Dn 2:5 - Chuj San Sebastian Bible

⁵ 'Ix ta'w win rey chi 'a eb' 'ixtic: —A tas tox xin na ticnec, toto ma'oj eyal 'ayin tas jun in waych cha, yet' tas tzyal 'el'chi, caw choc' 'oj eyaj e milx chamoc, ax eyatut, jun b'uln̈ 'oj 'aj sma'x can 'ejm lan̈chjoc.

Chuj San Mateo Bible

⁵ Ix tac'vi vin̈ rey chi' d'a eb' vin̈ icha tic: —Toxo ix in na'a, tato man̈ ol eyal d'ayin tas ix in vayichej chi' yed' tas syalelc'ochi, choc' ol ex aj e xicjichamoc, axo e pat, ol pojchajcanemoc.

Dn 2:5 Referans Kwoze

Dn 3:29

A ticnec, an tzwala, to a smasnil mach tzaln tu paxti'al 'a sDiosal jun tzo'n̈ quelm tic, caw wal choc' 'oj 'aj smilx chamoc. Ax yatut, 'oj ma'xoc can 'ejm lan̈chjoc, wach'xam chuc chon̈b'al, chuc nacion̈al, mto chuc til tzyala. Yujto may wal junc xo dios tztac' scolwj 'icha sDiosal ewin tic, xchi winac.

Esdras 6:11

An̈jtona an tzwala, toto 'ay junc mach matz yiclni tas tzwal tic, 'ijx cab' 'emt junc spatzb'il yatut, tzjoyx 'ejm lin̈an, ax 'a te tzlocx q'ue'i. Ax yatut cha, tzma'x can 'ejm lan̈chjoc, jun b'uln̈xoj tz'ajcni.

A Ch'an̈ Schab'il Libro Yic Yab'ixal Eb' Rey 10:27

'Ix sma'n poj eb' yet'l xajmb'al yet' yatutal cha. Yet'l chuljub' xoj x'ajcni, masnto ticnec.

Salmos 50:22

Toto tzin 'at satc'ojlal eyu'uj, wach' cab' tz'aj snachj 'el eyu'uj, to choc' 'oj ex wutc cani. Man̈x 'a mach 'oj e coln 'el 'ayin.

Dn 2:12

A wal yic 'ix yab'n win rey chi jun tzo'n̈ cha, caw 'ix cot wal yowl win si'mb'il. 'Ix yaln winac to tzmilx cham smasnil eb' tzcob' yalch jelnal sb'a 'a yol yic Babilonia cha.

Salmos 58:7

Sat cab' 'ejm eb' 'icha tz'aj stup 'ejm a a tzb'eyi. Lajn cab' tz'aj eb' 'icha te c'ultc tzte'x yuj 'anma'.

A Ch'an̈ B'ab'el Libro Samuel 15:33

'Ix yaln Samuel 'ixtc 'a winac: —Yuj q'uen espada, yuj cha, til wal 'ix 'ix cann̈c 'a to man̈x 'a yune'. 'Icha wal 'ajnc can eb' 'ix chi o'oj, 'ixta wal 'oj 'ajcn a nun 'a scal eb' 'ix yit 'ixal, xchi. Yajn̈j cha, 'ix scotc tzu'n 'at Samuel chi win Agag 'a yojltac Jehová 'a chon̈b' Gilgal.

Dt 13:16

Tze molb'tzej smasnil tas 'ay 'a eb', tzeyi'n 'at 'a plas 'a yol chon̈b' cha. Tzlajw cha, tzeya'n 'och sc'a'l jun chon̈b' chi yet' smasnil jun tzo'n̈ tzeyij 'ec' 'a eb' cha. 'Ixta wal tzeyutj eya'n tz'a 'a yojltac Jehová qui Diosalec. A jun chon̈b' cha, jun 'eln̈ej tzlajw can 'ejmi, man̈x 'a b'a'n̈ tzb'ox sjel.

Josué 6:26

Xlajw cha, xyaln Josué jun tzo'n̈ spaxti tic 'ixtic: Scatb'oc cab' Jehová junc mach tznib'j b'onc pax chan̈ jun chon̈b' tic b'aq'uin̈. Cham cab' sb'ab'l 'unnal yic tz'em smuroal yich, ax yic tz'och spuertail, a cab' win stza'n 'unn tzchami, xchi.

Dn 4:9

Ach Beltsasar, syajlil ach eb' tztac' snan 'el junc paxti', wojtac to a sjelnal jun tzo'n̈ dios 'aych 'ayach. A smasnil tas c'ultac yaji, caw tznachjn̈ej 'el o'oj. Maclj wal ab' jun tzo'n̈ in waych chi 'ix wil cha, ax aln 'ayin tas tzyal 'el'chi.