Dn 3:4 - Chuj San Sebastian Bible

⁴ Ax jun mach 'aych 'a yib'n̈ sjucb'tzan tas tzalx 'elt yuj jun cha, caw 'ip 'ix yutj yaln 'ixtic: E masnil ex 'anma xcot 'a junjn chon̈ab', yet' 'a junjn nacion̈ yet' pax 'a junjn ti'al, macljec eyab' tas 'oj wala'.

Chuj San Mateo Bible

⁴ A jun mach ayoch d'a yib'an̈ sloloni, te chaan̈ ix aj yalani: Ab'ec e masanil ex anima ix ex cot d'a masanil chon̈ab' yed' d'a junjun nación yed' d'a junjun ti'al.

Dn 3:4 Referans Kwoze

Dn 6:25

Xlajw cha, stz'ib'n 'at win rey Darío scarta 'a smasnil eb' 'anma 'a junjn nacion̈, yet' 'a junjn ti'al, xyaln 'at win 'ixtic: Tic tzwa't stzatzl e c'ojol, 'ay cab' e junc'ojlal.

Dn 4:1

'Ix yaln win rey Nabucodonosor jun tzo'n̈ spaxti tic 'ixtc 'a smasnil eb' chon̈b' 'ay 'a yol smacb'en: An reyn tic, tzwac' stzatzl e c'ojl e masnil ex chon̈ab', ex nacion̈, wach'xam chucchc e ti tzeyala, ex to cajn ex 'a sat smasnil lum lum tic.

Miqueas 6:16

Yujto tzeyiclj tas tzyal win Omri yet' Acab atn win 'unnab'il, tze b'eylb'an sb'eyb'al eb'. Yuj cha, 'oj wac' jawc yailal 'a eyib'an̈, yet' pax b'uchwal paxti'. 'Ixta 'oj eyutc eyab'n syal q'uixwelal 'a sat eb' nacion̈, xchi Dios.

Os 5:11

A chon̈b' Efraín cha, tox 'ix jaw 'a yib'an̈. Man̈x 'a tas 'ay 'a 'a, yujto 'ix ya'ch wal 'a sc'ojl yoch tza'n yuj jun tzo'n̈ comn dios.

Dn 4:14

Caw 'ip x'awj cha'an̈, xyaln 'ixtic: Ch'acc 'el jun te cha, tzu'c 'el sc'ab', tzeyi'n 'el xi'il, sactzicnac tzeyutj can 'at sat te'. 'At cab' e no calte'al noc' 'eloc, atn e no 'ayc' 'a yen̈l yich te', yet' e no ch'ic 'ayc' 'a sc'ab' te'.

Is 58:1

'Ix yaln Dios 'ayn 'ixtic: 'Awjan̈ yet' smasnil ep 'a eb' in chon̈ab', atn eb' yin̈tl Jacob. May yuj tzach xiwi, caw 'ip yel aw 'icha yic tz'utz'x q'uen trompeta. Tzaln yab' eb' to caw wal tenmtac eb', 'ix 'och smul eb' 'a in sat.

Is 40:9

'Ex 'aj Sión, q'uen̈ec c'och 'a sjolm junc lum witz, tzex 'awj 'a caw 'ip ta', yic tzeyaln 'el wach' 'ab'ix. Ex 'aj Jerusalén, man̈ex xiw eya'n 'el eyaw, alc 'el 'ixtc 'a yoltc chon̈b' yic Judá: 'Iltec yaj qui Diosalec 'a tic, xe chi.

Ester 8:9

Wal 'a yajn̈ej 'ix 'awtx cot smasnil eb' yajtz'ib' win rey. A 'a yic 23 yoch yoxl 'uj atn 'a jun 'uj tzcuch Siván. Smasnil tas xyal Mardoqueo, 'ix tz'ib'x 'at 'a smasnil eb' israel, 'a eb' gobernador, 'a eb' capitan̈, yet' pax 'a smasnil eb' yajl 'a 127 niwc chon̈b' macb'il yuj win rey cha, tz'atn̈j 'a India masnto 'a Etiopía. 'Ix tz'ib'x 'at 'a sti', yet' 'a sletra junjn chon̈ab'. An̈jtona 'ix tz'ib'x 'at 'a sti eb' israel cha.

Apoc 5:9

Ax eb' 'ichm winc cha, 'ix sb'itnan eb' jun 'ac' b'it 'ixtic: Ach tic, a moj xa chaj jun ch'an̈ un̈ tic, yic tza n̈i'chtan seyoal. Yujto ach milb'ilch chamoc, a mann 'och eb' 'anma yico'oc Dios yet' a chiq'uil. Niwn eb' 'a junjn 'in̈tal, 'a junjn ti'al, 'a junjn chon̈b'al, yet' 'a junjn nacion̈al.

Dn 3:3

Yuj cha, smasnil eb' niwc yajl 'ay 'a jun nacion̈ cha, c'uxn syam sb'a eb' 'a yojltac jun yechl cha, yic tznan eb' sq'uin̈al.

Dn 3:7

Yuj cha, a wal 'a yic xyab'n smasnil eb' 'anma chi yoc' smasnil jun tzo'n̈ yamc'ab' tzc'anlb'ax sonl cha, 'ix 'em cumn eb' smasnil, 'ix ya'n 'ejm sb'a eb' 'a jun yechl to nab'a oro cha.

Dn 3:10

Ach 'ix ac' 'elt jun ley, chajtlto a smasnil 'anma', a yic tzyamn 'och yoc' jun tzo'n̈ yamc'ab' tzc'anlb'ax sonal, a yic cha, yowlal tz'em cumn eb' smasnil, tzya'n 'ejm sb'a eb' 'a jun yechl nab'a oro 'ix ac' b'o'oc.