Dn 5:19 - Chuj San Sebastian Bible

¹⁹ Yuj wal jun sjelnal x'ajx cha, yuj cha, smasnil eb' 'anma 'a junjn nacion̈ yet' 'a junjn ti'al, caw x'ib'x eb' yuj xiwlal 'a yojltac winac. Caw niwn yel'ch win 'a sat eb'. A mach tznib'j tzmila, tzmiln̈j chamoc, ax mach tz'el 'a sc'ojl matz mila, matz mila. 'Ay mach x'ijx chan̈ yu'uj, ax 'ay mach x'ijx 'ejm yu'uj, a tzyal tas tznib'j sb'o'.

Chuj San Mateo Bible

¹⁹ Yuj opisio ix ac'chaj chi' d'a vin̈, ix xiv masanil anima d'a junjun nación yed' d'a junjun ti'al, yujto nivan yelc'och vin̈ rey chi' d'a yol sat eb'. A mach sgana vin̈ schami, schamn̈ej, axo mach malaj sgana vin̈ schami, max miljichamoc. Ay pax mach ix ic'jiel d'a yopisio yuj vin̈, ay pax mach ix ac'jioch d'a yopisio, ato a' tas snib'ej sc'ool vin̈.

Dn 5:19 Referans Kwoze

Dn 3:6

Palta ax mach to matz 'em cuman, yic tzya'n 'ejm sb'a 'a jun yechl tic, yajn̈ej 'oj 'at julxoc 'emt 'a yojl jun jorna caw ow sn̈ilchj sc'aq'uil, xchi winac.

Dn 3:4

Ax jun mach 'aych 'a yib'n̈ sjucb'tzan tas tzalx 'elt yuj jun cha, caw 'ip 'ix yutj yaln 'ixtic: E masnil ex 'anma xcot 'a junjn chon̈ab', yet' 'a junjn nacion̈ yet' pax 'a junjn ti'al, macljec eyab' tas 'oj wala'.

Ro 13:1

Yowlal yiclum tzcutjec qui b'a qui masnil 'a eb' yajal, yujto a Dios tz'a'n yopiso eb'. Q'uinloc man̈oc Dios tz'a'n yopiso eb', may junc eb' 'ay yopiso.

Jn 19:11

Yuj cha, 'ix yaln Jesús 'ixtc 'a winac: —Yujto a Dios 'a'jnac opiso tic, toto ma'ay, may xon jac aln ec 'ayin. Yuj cha, a jun in 'a'n 'och 'a yol a c'ab', a 'ec'b'al smul 'a eb'an̈, xchi Jesús 'a winac.

Habacuc 2:5

A eb' 'anma tz'u'w 'an̈, caw wal tzb'an̈ sb'a eb' yuj te 'an̈ cha. Matz 'och wan eb' sayn 'ec' tas tznib'ej. Lajn wal eb' 'icha lum jul 'aj tzmucx eb' 'anma tzchami, may tz'aj sb'ut'j lum jul chi yuj eb' tzcham cha. 'Ixta pax eb' caldeo tzlaj macnc 'ec' eb' lum nacion̈ yico'oc.

Dn 4:22

A mach tzch'ox jun te cha, ach ton mamin rey, caw 'ix ach q'uib' yet' a b'inab'ilal. 'Ix 'och ep, masnto 'ix q'ue'ch a b'inax 'a satcha'an̈. 'Ix c'och a'n yajlil 'a 'aj tzlajw c'och lum lum tic.

Dn 3:29

A ticnec, an tzwala, to a smasnil mach tzaln tu paxti'al 'a sDiosal jun tzo'n̈ quelm tic, caw wal choc' 'oj 'aj smilx chamoc. Ax yatut, 'oj ma'xoc can 'ejm lan̈chjoc, wach'xam chuc chon̈b'al, chuc nacion̈al, mto chuc til tzyala. Yujto may wal junc xo dios tztac' scolwj 'icha sDiosal ewin tic, xchi winac.

Pr 16:14

A yowl sc'ojl win rey, chaml tzyij coti, ax eb' jeln snab'en, a eb' tzsayn sb'omb'il tas tz'aj yec' yowl sc'ojl win cha.

Apoc 5:9

Ax eb' 'ichm winc cha, 'ix sb'itnan eb' jun 'ac' b'it 'ixtic: Ach tic, a moj xa chaj jun ch'an̈ un̈ tic, yic tza n̈i'chtan seyoal. Yujto ach milb'ilch chamoc, a mann 'och eb' 'anma yico'oc Dios yet' a chiq'uil. Niwn eb' 'a junjn 'in̈tal, 'a junjn ti'al, 'a junjn chon̈b'al, yet' 'a junjn nacion̈al.

A Ch'an̈ Schab'il Libro Yic Yab'ixal Eb' Rey 25:28

Caw wach' 'ix yutj snab'en 'a yib'n̈ jun tzo'n̈ xo eb' rey preso yaj 'a Babilonia cha.

Ez 31:11

Yuj sb'an̈quintacl cha, 'ix in satn 'eli; xwa'ch 'a yol sc'ab' jun win yajl chuc schon̈ab', ax win 'ix satn 'el 'a 'icha smoj tz'aj yuj smaysch'olnilal.

Dn 4:17

An̈ ángel on̈ tzqui tan̈wj yolyib'n̈q'uinl tic on̈, an̈ tzcal on̈ to tzjaw jun yailal chi 'a yib'an̈, sec wach' tzyojquej 'el smasnil eb' 'anma', to a jun Dios yel xo niwn yel'chi, a tz'a'n yajlil 'a yib'n̈ smasnil nacion̈. A eb' tznib'j tzya'ch yajlil, tzya'ch yopiso eb'. A eb' 'anma yel xo may yel'chi, a eb' tzya'cn 'och yajlil 'a scal eb' 'anma', xchi jun ángel cha.

Dn 11:3

'Oj lajwc cha, ax yoch junx rey, caw wal jeln ya'n owal. Caw niwn smacb'en 'aj 'oj yac' yajlil, ax sb'on 'icha wal tas tznib'ej.

Dn 11:16

A jun 'oj 'a'nc ganar cha, 'oj sb'on̈j tas 'oj snib'c 'a jun 'oj lajwc 'el yuj cha. May xon junc mach 'oj stac' ste'wtzan sb'a 'a yojltac. 'Oj 'och 'a sat lum lum caw wach' yilxi, atn slum eb' israel, ax satn 'el smasnil tas 'oj snib'c satli.

Dn 11:36

A jun rey 'ay 'a norte cha, 'oj sb'o 'icha wal tas tznib'j sc'ojol. Caw 'oj sb'an̈ sb'a, ax yalni chajtlto caw niwn yel'ch 'a yib'n̈ jun tzo'n̈ tzalx 'och diosal. 'Intax 'oj b'uchwjoc 'a jun Dios to caw yel. 'Oj sb'o smasnil tas tznib'j sc'ojol, masnto 'oj ya' cot Dios yowl sc'ojl 'a yib'an̈, yujto a smasnil tas nab'il yuj Dios, yowlal 'oj 'el'choc.

Ec 8:3

Man̈ ji'ltic queltec 'a yojltac win rey cha. Man̈ qui te'wtzoquec qui b'a calnec quic 'a junc tas man̈ wach'c 'a sat winac; yujto tztac' sb'on win tas 'icha tznib'ej.

Dn 4:19

Yuj cha, ax Daniel tzcuch pax Beltsasar, sictac 'ix 'aj snan jun rato, caw somchj snab'en yuj jun cha. Palta 'ix waln 'ixtc 'a 'a: Beltsasar, man̈ ach 'och 'il yuj jun in waych cha, yet' pax yuj tas tzyal 'el'chi, xin chi. 'Ix ta'w Beltsasar chi 'ixtc 'ayin: ¡'Ay, mamin rey, comnoc wal a 'a yib'n̈ eb' 'ajc'ojl yajch 'ayach, comnoc ata 'oj 'em tas tzyal 'el'ch jun a waych cha!

Dn 11:12

Yujto 'oj cham jun b'uln̈ eb' soldado chi yu'uj, yuj cha, ax sb'an̈n sb'a, palta man̈ najtloc tiempo 'oj yac' yet' yopiso cha.