Dn 6:7 - Chuj San Sebastian Bible

⁷ Qui masnil an̈ tic 'aych copiso oj tic 'a yol jun nacion̈ tic, 'ix qui yam qui b'a qui masnil 'a jun qui c'umjb'a. 'Ix calni, to wach' tza b'o junc ley, tzlajw cha, tzalx 'el 'a scal smasnil eb' 'anma 'ayc' 'a yol a macb'en tic, may cab' junc 'anma tzyac' 'ejm sb'a 'a junc xo dios yic tzyaln sb'a 'a 'a, mto 'a junc xo chuc 'anma'il, palta cojn cab' 'aych tzyal sb'a eb' 'a junc 'ujal. A mach matz yiclni jun ley cha, tojln̈ej cab' sjulx 'ejm 'a yol yet'l e no león.

Chuj San Mateo Bible

⁷ Ix co mol lajtiej co b'a co masanil a on̈ yajal on̈ tic d'a yol a macb'en tic. Ix co naani to tzaq'uelta junoc ley yic tz'alchajel d'a scal masanil anima d'a masanil yol a macb'en tic to malaj junoc mach sc'anan scolval sdiosal, ma d'a junocxo yetanimail d'a junoc ujal, palta an̈ej d'ayach syal sb'a mamin rey. A mach max c'anab'ajan jun ley chi', tojoln̈ej syumjicanem b'aj macb'il noc' choj.

Dn 6:7 Referans Kwoze

Salmos 59:3

Mamin Jehová 'ay eb' 'anma caw jelan, tzlaj in smac eb' 'aj tzin 'eq'ui yic tzin smiln cham eb' snani. Palta may in mul 'a eb', may tas tu tzin b'o'o.

Dn 3:27

Xlajw cha, 'ix c'och smasnil eb' yit yajlil win rey chi 'a stz'ey eb' quelm winc cha. 'Ix yiln eb' to may jac sniwnal eb' stz'a yuj te c'ac' cha, may pax jac xil sjolm eb' stz'a'i, may xon x'i'n jac spichl eb' yuj te', may xon jac sjab' te c'ac' chi 'aych 'a eb'.

Dn 3:6

Palta ax mach to matz 'em cuman, yic tzya'n 'ejm sb'a 'a jun yechl tic, yajn̈ej 'oj 'at julxoc 'emt 'a yojl jun jorna caw ow sn̈ilchj sc'aq'uil, xchi winac.

Dn 3:2

Xlajw cha, xya'n win 'awtxoc cot smasnil eb' yajl 'aych 'a junjn chon̈b' 'ay 'a yol yic jun nacion̈ cha: eb' syajlil eb' soldado, eb' gobernador, eb' 'a'm nab'en, eb' molm tumin, eb' juez, yet' smasnil jun tzo'n̈ xo eb' yajal, sec tzc'och eb' 'at sna sq'uin̈l jun yechl xyac' win rey b'o cha.

Salmos 62:4

Cojn wal tas tz'aj sat 'ejm in b'inab'ilal, an̈j chi tze na'b'tan̈ej. Cojxn̈ej wal 'a'j 'es tze chamc'ojlej. Tzeyal cob' wach' paxti 'ayin, palta ax yet' e nab'en to tzin e catb'ej cani.

Jn 12:10

Yuj Lázaro cha, til wal eb' israel 'ix ya'ch sc'ojl 'a Jesús. Man̈xtzac ya'ch eb' snab'en 'a eb' ya'mal 'och sti eb' 'a Dios. Yuj cha, 'ix slajtin sb'a eb' sat ya'mal 'och sti eb' 'anma cha, snib'n eb' smil cham Lázaro cha.

Mr 15:1

Ax yic 'ix sacb'i, a eb' sat ya'mal 'och sti eb' israel 'a Dios yet' ewin 'ichmtac winc 'ay yopiso, ewin cuywjum 'a ley yic Moisés, yet' pax smasnil jun tzo'n̈ xo ewin sat yajal, 'ix syam sb'a ewinac. 'Ix laj sc'umc sb'a eb' 'a spatic. Xlajw cha, 'ix sjaln ewin Jesús xyi'n 'at ewinac, xya'n 'och ewin 'a yol sc'ab' win Pilato, atn win yajal.

Mt 26:4

Ata xlaj yal eb', tas 'oj yutc eb' ya'n 'och 'es 'a yib'n̈ Jesús, sec tzyamchj yuj eb', tzmiln eb'.

Mt 12:14

Ax 'ix 'elt ewin fariseo cha, 'ix slajtin sb'a ewin 'a spatic, tas 'oj yutc ewin smilni.

Salmos 10:9

'Icha junc no león 'aych 'a yol sn̈aq'ue'en, tz'em lachan, tzb'in sb'a, tz'e'x lin̈n̈oc, 'ixta wal tzyutj eb' sc'ub'n 'el sb'a 'a yic tzmacn eb' yec' eb' 'emmquilal yeq'ui. Ax yic tzyamchj eb' yuj eb', tzyi'n 'at eb'. 'Ixta tz'aj syamchj eb' matz tac' scoln sb'a cha.

Nahúm 2:12

A yic tzmiln cham no mam león chi schib'ej, tzcotc pojn 'ec' no a no snun yet' 'a e no cotc cha. Caw wal b'ut'jnac 'el yol sn̈aq'uen e no chi yuj schib'ej. 'Ixta yaj chon̈b' Nínive 'a yic yaln̈taxi.

Miqueas 6:5

Ex in chon̈ab', nac cot tas snajnac win Balac sreyl Moab 'a yib'n̈ eb' e mam eyichm cha, yet' pax tas yutjnac spacn win Balaam yunnal Beor. Nac cot paxi, tas 'ajnc yec' eb' 'a snan̈l Sitim yet' Gilgal, tze nan coti tas wutjnac in coln eb' an Jehová in tic, xchi Dios.

Dn 3:11

Ax mach to matz yiclni yem cumn 'a 'a, tzjulx 'emt 'a yojl jun jorna caw ow sn̈ilchj sc'aq'uil.

Salmos 94:20

Ach tic Mamin, matz a nib'j to junn̈j aj yet' eb' yajl to maysch'olnil tzyutj yiln yopiso. Man̈ wach'c tzyutj eb' sb'on yaj junc tas 'icha yaln ley.

Salmos 2:2

A eb' rey yet' eb' syajlil junjn chon̈ab', 'oj cot yowl eb', jun lajnxoj 'oj yutc eb' yaln 'a spatc Jehová, yet' pax 'a jun Rey sic'b'il 'el yu'uj.

Salmos 83:5

'Ix yac' eb' trato 'a a patquil, to junn̈j tzyutj sb'a eb' smasnil:

Dn 6:16

Xlajw cha, 'ix 'at ya'nc win rey chi 'ijxoc cot Daniel, 'ix julx 'ejm 'a yol yet'l e no león 'aj 'ayq'ui. A yic mantzac julx 'ejm cha, 'ix yaln can win rey chi 'a Daniel 'ixtic: —A cab' jun a Diosal 'aj tzac' 'emmquilal 'a junjn c'u, a 'oj a colni, xchi winac.

Salmos 59:5

Mamin Jehová, tzta'n̈j oj smasnil, qui Diosal ach an̈ israel on̈ tic on̈. Cotan̈, 'a'ch syailal eb' chon̈b' tic; man̈ 'o'ch a c'ojl 'a smasnil eb' tzmeltzj 'och 'ayn yet' smaysch'olnilal.

Dn 2:4

Xlajw cha, 'ix paxtin eb' tzyal jelnal sb'a chi 'a win rey 'a sti eb' arameo, atn sti eb' cha, 'ix yaln eb' 'ixtic: —¡Mamin rey, 'ayc'n̈ej cab' opiso tic 'a jun 'ejmn̈ej! Al 'ayn̈ an̈ a checb' on̈ tic, tas 'ix el 'a a waych cha, an̈ xo 'oj cal 'aych on̈ tas tzyal 'el'chi, xchi eb'.

Dn 6:22

A in Diosal, a 'ix 'a'n cot jun yángel yic smacn sti e no león tic, sec may tzin yutj e no', yujto caw yojc Dios to caw may jac in mul. An̈jtona', may xon jac tas tu 'ix in b'o 'aych mamin rey, xchi Daniel.