Dt 1:15 - Chuj San Sebastian Bible

¹⁵ Yuj cha, xin si'n 'elt 'a scal junjn 'in̈tal, eb' winc to jelan, eb' 'ay snab'en si'mb'il, 'ix wa'n yopiso eb' yic tz'och eb' eyajliloc. 'Ay eb' xwa'ch yopiso 'a yib'n̈ jun mil, 'ay eb' 'a yib'n̈ jun ciente, 'ay eb' 'a yib'n̈ cincuenta, 'ay eb' 'a yib'n̈ lajn̈wa'an̈, 'ay pax eb' x'och yajlil 'a yib'n̈ junjn 'in̈tal eb' quit chon̈b'ec.

Chuj San Mateo Bible

¹⁵ Icha chi' aj in sic'anel d'a scal junjun eyin̈tilal eb' vin̈ ay spensar, nivan yelc'ochi, vac'anoch yopisio eb' vin̈ yoch eyajaliloc: Ay eb' vin̈ vac'och yajalil d'a mil anima, d'a cien, d'a cincuenta yed' d'a lajun̈van̈, slaj och eb' vin̈ yajalil chi' d'a yin̈tilal.

Dt 1:15 Referans Kwoze

Dt 16:18

Tzeya'ch eb' juez yet' eb' yajl 'a junjn chon̈b' 'oj yac' Jehová Dios 'a junjn 'in̈tal, sec a eb' tzb'onyaj eb' 'anma 'a stojlal.

Ef 4:11

Yuj cha, a tz'a'n copiso junjn on̈ec. 'Ayn̈ schecb' caji. 'Ayn̈ tzyac' cal-l spaxti'. 'Ayn̈ tzcal-l wach' 'ab'x yic colnb'il. 'Ayn̈ tz'ajx quil eb' quit creyenteal, tzqui cuyn pax eb'.

A Ch'an̈ B'ab'el Libro Samuel 22:7

Yuj cha, xyaln Saúl 'a eb' 'ayc' yet' cha: —A ticnec ex yin̈tl Benjamín wet'oc, 'ab'c tas 'oj wala': ¿Tom cob' tzeya'ch 'a e c'ojol, chajtlto a win yunnal Isaí 'oj yac' win e lu'um yet' pax e yuva, ax ex ya'n 'och win capitan̈il e masnil?

A Ch'an̈ B'ab'el Libro Samuel 17:18

Tze'n 'at pax lajn̈ec no queso tic 'a win scapitan̈il eb' soldado cha. Tzelni toto wach' sc'ojl eco o'tac cha. Tzlajw cha, tze'n cot junc tas tzch'oxni, toto yel wach' sc'ojl eco, xchi.

A Ch'an̈ B'ab'el Libro Samuel 8:12

'Ay eb' 'oj ya'ch win syajlilc junc mil soldado, 'ay eb' 'oj ya'ch win syajlilc junc 50. 'Ay eb' 'oj 'och sb'o smunljel winac, 'oj st'oc eb' slum winac, ax laj smoln chan̈ eb' tas tz'el 'a smunljel win cha. 'Ay eb' 'oj 'och sb'o syamc'ab' win yic owal, 'ay pax eb' 'oj b'onc scaruaje win tzc'ana yic tz'at 'a owl cha.

Nm 31:14

Palta 'ix cot yowl Moisés 'a eb' yajl yaj 'a junjn mil soldado, yet' 'a eb' yajl yaj 'a junjn ciente eb' xit' 'a owl cha.

Ex 18:21

A jun tas 'oj a b'o ach tic, sic' 'elt jaywn̈oc eb' winc to 'ay xiwc'ojlal 'a Dios 'a scal eb' et israelal tic, eb' caw tojl snab'en, eb' man̈ comnoc tztecl tumn 'a eb' 'anma', tza'n 'och yopiso eb' yiln eb' 'anma tic. 'Ay eb' tza'ch yajlil 'a junc mil 'anma', 'ay pax eb' tza'ch yajlil 'a junc ciente, 'ay pax eb' 'a junc cincuenta, 'ay pax eb' cojn junc lajn̈wan̈ 'aj tza'ch yajlil,

Nm 1:4

yet' pax junjn eb' syajlil junjn 'in̈tal.

Dt 1:14

Ax xo tic, ex ta'w 'ayn 'ixtic: Caw wal tzchaj qui c'ojl jun a nab'en cha, xe chi 'ayin.

Dt 1:16

Xlajw cha, xwa'n can snab'enoc eb' eyajlil cha, xwaln 'a eb' 'ixtic: Wach' tzeyutj eyiln eyopiso, wach' tzeyutj e b'onyaj eb' quit chon̈ab', yet' pax eb' chuc chon̈b'al 'ayc' 'a qui calec.

Ex 24:1

'Ix yaln pax Jehová 'ixtc 'a Moisés: —Q'uen̈ta 'a 'aj 'ayn 'ec' an Jehová in tic, 'ij cot Aarón, Nadab, Abiú yet' pax 70 eb' yichm wincal chon̈b' Israel. A yic mantzac ex jaw 'a in tz'ey, najttac tzex cani, tzex 'em cumn eyaln e b'a 'ayn ta'.