Dn 3:3 - Chuj San Sebastian Bible

³ Yuj cha, smasnil eb' niwc yajl 'ay 'a jun nacion̈ cha, c'uxn syam sb'a eb' 'a yojltac jun yechl cha, yic tznan eb' sq'uin̈al.

Dn 3:3 Referans Kwoze

Apoc 17:17

Yujto a Dios 'oj 'a'nc sb'o eb' 'icha tznib'ej. Yuj cha, junn̈j 'oj yutc eb' sb'on jun cha. Ax ya'n pax eb' yopiso 'a jun noc' sb'i cha. 'Ixta 'oj yutc eb', sec tz'el'ch tas yaljnac can Dios.

Apoc 17:13

A eb' lajn̈wan̈ cha, junn̈j 'oj yutc eb' snab'en ya'n yajlil. 'Oj yac' eb' spoder 'a jun noc' sb'i cha, ax ya'n pax eb' yopiso 'a 'a.

Ro 3:11

May junc mach 'aych snab'en 'a Dios, may junc mach nanto yu'uj.

Dn 3:2

Xlajw cha, xya'n win 'awtxoc cot smasnil eb' yajl 'aych 'a junjn chon̈b' 'ay 'a yol yic jun nacion̈ cha: eb' syajlil eb' soldado, eb' gobernador, eb' 'a'm nab'en, eb' molm tumin, eb' juez, yet' smasnil jun tzo'n̈ xo eb' yajal, sec tzc'och eb' 'at sna sq'uin̈l jun yechl xyac' win rey b'o cha.

Dn 3:4

Ax jun mach 'aych 'a yib'n̈ sjucb'tzan tas tzalx 'elt yuj jun cha, caw 'ip 'ix yutj yaln 'ixtic: E masnil ex 'anma xcot 'a junjn chon̈ab', yet' 'a junjn nacion̈ yet' pax 'a junjn ti'al, macljec eyab' tas 'oj wala'.

Dn 3:27

Xlajw cha, 'ix c'och smasnil eb' yit yajlil win rey chi 'a stz'ey eb' quelm winc cha. 'Ix yiln eb' to may jac sniwnal eb' stz'a yuj te c'ac' cha, may pax jac xil sjolm eb' stz'a'i, may xon x'i'n jac spichl eb' yuj te', may xon jac sjab' te c'ac' chi 'aych 'a eb'.