwoc, yujto ach 'oj a pojc smacl lum eb' et israelal tic 'a 'a, atn lum 'aj wa'jnac in ti wa'n 'a eb' e mam eyicham.

Dt 20:1

A yic tzex 'el eyac' owl yet' junc chon̈b' 'ajc'ojl yajch 'ayex, toto 'ec'b'al sb'isl soldado eb' chi 'a yib'n̈ eb' eyic ax tic, til wal schej eb', til wal scaruaje eb' yic owal, palta man̈ ex xiw xon yuj eb', yujto a Jehová qui Diosalec a 'aych eyet'oc, atn jun on̈ 'i'nec 'elt 'a Egipto.

Dt 1:20

Ata 'ix wal 'ayx 'ixtic: A ticnec b'i'an, on̈ jawc 'a sat slum eb' amorreo, atn lum tzyac' Jehová quico'oquec.

Dt 9:23

A yic 'ayn̈ec 'ec' 'a Cades-barnea, ata yaljnac 'ayn̈ec to tzon̈ 'at qui cha lum lum cha, atn lum 'oj yac' eyico'oc. Atnta e tenjnac tas yaljnac Jehová qui Diosalec, yujto ma'ix eya'ch xon yipc e c'ojol.

Nehemías 9:15

'Ix a'n pax sc'ux eb' tas tzcot 'a satcha'an̈, yic 'ay swejl eb'. Ax a a 'ix 'elt 'a sat q'ue'en, a 'ix yu'j eb' yic 'ay stacn̈til eb'. Xlajw cha, 'ix aln 'a eb' to tz'och eb' scaj lum lum 'aj 'ix ac' a ti a'n 'a eb'.

Dt 7:18

Palta man̈ ex xiwoc; tze na coti tas yutjnac Jehová win sreyl Egipto yet' eb' 'anma cha.

Dt 7:21

Yuj cha, man̈ ex xiw xon 'a eb' 'anma cha, yujto a Jehová qui Diosalec, a 'ayc' 'a e cal, caw niwquil spoder, caw wal 'ay smay.

Dt 20:3

ax yaln win 'ixtic: Ex wit chon̈ab', 'ab'tec tas 'oj wala': A ticnec 'oj ca'c owl yet' eb' 'ajc'ojl yajch 'ayn̈ec, may cab' qui chab'c'ojlalec, man̈ on̈ xiwec, man̈ on̈ 'ib'xoc cha'an̈, man̈ qui xib'tquec qui b'a,

Dt 31:6

Caw te'n tzeyutj e b'a. Man̈ ex xiwoc. Man̈ e xib'tc e b'a yic 'oj e chanc e b'a yet' eb' 'ajc'ojl yajch 'ayx cha. Yujto a Jehová qui Diosalec, a 'aych eyet'oc, ma'oj ex yactc can e ch'ocoj, xchi Moisés cha.