Dt 1:17 - Chuj San Sebastian Bible

¹⁷ A yic tze b'onyaj eb' 'anma cha, man̈ chucchc cab' yel'ch eb' 'a e sat. Lajnn̈ej tzeyutj e b'onyaj eb', eb' 'emmquilal yeq'ui yet' eb' niwc winac. May cab' junc eb' 'aj tzex xiwi, yujto a jun b'eyc'ojlal cha, man̈ e yico'oc, palta yic Dios. Toto 'ay wal junc tas caw 'ajltac jun, tzeyac' 'e't 'a yol in c'ab', an xo 'oj in b'oyaji, xin chi 'a eb'.

Chuj San Mateo Bible

¹⁷ Ayic tze b'oan yaj d'a eb', malajocab' sq'uexan̈il eb' d'a yol e sat. Lajann̈ej tzeyutej d'a eb' emnaquiltac yed' d'a eb' nivac yelc'ochi. Mocab'a junoc b'aj tzex xivi, yujto a jun eyopisio chi', man̈ eyicoc, yujto ac'b'il d'ayex yuj Dios. Tato ay val tas te nivan yaj jun, tzeyic'cot d'ayin, a inxo ol in b'o yaj d'a eb', xin chi d'a eb'.

Dt 1:17 Referans Kwoze

Dt 16:19

Man̈ ya'ch sb'a eb' 'a man̈ nab'enal, man̈ chucchcoc cab' yilx eb' 'anma 'a sat eb'. Matz chaj eb' q'uen c'ultac tumn 'a junc mach, yujto a jun tumn chi tzjun 'el snab'en eb' 'ay snab'en cha, a pax q'uen tumn chi tzjeln 'el spaxti eb' 'anma tojl snab'en.

Santiago 2:9

Palta toto man̈ jun lajnoc tzcutjec qui chamc'ojlan smasnil, toto 'ixta', caw tz'och qui mulec. A jun ley tic tzalni, to tz'och qui mul 'a 'a.

Ex 18:26

A ewin tzb'on yaj eb' 'anma chi 'a tzann̈j yorail. Ax pax junc owl to niwquil yel'chi, yowlal tzyij 'at eb' 'a Moisés; ax tas may wal yel'chi, a ewin tzb'onyaji.

Pr 24:23

An̈jtona pax jun tzo'n̈ xo tic, a eb' 'ay snab'en 'ix aln cani: Caw man̈ wach'oc toto chucchc yilx eb' 'anma 'a sat win yajal yic tzb'onyaj win eb'.

2 Cr 19:6

'Ix yaln 'a eb' juez chi 'ixtic: Tzcham wal eyiln tas 'oj e b'o', man̈oc snib'b'en eb' 'anma 'oj e b'o', palta to a snib'b'en Jehová. A 'oj 'och eyet'oc yic 'oj e b'onc yaj jun mach.

Lv 19:15

Man̈ e b'o tas man̈ tojloc, yic tze b'onyaj junc mach; man̈ eya'ch e b'a yet' eb' meb'a', mto yet' eb' niwn yel'chi. Tojln̈ej tzeyutj e b'onyaj eyit 'anma'il.

Ex 18:22

sec a ewin tzb'onyaj yowl eb' 'anma 'a tzann̈j yorail. Toto mayn̈ej wal yel'chi, a ewin tzb'onyaji, palta toto niwquil junc owl cha, toto 'ixta', tzyi'n cot eb' 'a ojltac. 'Oj colwjoc eb' yiln jun munljel tic et'oc.

A Sb'ab'el Carta San Pedro 1:17

A Dios, 'oj sb'eyc'ojloc junjn 'anma', a tzyala tas sb'eyb'al jun jun. Yuj cha, toto tzcalc qui Mamoc, caw xiw coyc 'a 'a, ya' sb'a 'ayn̈ect 'ec' 'a yolyib'n̈q'uinl tic.

1 Ts 2:4

'Icha tznib'j Dios, 'ixta xcutj 'ec' calnc 'el on̈, yujto xyil Dios, to smoj xya'ch copiso caln 'el wach' 'ab'x yic colnb'il on̈. Man̈ yujoc stzalj eb' 'anma quet' 'on̈, tz'ec' calnc 'el on̈, palta yuj wal stzalj Dios. Yujto a tz'iln qui nab'en junjn on̈ec, toto wach', mto ma'ay.

Pr 29:25

Toto 'ay mach tzxiw 'a yit 'anma'il, mun tzyij 'ejm sb'a, palta toto tzya'ch sc'ojl 'a Jehová, caw wal tan̈b'il yu'uj.

A Ch'an̈ Schab'l Libro Samuel 14:14

Yujto an̈ 'anman̈ tic, toxn 'oj qui chami. Lajn on̈ 'icha a a tztob' 'a sat lu'um, man̈xtzac stac' smolb'tzaxi. Ax pax Dios jun, may mach tzyij 'ec' sq'uinal, a yico', to tzsay tas tz'aj smeltzj junc mach to 'aycn 'at 'elc 'a 'a.

A Ch'an̈ B'ab'el Libro Samuel 16:7

Palta xyaln Jehová 'ixtc 'a Samuel: Man̈ ach 'och q'ueln 'a win tic yuj tas yilx 'ochi, man̈ elch ste'il, yujto matz in nib'j winac. Ax 'anmax tic, a wal yilx 'och junc mach, a chi tzeyilchi, palta an tic a snab'en eb' tzwilchi, xchi.

Dt 10:17

yujto a Jehová qui Diosalec, 'ec'b'al 'a yib'n̈ jun tzo'n̈ xo tzalx 'och diosal. A yajl yaj 'a yib'n̈ eb' yajal. Cojxn tztac' yalni, caw 'ay spoder, 'ay pax smay, may 'aj tzjel snab'en 'a yib'n̈ junc tas, may 'aj tzchon̈ sb'a yuj tas tzsiyx 'a 'a.

A Scarta San Pablo D'a Eb' Aj Colosas 3:25

Palta a eb' tzb'on jun tzo'n̈ maysch'olnil, 'oj scha eb' spac jun tzo'n̈ maysch'olnil tzb'o cha. A tzyala, tastc tzb'o junjn mach, 'ixta spac 'oj scha'.

Ef 6:9

Ax xo patron̈ ex, 'ixta pax tzeyutj e b'a 'a eb' e moso. Man̈ owc tzeyutj e b'a 'a eb'. Tze na coti, to 'ay jun 'a satchan̈ tzex 'a'n mandar yet' eb', atn Cajlilec. A 'a sat, lajnn̈ej eyel'ch yet' eb'.

Ro 2:11

A 'a sat Dios, lajnn̈ej yel'ch junjn 'anma'.

Lc 20:21

Yuj cha, xcob' stz'acnc eb' yal 'ixtc 'a 'a: —Mamin, cojc on̈ tojl tzotj alni, tojl a cuywj paxi. May junc mach 'aj tzach xiwi, yujto lajnn̈ej yel'ch junjn mach 'a a sat. Cojc pax on̈, a jun b'eyb'al tznib'j Dios a tzac' cuyxoc 'a yel.

Mr 12:14

'Ix wul yalnoc eb' 'ixtc 'a 'a: —Mamin, cojc on̈ to caw yel tzala. Cojc pax on̈ to jun lajnn̈ej tzotj a nab'en 'a smasnil 'anma', yujto jun lajnn̈ej yel'ch junjn mach 'a a sat, ax jun b'eyb'al tznib'j Dios, a tzac' cuyxoc 'a yel. ¿Tas tza na'a? A jun tzo'n̈ tumn tzc'anx 'el 'ayn̈ yuj win yajl 'a Roma, ¿wach' am tzcac'a, mto ma'ay? ¿'Aym sleyl tzcac'a, mto ma'ay? xchi eb' 'a 'a.

Mt 22:16

Yuj cha, xchecn 'at ewin jaywn̈ eb' scuywum 'a Jesús, yet' jaywn̈ eb' 'aych 'a spartido rey Herodes, 'ix 'at yalnc eb' 'ixtc 'a 'a: —Ach qui Cuymal on̈, cojc wal si'mb'il on̈ to caw yeln̈j tas tzala. Cojc pax on̈, to a jun b'eyb'al tznib'j Dios, caw an̈j tzac' cuyxoc 'a yel. Jun lajnn̈ej tzotj pax a nab'en 'a smasnil 'anma', yujto lajnn̈ej ye'l'ch junjn eb' 'a a sat.

Jeremías 1:17

A ticnec 'ac' ep, 'ixic, 'at al smasnil tas 'oj wac' ala'. Man̈ ach xiw 'a eb' et 'anmal cha. Toto 'oj a xiwi, 'oj ach wac' 'ib'xoc chan̈ 'a yojltac eb'.

Job 31:34

yuj in xiw 'a junc 'anma'. May pax 'aj xin macch in b'a 'a yol watut yuj in xiwc'ojlal 'a eb' wican.

Dt 24:17

Man̈ e b'o tas man̈ tojloc 'a eb' chuc chon̈b'al 'ayc' a e cal, yet' 'a eb' meb'a 'unn chamnc smam, yet' pax 'a eb' 'ix 'ix chamnc yichmil. Man̈ eyi'c spichl eb' 'ix yuj smajnub'loc junc tas.

Ex 18:18

Caw wal tzach c'unb'i, tzc'unb' pax eb' 'anma tic, yel xo wal tz'ec' 'a yib'n̈ a munlji, ma'oj a tza'wni a b'on yaj eb' a ch'ocoj.

Gn 18:25

Ma'oj stac' a b'on 'ixta', yic tza satn 'el eb' may smul yet' eb' 'ay smul, 'icha to lajn xoj eb' tzyal cha. Man̈ a b'o 'ixta'. Caw Yajl ach 'a yolyib'n̈q'uinl tic. Toc wal 'oj a b'o tas man̈ tojloc, xchi Abraham 'a Dios.

Dt 25:1

Toto 'ay chawn̈oc 'anma tzyac' owal, yowlal tz'at eb' sb'oyaj sb'a 'a sat eb' juez; a jun may smul cha, a tzcolchj cani, ax jun 'ay smul cha, tzcann̈j 'a yib'an̈.

A Ch'an̈ B'ab'el Libro Samuel 2:25

Toto 'ay junc mach tz'och smul 'a junc yit 'anma'il, tztac' to tzcolwj Dios yet'oc. Palta toto 'ay mach tz'och smul 'a Jehová, ¿mach wal 'oj stac' scolni? xchi Elí. May xon yel'ch tas xyal smam eb' chi 'a 'a, yujto a Jehová tox 'ix sna'a to 'oj cham eb'.

2 Cr 19:5

'Ix ya'ch eb' juez 'a smasnil chon̈b' to 'aych smuroal 'a yol yic Judá.

Salmos 82:2

Xyaln 'ixtc 'a eb': ¿B'a'n̈ to wal tzeyactj e coln eb' 'anma maysch'olnil tas tzb'o'o? 'In ata tzeya'ch e b'a yet' eb' maysch'olnil cha.

Pr 18:5

Man̈ wach'oc toto a eb' 'ay smul, a eb' tz'ajx niwnc'ojlal yuj eb' juez, ax eb' may smul, matz chax 'ab'xc tas tzyal eb'.

Malaquías 2:9

Yuj cha, ex wij can 'ejmi, man̈x 'a yel'ch ex wutj 'a sat smasnil 'anma', yujto matz eyiclj in checnb'il, a yic tze b'onyaj eb' 'anma', 'in man̈ lajnoc tzeyutj e b'onyaj eb', xchi Dios.

Pr 28:21

Man̈ wach'oc toto chucchc yilx 'anma 'a sat junc yajal, palta 'ay 'ajtil tzmontchj junc yajl chi yuj jac tas tz'ajx 'a 'a.