Dn 6:3 - Chuj San Sebastian Bible

³ Yajn̈j wal cha, 'ix checlj 'el Daniel 'a scal jun tzo'n̈ xo eb' yit gobernadoral cha, yujto wach'n̈j tzyutj sb'a. Yuj cha, snib'n win rey chi ya'ch 'a sat yajlil 'a snacion̈.

Chuj San Mateo Bible

³ Ix checlajel vin̈aj Daniel chi' d'a scal eb' vin̈ yetyajalil chi', yujto vach'n̈ej syutej sb'a vin̈. Yuj chi' ix sna vin̈ rey chi' to tz'och vin̈ sat yajalil d'a yol smacb'en chi'.

Dn 6:3 Referans Kwoze

Dn 5:14

'Ix alx wab'i', to caw ab' 'aych sjelnal jun tzo'n̈ dios 'ayach, caw ab' wach' ach, 'ay a nab'en, caw jeln ach ab' paxi.

Pr 22:29

Toto wach' tzeyutj munljoc e b'a, 'oj eyoch munljoc 'a jun tzo'n̈ munljel niwc yel'chi, man̈oc 'a jun tzo'n̈ comn munljel 'aj 'oj e munlji.

Dn 5:12

Caw wal chuc yel sjelnal, caw 'ay pax snab'en. Tztac' yalni tas tzyal 'el'ch jun tzo'n̈ wayich, yet' jun tzo'n̈ paxti 'ajltac snachj 'eli, tzb'on pax yaj eb' 'anma tzsomchj 'el snab'en. A jun winc cha, Daniel sb'i, ax win rey chi x'a'n scuch Beltsasar. Mamin rey, comnoc tzac' 'awtxoc cot Daniel cha, ax 'oj alnc 'ayach, tas tzyal 'el'ch jun tzo'n̈ letra tz'ib'b'il 'och 'a sat yich n̈a cha, xchi 'ix.

Ester 10:3

A Mardoqueo 'ix 'ochcn schab'loc 'a win rey cha. Caw wal niwn x'aj 'el'ch 'a scal eb' yit israelal, nib'b'il yuj smasnil eb' yit chon̈ab', yujto caw 'ix sayc' swach'l eb' yit chon̈b' cha. 'Ix yac' wal yip, yic wach' tzcan eb' 'a tzaljc'ojlal yet' 'a junc'ojlal.

Dn 9:23

A wal yic xa chan 'el yich a leslwi, 'ix pacx a lesl yuj Dios. Yuj cha, tzin jawi yic tzwul walnc ab'i', yujto ach tic caw wal chamc'ojlb'ilch yuj Dios. A ticnec, maclj wal ab' tas 'oj wal 'ayach, nachj cab' 'el o'oj tas tzyal 'el'ch jun a waych cha.

Pr 17:27

Toto jab' wal tas tzcalec, caw 'ay qui nab'enec, caw jeln on̈ec toto tzqui yamc 'och wan qui b'a.

Ec 2:13

Ata xnachj 'el wu'uj, to a jelnal, yel xo wach' 'a yib'n̈ man̈ nab'enal, 'icha sacq'uinal, yel xo wach' 'a yib'n̈ q'uic'q'uinal.

Nehemías 7:2

Xwa'n 'och wu'tac Hananí yet' Hananías syajlilc cuartel 'a Jerusalén, yujto a jun winc cha, caw tojl snab'en, caw 'ay xiwc'ojlal 'a Dios 'a yib'n̈ jun tzo'n̈ xo eb'.

Dn 5:7

'Ix ya'n 'el win rey chi yaw, xyawtn cot win eb' tzyal jelnal sb'a, eb' tzchumn yet' c'anal, yet' eb' tztac' snan 'el paxti'. A yic xc'och eb', xyaln win 'a eb' 'ixtic: —A mach tztac' yawtn jun tas tz'ib'b'il 'och tic, tzyaln 'ayin tas tzyal 'el'chi, a jun cha, caw 'oj 'ajxoc 'och te pichl púrpura 'a 'a. 'Oj 'ajxoc pax 'och jun q'uen cadena nab'a oro 'a sjaj 'icha ton̈, ax yoch pax yoxl reyl 'a wopiso tic, xchi winac.

Esdras 4:22

Man̈ ton̈joc tzex 'och q'ueln 'a jun cha, sec wach' matz niwtj sjuw tas yuj eb' 'a yol in macb'en tic, xchi win rey cha.