Dn 5:20 - Chuj San Sebastian Bible

²⁰ Palta caw spitj sb'a yet' sb'an̈quinal, yuj cha, x'ijx 'ec' yopiso 'a sreyal, yet' sb'inab'ilal.

Chuj San Mateo Bible

²⁰ Palta a val yic ix yic'anchaan̈ sb'a vin̈, ix ixtaxel sb'eyb'al vin̈. Ix ic'chajel vin̈ d'a yopisio d'a reyal chi' yed' snivanil yelc'ochi.

Dn 5:20 Referans Kwoze

A Ch'an̈ Carta D'a Eb' Hebreo 3:13

Ya' sb'a 'ayt jab'x tiempo, caw tzlaj e jucb'tzoc e b'a 'a junjn c'u, sec wach' may ex tzex 'ixtx yuj maysch'olnil, may ex tzex pitb' 'el yu'uj.

Jeremías 13:18

'Ix yaln Jehová 'ixtc 'ayin: Al 'a win rey yet' 'a 'ix snun winac, to an tzwal 'ixtic: 'Emn̈ect 'a e despacho. Tzlajw cha, ax 'a sat lum tzex 'em wocan, yujto a jun e corona man̈x jantcoc swach'l yilxi, caw 'oj 'ijxoc 'el 'a e jolom.

2 Cr 36:13

An̈jtona', 'ix yac' tenmtacl sb'a 'a Nabucodonosor, atn jun 'aj 'ix yac' sti 'a sat Dios, to junxn̈ej tzyutj snab'en yet'oc. Jun 'eln̈ej 'ix yac' pitb'oc 'el snab'en, man̈xtoc 'ix yal sc'ojl xmeltzj 'a Jehová sDiosal chon̈b' Israel.

A Ch'an̈ Schab'il Libro Yic Yab'ixal Eb' Rey 17:14

Palta ma'ix syiclj eb', caw wal pit 'ix yutj eb' snab'en 'icha eb' smam yichm eb' cha, yujto ma'ix ya'ch eb' Jehová sDiosal yipc sc'ojol.

Ex 9:17

Wach'xam til wal jun tzo'n̈ yailal tzin ch'ox ela', palta an̈j 'ijnoc tza pitb'tzej a b'a, matz a chaj 'at eb' in chon̈b' tic.

Pr 16:18

Toto tzqui b'an̈c qui b'a, tzon̈ 'ijxec 'ejmi; toto tzquijec chan̈ qui b'a, 'oj quijxec 'ejm 'a slajub'.

Lc 18:14

An tzwal 'ayex, a win tecm 'el tumn cha, yic mantzac pax win 'a yatut, yajn̈j cha, xyaln Dios to wach' win 'a sat. Palta ax win fariseo cha, ma'ix yal Dios to wach' win 'a sat. Yujto a eb' tzyij chan̈ sb'a, man̈x 'a jac yel'ch 'oj 'aj eb'. Ax eb' tzyij 'ejm sb'a, caw niwn yel'ch 'oj 'aj eb', xchi Jesús.

Jeremías 19:15

A Jehová tztac' yuj smasnil, atn jun qui Diosalec an̈ israel on̈c tic, a 'ix aln 'ixtic: 'Oj wa' cot yailal 'a yib'n̈ Jerusalén tic, yet' 'a yib'n̈ jun tzo'n̈ xo chon̈b' 'ay 'a stz'ey. A smasnil yailal 'ix walcn tic, 'oj jawc 'a eyib'an̈ yujto xeyac' pitb'oc 'el e b'a, man̈xtzac eyiclj tas tzwala, xchi Dios, xchi Jeremías.

Pr 16:5

Caw matz chaj sc'ojl Jehová toto b'an̈quintac tzlaj cutquec qui b'a; a mach b'an̈quintac, tojln̈ej yajx 'och syailal.

Dn 4:37

A ticnec jun, an Nabucodonosor in tic, tzwij chan̈ sb'i jun sReyl satcha'an̈, tzwaln pax wach' paxti 'a 'a. Yujto caw wach'n̈j tas tzb'o'o, caw tojln̈ej smasnil, a tz'i'n 'ejm eb' cob' tzyij chan̈ sb'a 'a yol yico', xchi win rey cha.

Ez 30:6

An Jehová in, an tzwala: A eb' 'oj colwjoc cob' 'a Egipto, 'oj cham eb' yuj owl cha, 'oj cotn̈j 'a Migdol masnto 'a Asuán, 'oj 'ijxoc can 'ejm Egipto yuj sb'an̈quinal.

Jeremías 48:18

'Actjec can e b'inab'ilal ex 'aj Dibón, 'emmquilal tzeyutj e b'a, yujto a jun mach wan satn 'el Moab, wan sc'och 'ayex, wan xo sma'n lan̈chjoc smuroal e chon̈ab'.

Is 47:1

Tzyal Dios 'ixtc 'a Babilonia: 'Emn̈ta 'a a despacho, 'emn̈ wocn 'a scal pococ. Yujto a 'a yic pecti', lajn wal elx 'icha junc 'ix cob's mant 'a yichmil. Ax ticnec, man̈x 'oj alxoc 'aych 'ixtic: 'Ix cob's 'unn ya'ilb'il.

A Ch'an̈ B'ab'el Libro Samuel 6:6

Man̈ tzatzc tzeyutj e nab'en, 'icha yutjnac sb'a eb' 'aj Egipto yet' win faraón. 'Ix stzatzb' 'el snab'en eb' masnto 'ix yac' Dios syailal eb', 'ixta to b'i'an 'ix ya'n 'elt win eb' israel cha.

Ex 18:11

A ticnec, caw wal xwojquej 'eli to a Jehová, yel xo wal 'ec'b'al 'a yib'n̈ jun tzo'n̈ tzalx 'och diosal, yujto ex colx 'elt 'a yol sc'ab' eb' 'aj Egipto yu'uj, wach'xam niwquil cob' xyutj sb'a eb' 'a yojltac Jehová, xchi Jetro cha.

Ez 31:10

Yuj cha, a Jehová Cajlil a tzaln 'ixtic: Caw cob' niwquil x'aj sq'uib' stel jun te cha, 'ix 'ec' stel 'a jun tzo'n̈ xo yit te'al. Yujto niwquil x'aj ste'il, yuj cha, caw b'an̈quintac xyutj sb'a.

Dn 8:8

Ax no chiwo cha, caw 'ipn swach' 'och yip no'. Palta ax x'aji, a wal 'a yic 'aych no 'a ste'nal yet' yip, 'ix wecchj 'el jun sniwquil ch'ac cha. Ax 'a yet'l 'aj xwecchj 'el cha, ata xq'uel chan̈e xo sch'ac no', q'ueln 'at sch'ac no chi 'a schan̈paq'uil yolyib'n̈q'uinal.

Dn 11:36

A jun rey 'ay 'a norte cha, 'oj sb'o 'icha wal tas tznib'j sc'ojol. Caw 'oj sb'an̈ sb'a, ax yalni chajtlto caw niwn yel'ch 'a yib'n̈ jun tzo'n̈ tzalx 'och diosal. 'Intax 'oj b'uchwjoc 'a jun Dios to caw yel. 'Oj sb'o smasnil tas tznib'j sc'ojol, masnto 'oj ya' cot Dios yowl sc'ojl 'a yib'an̈, yujto a smasnil tas nab'il yuj Dios, yowlal 'oj 'el'choc.

Ex 9:7

Xlajw cha, 'ix ya'n win rey 'ilxoc, toto yel may junc scajb'en noc' eb' israel chi xchami. 'Ixta 'ix uji, palta an̈ja 'ix pitb' 'el snab'en win rey chi jun 'ejm xo, ma'ix chaj 'elt win eb' israel cha.

2 Cr 32:25

Wach'xam a Ezequías caw niwn swach'l 'ix scha'aj, palta ma'ix yac' yuj diosal yuj jun tzo'n̈ cha, a yico' to 'ix yij chan̈ sb'a yet' snab'en. Yuj cha, 'ix cot yowl sc'ojl Jehová 'a 'a, an̈jtona yet' 'a eb' 'a Jerusalén yet' 'a jun tzo'n̈ xo eb' 'a Judá.

Dn 4:26

A jun paxti 'ix alx cha, chajtlto tzcan te yib' yet' te sch'an̈l yib' 'a sat lu'um, tzyal 'el'chi, to 'oj a meltzj pax 'a opiso jun 'ejm xo, yic tox 'ix nachj el o'oj to a jun 'aj satcha'an̈, a Yajl yaj 'a yolyib'n̈q'uinl tic.

Dn 4:28

Smasnil jun tzo'n̈ paxti alb'il can 'a win rey Nabucodonosor cha, 'ix 'el'ch eb'.