Dn 2:45 - Chuj San Sebastian Bible

⁴⁵ Atn wal chi tzyal 'el'ch q'uen q'uen 'ix el scot 'a sat witz cha, to man̈ 'anmac 'ix ecn cot q'ue'en. A q'uen 'ix 'a'n 'och poccal q'uen hierro, q'uen bronce, lum mucb'il lu'um, q'uen plata yet' q'uen oro. A jun Dios caw niwn yel'chi, a 'ix ch'oxn 'aych mamin rey, yuj tas 'oj ujc b'aq'uin̈. A jun a waych cha, 'oj 'el'choc tas tzyala, 'icha wal tzwutj waln 'aych tic, 'ixta wal tzyal 'el'chi, xchi Daniel 'a win rey cha.

Chuj San Mateo Bible

⁴⁵ Aton chi' syalelc'och q'uen q'ueen ix il scot d'a sat vitz to malaj junoc mach ix ecancoti. Aton yuj q'ueen pococxon̈ej ix ajcanb'at q'uen hierro, q'uen bronce, lum luum, q'uen plata yed' q'uen oro. Mamin rey, a Dios te Nivan Yelc'ochi, a' ix ch'oxan d'ayach tas ol ujoc d'a b'aq'uin̈ chi'. A jun a vayich chi' te yel, icha val tz'aj valan tic, icha chi' ol aj yelc'ochi, xchi vin̈aj Daniel d'a vin̈ rey chi'.

Dn 2:45 Referans Kwoze

Is 28:16

Yuj cha, tzyaln Jehová 'ixtic: An 'oj wa'cn 'och jun mach yipnub'alc 'a Sión, lajn jun chi 'icha junc q'ue'en. A jun cha to niwn yel'chi, sic'b'il 'el wu'uj yic tz'och 'a schicn n̈a. May b'an̈ 'oj satl jun yich 'aycn 'ejm cha. A eb' tzya'ch jun mach chi yipc sc'ojol, may b'a'n̈ 'oj somchjoc eb'.

Gn 41:32

Cha'ejm yamn x'och a waych mamin rey, sec tznachj 'el o'oj, to a Dios nab'ilx xon jun tzo'n̈ chi yu'uj, yowlal 'oj 'el'choc muc'uc.

Malaquías 1:11

An tzwala to niwn wel'ch 'a sat smasnil nacion̈ 'a yolyib'n̈q'uinal. A wal tas caw wach' a chi tzyac' tz'a eb' xajmb'alil, yet' ya'n eb' yofrendaoc 'ayin, yujto caw niwn wel'ch 'a sat eb'.

Salmos 48:1

A Jehová caw wal niwn yel'chi. A qui Diosalec smoj wal yalx wach' paxti 'a 'a, 'a yol chon̈ab' yet' 'a lum tzaln to yicn̈ej yaji.

A Ch'an̈ Schab'l Libro Samuel 7:22

Mamin man̈x jantcoc a jelnal, yujto may junc 'anma tztac' slajb'tzan sb'a et'oc. Caw may junc xo Dios lajn et'oc, cojxn ach ton Dios ach, a tzyal 'ixta tzcutj cab'ni.

Dt 10:17

yujto a Jehová qui Diosalec, 'ec'b'al 'a yib'n̈ jun tzo'n̈ xo tzalx 'och diosal. A yajl yaj 'a yib'n̈ eb' yajal. Cojxn tztac' yalni, caw 'ay spoder, 'ay pax smay, may 'aj tzjel snab'en 'a yib'n̈ junc tas, may 'aj tzchon̈ sb'a yuj tas tzsiyx 'a 'a.

Gn 41:28

A tas xwal 'aych mamin rey, atn tas tzyal 'el'ch a waych cha. A Dios x'a'n a waychoc tas 'oj sb'o'.

Apoc 19:17

Ax xwilni, 'ay jun ángel lin̈n 'ec' 'a c'u. Caw 'ip yaln 'a smasnil no ch'ic tzjen̈n̈ 'ec' 'a snan̈l satcha'an̈: Cotn̈ec, wul yamc e b'a yuj jun niwn wal 'oj 'och yuj Dios.

Apoc 4:1

Xlajw cha, xwilni, 'ay jun puerta jacn 'a satcha'an̈. A jun 'ix aln 'ayn 'a b'ab'el, atn jun lajn sjaj yet' trompeta, a 'ix aln 'emt pax 'ayn 'ixtic: —Q'uen̈ta 'a tic. A 'aych 'oj in ch'ox jun tzo'n̈ tas tot 'oj jawoc, xchi 'ayin.

Apoc 1:19

Tz'ib'j can jun tzo'n̈ tzel tic, atn jun tzo'n̈ 'ayc' ticnec, yet' jun tzo'n̈ tot 'oj ujoc.

Lc 17:20

'Ay jun tzo'n̈ ewin fariseo xc'anb'n 'a Jesús 'ixtic: ¿B'a'n̈ wal 'oj jawc stiempoal yoch Dios Cajliloc? xchi ewin 'a 'a. —A yic tz'och Dios Yajlil, matz tac' quiln yet' qui sat.

Mt 24:35

'Oj lajwc 'ec' satcha'an̈ yet' yolyib'n̈q'uinl tic, ax in paxti', may b'a'n̈ 'oj lajwc 'eq'ui.

Mt 21:24

Yuj cha, 'ix yaln pax Jesús 'ixtc 'a ewinac: —An̈jtona', ax tic 'oj in c'anb'c pax junc tas 'ayex; toto 'oj e pac 'ayin, to 'ixta', 'oj wal pax 'ayex mach 'a'jnac wopiso in b'on jun tzo'n̈ cha.

Zacarías 12:3

A 'a yic jun tiempoal cha, a Jerusalén 'icha junc q'uen q'uen man̈x jantcoc yalil, 'ixta 'oj wutc 'a jun tzo'n̈ xo nacion̈. A mach 'oj snib'c 'i'nc 'el 'a yet'ul, 'oj lajwc yu'uj. Smasnil nacion̈ 'oj syam sb'a, ax cob' ya'nc eb' owl yet' Jerusalén.

Dn 2:44

A 'a yol stiempoal jun tzo'n̈ eb' rey cha, ata 'oj ya'ch Dios 'aj satchan̈ junx yajl yet' snacion̈ to man̈x 'a b'a'n̈ 'oj satli. Man̈x 'oj 'ajxoc 'och 'a yol sc'ab' junc xo chon̈ab'. 'Oj satxoc 'el smasnil jun tzo'n̈ xo rey yet' snacion̈ yu'uj. Palta a jun cha, 'ayc'n̈ej 'a jun 'ejmn̈ej.

Dn 2:24

A yic xlajw yaln Daniel chi jun tzo'n̈ tic, 'ix 'at 'a win Arioc cha, atn win x'ajx yopiso yuj win rey smiln cham eb' tzyal jelnal sb'a 'a yol yic Babilonia cha, 'ix yaln 'a win 'ixtic: —Ach wajlil, comnoc matz cham eb' tzyalch jelnal sb'a cha. 'Ij in 'at 'a yojltac win rey cha. An 'oj wala' tas tzyal 'el'ch swaych win cha, xchi.

Salmos 145:3

Mamin Jehová, caw wal niwn yel'ch a b'i, yuj cha, smoj wal a b'itnaxi; a 'a b'inab'ilal, man̈ alchjb'enoc.

Salmos 135:5

Wojc wal si'mb'il to a Jehová Cajlilec, yel xo wal 'ec'b'al 'a yib'n̈ jun tzo'n̈ comn dios.

Salmos 96:4

yujto a Jehová caw niwn yel'chi, smoj wal yalx wach' paxti 'a 'a. Yel xo 'ay smay 'a yib'n̈ jun tzo'n̈ comn dios.

Job 36:26

A Dios caw wal niwn yel'ch yet' spoder, an̈ec xo tic, matz tac' cojcanec tas wal yaji, matz tac' pax calnec jantc yaj sq'uinal.

Nehemías 9:32

A ticnec ach qui Diosal on̈, caw niwn el'chi, caw 'ay ep, 'ay smay a b'inaxi, matz 'at satc'ojlal a trato o'oj. Yuj a niwquil chamc'ojlal, 'ay cab' yel'ch syailal eb' qui reyl 'a a sat, eb' 'aych qui yajlil on̈, eb' ya'mal 'och qui ti 'aych on̈, eb' a checab', eb' qui mam quichm on̈, yet' smasnil eb' quit chon̈b' on̈, to 'ix yab' eb' syail yictax 'a yol stiempoal eb' sreyl Asiria masnto 'a jun tiempoal tic.

Nehemías 4:14

A yic xwilni to tzxiw eb', xin te'wtzan in b'a waln 'ixtc 'a eb' yichm wincal chon̈ab', 'a eb' yajl yaj 'a yib'n̈ eb' chon̈b' cha, yet' 'a smasnil eb' 'anma': Man̈ ex xiwoc. Nac cot qui Diosalec to caw niwn yel'chi, smoj a 'a tzon̈ xiwec. Yuj cha, qui colc qui chon̈ab', eb' cunnalec, eb' 'ix quislec, eb' 'ix quistlec yet' catutec, xin chi 'a eb'.

1 Cr 16:25

yujto a Jehová caw niwn yel'chi, smoj wal yalx wach' paxti 'a 'a. Yel xo 'ay smay 'a yib'n̈ jun tzo'n̈ comn dios.

Dn 2:28

Palta 'ay jun Dios 'aj satcha'an̈, a tztac' ya'n cojcoc 'el jun tzo'n̈ tas caw c'ultac yaj cha. A tz'a'n ojcoc 'el ach mamin rey tas jun tzo'n̈ 'oj ujc b'aq'uin̈. 'Oj wal 'ayach tas 'ix el 'a a wayich yic wayn̈c ach cha:

Dn 2:29

Ach tic mamin rey, a yic wayn̈c ach cha, 'ix a yamn 'och a nani tas 'oj ujc 'a yic b'aq'uin̈. Ax Dios jun mach tz'a'n 'ojcaxc 'el jun tzo'n̈ tas c'ultac yaji, a 'ix ch'oxn 'el jun tzo'n̈ tas 'oj ujc cha.

Dn 8:25

Yuj wal sjelnal yet' yixtm 'anma'il, ax sq'ue'chi. Caw 'oj sb'an̈ sb'a si'mb'il, til wal eb' 'anma may jac tas nan yu'uj, ax smilx cham eb' yu'uj. Caw 'oj ste'wtzoc sb'a 'a sat Dios Syajlil eb' yajal. Wach'xam man̈oc eb' 'anma 'oj satnc 'eli, palta yowlal 'oj satxocn̈ej 'eli.

Gn 41:26

A tzyal 'el'ch ucwn̈ no wacx caw b'a'ch cha, uque ab'il tzyala; an̈jtona', 'ixta pax uque sjolm 'ixm trigo caw wach' cha, junn̈j tas tzyala.

Salmos 2:9

'Oj ac' cuenta eb' chon̈b' yet' yowl a c'ojol, 'icha wal tz'aj spoj junc lum chen yuj junc q'uen c'ococh, 'ixta wal 'oj 'ajcn eb' o'oj, xchi 'ayin, xchi Yunnal Dios.

Hageo 2:22

'Oj wac' lajwc 'ejm yip smasnil jun tzo'n̈ nacion̈ 'ay 'a yolyib'n̈q'uinl tic, ax in juln 'ejm can yopiso eb' 'a sat lu'um. 'Oj wac' pil'chjoc smasnil caruaje yic owal, yet' jantcn̈ej eb' 'aych 'a yojol. 'Oj cham no chej yet' eb' soldado 'ay q'ue 'a yib'n̈ no', junjn eb' mun 'oj stzu' cham sb'a eb' yet' eb' ajun yet'oc.