Dn 6:28 - Chuj San Sebastian Bible

²⁸ Ax Daniel cha, caw xwach' q'ue'ch 'a yopiso 'a yic 'aych win Darío reyal, yet' pax 'a yic 'aych win Ciro reyal, win 'aj Persia.

Chuj San Mateo Bible

²⁸ Ayn̈ejoch vin̈aj Daniel chi' d'a yopisio ayic ayoch vin̈aj Darío d'a reyal yed' pax yic ayoch vin̈aj Ciro aj Persia reyal.

Dn 6:28 Referans Kwoze

Dn 1:21

'Ayn̈j 'och Daniel chi 'a yopiso, masnto 'a yic yab'lil xo yoch win Ciro reyal.

2 Cr 36:22

A 'a b'ab'l ab'il yoch Ciro reyl 'a Persia, ata x'el'ch tas ya'jnac Jehová yal-l Jeremías. A Jehová a 'ix aln 'a snab'en Ciro sreyl Persia, yic tzyaln 'el jun ley 'a smasnil yol snacion̈ 'a un̈al, tzyaln jun ley chi 'ixtic:

Is 44:28

An tzwal 'a win Ciro 'ixtic: Ach 'aych 'och yilmalc wu'uj, ach 'oj a b'o smasnil tas tzin nib'ej, xin chi 'a 'a. Tzwaln 'a Jerusalén: Ach tic 'oj a b'ox chan̈ jun 'ejm xo, ax yajx pax 'ejm yich watut jun 'ejm xo, xin chi 'a 'a, xchi Dios.

Dn 10:1

A yic yoxl ab'il yoch win Ciro reyl 'a chon̈b' Persia, 'ix japx spaxti Dios 'a Daniel, atn tzcuch pax Beltsasar. Waychil 'ix 'aj yalx 'a 'a, yuj tas wal tzyal 'el'chi. A jun paxti cha, niwquil owl tzch'oxo.

2 Cr 36:23

An Ciro in tic, sreyl in Persia, an tzwal 'ixtic: A Jehová sDiosal satcha'an̈, a x'a'n 'och smasnil nacion̈ 'ay 'a sat lum tic 'a yol in c'ab'. A 'ix aln 'ayin, to tzin b'o chan̈ junc yatut 'a Jerusalén 'a yol yic Judá. Yuj cha, tzann̈j ex to schon̈b' Jehová eyaji, colwj cab' Jehová e Diosal eyet'oc. A ticnec 'ixquec 'a Jerusalén cha, xchi Ciro.

Dn 5:28

UPARSIN: A 'a macb'en 'aj 'aych 'och reyal, tox 'ix 'ijx 'ec' 'ayach, 'ix pojx 'ec' 'a eb' 'aj Media yet' eb' 'aj Persia, xchi Daniel.

Salmos 77:15

A yet' 'a poder 'ix a coln can 'el eb' a chon̈ab', atn eb' yin̈tl Jacob yet' José.

Jeremías 32:20

Ach 'ix a b'o jun tzo'n̈ niwc milagro, yet' jun tzo'n̈ ch'oxnb'il caw niwc yel'ch 'a Egipto. An̈jtona ticnec, til to wal tas tza ch'ox 'a qui cal an̈ israel on̈ tic on̈, yet' pax 'a scal smasnil 'anma'. Yuj cha, caw niwn el'chi.

Dn 3:29

A ticnec, an tzwala, to a smasnil mach tzaln tu paxti'al 'a sDiosal jun tzo'n̈ quelm tic, caw wal choc' 'oj 'aj smilx chamoc. Ax yatut, 'oj ma'xoc can 'ejm lan̈chjoc, wach'xam chuc chon̈b'al, chuc nacion̈al, mto chuc til tzyala. Yujto may wal junc xo dios tztac' scolwj 'icha sDiosal ewin tic, xchi winac.